麺屋こころ (軒尼詩道)

營業中

休息中

同朋友大概5點45分去到，去到唔多人，不過陸陸續續開始多人到滿座，但離開時(大概6點30)就未需要排隊。店員態度友善。點左餐之後，店員會就住你order左既餐而俾一個建議食法俾你，等你試下一碗面有唔同既食感。原味東京撈麵 ($89)賣相係吸引既👍🏻 撈麵都有好多配料包括：溫泉蛋、辣肉碎、蔥花、韭菜、紫菜碎、生蒜、魚粉及小麥麵。餐廳教既第一個食法就係先戳破蛋黃並完全攪拌撈麵去試下佢最初既味道。我覺得撈勻循之後食層次感豐富，都埋係重口味的，有肉碎既辣(少少辣)之餘又有蔥花韭菜等等既爽；小麥麵硬硬地有口感係我鐘意既感覺，食左一半都唔會覺得膩🫰但始終成碗都係同一種味道係會容易膩，所以可以試第2個食法。享用三分一後，可以加即磨黑胡椒提升香氣。我加得唔多，因為唔想太辣，加左第一啖會覺得好似新奇左D，但慢慢地都會覺得係同一種味道 🤪 不過都依然覺得好味可以食落去👍🏻享用三分二後，加埋佢地既秘製香醋增加醒胃感。不過我自己唔鐘意酸酸地既感覺，我冇加好多，係清新左少少，但整體味道都差不多。最後，店員仲會問我地要唔要一口小飯撈埋剩餘既汁醬，我地梗係試啦，味道都仲好豐富既，唔錯。題外話，原本呢個撈麵係冇豬腩，

約朋友灣仔食lunch，佢知我鐘意食拉麵，所以推介食呢一間，話係好特別既日本撈麵🍜係排緊隊時店員好nice，怕我地會熱，每人都派左一把扇，非常貼心！💁🏻‍♀️入座後亦好快俾水我地飲，怕我地等位熱，值得一讚♥️食左原味東京撈麵、明太子忌廉撈麵♥️👉🏻店員送食物黎時會講用咩sauce撈、詳細講解次序👉🏻麵非常chewy! 亦好夠味👉🏻撈完醋口味提升左！亦無咁漏👉🏻份量足夠女仔食飽、但男仔好餓既亦有加底選擇

聽說灣仔有間在東京開過來的撈麵店非常受歡迎，一般上班的平日午飯時間大排長龍，要不是早早有人幫手來排隊都很難食得到。星期日的下午將近兩點，除了不用排隊餐廳還只是六成滿座，是一嚐的好時機。日式拉麵、沾麵就聽得多，撈麵還是第一次聽、第一次食。每張檯面都有一張餐廳建議的撈麵教學，客人可以參考一下，旁邊也有一些調味料可供加入。原味東京撈麵($89)是一碗集合了多款配料的乾撈拉麵，包括了生蛋黃、紫菜、蒜粒、韮菜、蔥花、肉碎和魚粉。把所有食材拌均後就可以開動了！麵的質地厚實，程不上很硬但麵本身的質地足料，也有一定重量，沾上蛋黃後會有些蛋和麥香，果腹感強。然而，沾上蛋漿的拉麵輕易地黏上又掛上各種先前提到的配料，原味味道是很重口味的：有肉碎和魚粉的鹹、有蔥蒜的辛、又有韮菜的香，把所有食材結合起來感覺在口裡爆發，有一種衝擊著味蕾的感覺根據餐廳的建議，我先加入了一點黑胡椒，麵裡一如以往那樣重口味，同時亦多了一股黑椒的香氣，喜歡胡椒味的朋友可以加進去試試。吃著吃著，我再根據餐廳的建議加入她們的秘製香醋，或許因為撈麵本身的味道濃烈我又不算加得很多，因此味道不會有明顯的酸味，但有令整碗麵的感覺清新少許的。看似不是

朋友極力推介，中午得閒又順路就去左試。入去見到餐牌，過江龍黎講算平。叫左最基本既撈麵 M $99 咩都有，試一試。望落去好豐富，好多餸，唔似出面嘅拉麵店的一塊肉，蛋都要另外加。撈勻咗之後食第一啖，覺得好好味！！啱晒我呢啲鍾意重口味嘅人，佢味道都好豐富，抵達唔識嘅時候好有油香，後勁會食到有少少辣辣地，味道好特別好好味。值得一提嘅係，加左秘制醋，又將碗麵提升到另外一個層次。味道更加豐富，而家冇滯。食晒啲面之後，再加一個飯撈埋剩返嘅汁，飯吸晒啲汁嘅精華，真係好完美嘅組合。總括而言，呢間餐廳真係好值得推薦。本身撈麵餐廳都係比較少，食物質素好，料多，價錢合理。正常唔係特別大食嘅人，M已經食到好飽。極力推薦大家，缺點係繁忙時間比較多人，可能要排隊。

放工經過一間有藝術氣質嘅麵店，主打食東京撈麵，見咁特別試吓又無妨。係好新鮮好特別嘅體驗～白色系裝修配書法字簡潔亮麗，聽講係日本名廚創立。餐廳座位少，晚飯時間門外已經要等位。原味東京撈麵，有蒜、蛋、辣肉碎、紫菜、超多蔥。 撈完食一陣，加入黑椒令味蕾轉變心情，再食一陣，加入昆布醋。一碗麵份量多仲可以食到3種風味好特別！明太子忌廉撈麵醬汁不單無頭先個碗咁辛辣，質感仲好濃厚，粗身撈麵掛忌廉汁，飽到一個點，有兩舊叉燒，好軟淋。食落其實似加左明太子嘅Cabonara。食完撈麵後，店員問要唔要加飯，撈埋碗底剩下的肉燥和醬汁食。雖然免費，但我就唔洗啦，超級飽！全店最好食係單骨香脆雞翼同雞軟骨餃子，夠香夠脆，一口size。甜品叫左北海道3.7牛乳加沖繩海鹽製嘅雪糕，奶味加海鹽，質地軟軟，好ok！培茶味道嘅latte，個濃厚培茶味比雪糕更勝一籌！

