FLIPPER'S (已結業)

星期六下午3半左右到⋯最後好似等到5點先食到座位唔多、其實前面大約都係十幾個人、但等好耐，可能大家都係tea去食叫左原味同士多啤梨、係算唔差既但要排個幾鐘其實唔值得🙈🙈所以試過一次就夠晒喇

一直好期待嘅Soufflé pancake，前幾日終於食到。雖然見到條人龍好長，但總覺得為咗食好嘢排耐少少都好正常。成碟甜品最impressive係d 士多啤梨，好甜但係toppings (i.e. 士多啤梨、藍莓、cream)嘅擺碟略為求其，好凌亂咁喺pancake中間主角pancake係好軟熟，但係就好似食緊氣泡咁，冇乜口感可言。總括尼講，我覺得呢間餐廳嘅名氣有d被過份吹捧。不過如果鐘意食甜品嘅人都可以一試，畢竟都唔係難食，只係對我尼講排咁耐隊，但又唔係想像中嘅水準，有d唔值得。

Flippers開店以來好似熱潮一直未停過, 個個朋友都話一黎到見到人龍已經投降。今次我係閒日晚上大約9點黎, 本身諗住係樓上餐廳食完飯黎碰下運氣, 點知真係咁好彩唔洗點排! 5分鐘左右就入得去yeah!曾經試過係其他地方叫過D特別口味, 個人覺得好容易會蓋過原有既蛋香, 所以叫左原味。等左唔係好耐就有啦!脹卜卜又好高身, 見到都覺得好治癒! 比起出面咁多間梳乎厘pancakes, 佢都算係最高身。未食前已經聞都好香蛋味, 食落去果然好好味! 蛋味香濃之餘唔會太甜, 因為出面有D係真係太甜。口感完全滿足都我既期望, 非常有空氣感, 咬落好鬆軟! 而且有少少濕潤但唔會好似未熟咁, 火候時間控制得好好。除左梳乎厘pancake, 估唔到佢既咖啡都咁好飲!, 我地叫左杯latte, 唔單止味道好味, D奶泡亦係打得好好, 好濃密穩定, 唔會放一陣就消晒。其實我都食過好幾間比較出名既梳乎厘pancakes: The Pantry, Pan de Pain, am pm, I love you dessert barThe Pantry 同Flippers係最好食(亦係最貴)既 . The Pa

終於食到想食好耐嘅Flipper’s啦😍之前成日都見到排長龍，今次特登平日去12點就到左，前面有6-7個人排緊，我地都係等左15分鐘左右就入得去啦！都算幾快👍🏻今次就食左榛子朱古力焦糖香蕉pancake，pancake本身好鬆軟，啲cream都好滑仲有淡淡酒香味🤤，最重要係個幾粒杏仁脆脆好香脆，全部加埋一齊真心正😍起初以為疏乎厘pancake都係食空氣多，但呢到既pancake空氣得黎又夠份量，大食女仔表示食完滯咗😂fd食嘅原味👍🏻

見到好多人Instagram 都食，於是老婆都係咁話要試要食（明明食完飯已經好飽），於是就去希慎試啦，去到時發現要排隊，又好彩有櫈坐，可以消化下😂等左大概15-20分鐘左右，就入得去啦選擇唔多，價錢都幾貴，叫個普通版試試就算了一上檯，賣相又真係幾唔錯，外形飽滿香氣撲鼻，仲會動L咁震😂堆醬就係Puff既餡黎，可惜太少醬口乾乾叫杯凍檸茶，茶底較濁，檸檬唔夠清新，Pacific Coffee優勝好多。或者我應該叫咖啡試先正確😂？味道雖然尚好，但埋單都唔平，個人認為試一次就夠。

因為覺得好好食所以食左兩次，依家先上黎寫番個食評。由於初開張太多人，我都係12月同3月份去食。第一次晚上8點幾去食，大約十分鐘就有位，第二次7點去食，竟然食飯時間要排上至少半個鐘。我個人鐘意食原味就夠，而男朋友揀左朱古力香蕉味。出去櫃位自己買飛坐住等食，估計需時15 分鐘，因為佢收order即刻整。一黎到已經聞到好香既蛋香奶味，一碟有三大塊加cream,一個人完全可以獨食左佢。佢非法鬆軟，煮得靚時佢差唔多件件入面都好柔軟仲好似有啲流心咁（誇