日本嘅拉麵同沾麵就食得多，但來自東京嘅撈麵就比較少見🤩今次同朋友嚟左場「無湯の革命」😂KOKORO TOYO MAZESOBA係香港首間日本撈麵品牌專門店，餐廳每日新鮮製麵，每款口味都含有十多種配料，超有份量！而每張枱都有貼指示教客人食撈麵嘅step, 好貼心❤️✨原味東京撈麵 - 第一次食我就緊係要原汁原味啦，面頭有d辣肉碎，撈埋唔同嘅配菜食係好夾，而家微辣得幾惹味，麵嘅口感比較彈牙，係我鍾意嘅質感😍最治癒係篤穿蛋黃嗰刻，撈均食令成個麵幾滑😋✨明太子忌廉撈麵 - 朋友揀左個明太子口味，叉燒半肥瘦，整得幾腍身👍明太子忌廉好creamy, 都係我愛嘅味道同配搭！✨鳥軟骨餃子 - 個皮超脆口，雞軟骨整得較細粒，幾易入口😸✨炸雞球 - 雞球幾大塊，沾沙律醬食又脆又香口✨北海道3.7牛乳雪糕 - 第一啖好有驚喜，佢牛乳香得嚟好真實，食食下仲有少少芝士味咁，幾特別，值得推介🤤

一般提起日式拉麵都會聯想到濃濃的湯底麺屋こころ破格以撈拌麵まぜそば的方式呈現傳統日式拉麵不同的一面亦是我們今次慕名而來的原因店舖燈光潔白明亮餐具金光閃閃牆上面卻錶上仁義禮智信的大字新派與傳統揉合得毫無違和感要試當然首選招牌正宗全料東京撈麵全料包含叉燒流心蛋辣肉碎紫菜蔥花叉燒肥瘦適中厚切有質感有口感微辣汁底撈上粗幼剛好的麵底配合得宜第一次吃拌麵沒問題因桌面上有撈麵教學先攪勻本身醬料享用三分一後加黑椒再三分一後可再添加秘製香醋麵吃光後更可免費添飯成為肉燥飯保證吃飽原味東京撈麵則少了叉燒和流心蛋但麵質依樣爽滑彈牙偏硬甚有口感日式唐揚炸雞球做到外皮脆肉質嫩不沾旁邊的蛋白醬也夠美味雞軟骨餃子皮夠脆薄沒有油膩感另外值得一提的是撈麵設有兩種分量選擇下次吃膩傳統日本拉麵不妨一試撈拌麵

早排準時放工，約同事黎食飯，仲趕得切下午茶(3-6pm)😋。$59有麵+小食都唔算貴，雖然係tea set不過份量都唔少👍🏻。🔅原味東京撈麵 ($59)麵條偏粗、硬身，掛到汁。配上蒜末、蔥同紫菜去撈所以好香，加埋蛋同辣肉燥做個汁去撈真係好正🤤。食到一半再加黑椒就有另一種風味，啱晒重口味人士。食完麵仲可以free加少少白飯撈汁😋。🔅鹽味撈麵 ($59)鹽味撈麵就配料多啲😝，有筍同叉燒粒。食落無原味咁重口，主要都係魚粉味，加埋水菜同蔥味幾香。🔅炸雞球日式炸雞，都算大件，炸得啱啱好，有肉汁😝。🔅餃子煎得幾香幾juicy 😋，都係好日式既煎餃。🔅手作焙茶Latte ($36)焙茶味極濃，好香滑，不過記得飲之前要先搖勻🖖🏻。🔅Cold brew ($36)💬第二次食水準都keep到水準，日本過江龍質素果然有保證👍🏻。Tea set份量更啱女仔食😝，價錢都相對抵食😚。

店家主打東京撈麵，同傳統嘅拉麵同埋沾麵唔同，用咗自家研發嘅肉燥、獨門秘方製成嘅醬汁，自家手製太麵，配搭用心。今次weekend 經過唔使排隊，就入咗去食下午茶，下午茶set $59包100g撈麵，以及小食一款，非常抵食，今次就試咗最classic原味東京撈麵、鹽味撈麵。仲另外加左樽裝日本手作飲品焙茶Latte同埋抹茶玄米茶。原味東京撈麵有建議嘅食法 - 先將醬料撈勻，食咗三分之一之後加入黑胡椒，食咗三分之二之後，加入秘製香醋，食完麵之後可以加入白飯，mix埋之後就變咗肉燥飯。小麥麵粗身而且非常彈牙爽口，秘製醬汁加入咗黑椒同埋香醋之後更富層次感，配料十足，有生雞蛋、辣肉碎、蔥花、紫菜碎、生蒜、魚粉等等，口感豐富。鹽味撈麵配料有叉燒、蔥花、紫菜碎、水菜、竹荀、唐辛子絲、生蒜、魚粉，叉燒粒肉嫩非常淋身，有少許咸香味。樽裝日本手作飲品焙茶Latte口感濃郁滑順，富有優雅細緻的茶香；抹茶玄米茶呈鮮艷的綠色，結合左抹茶的甘味與煎茶的苦澀味，味道芳香，飲品好高質。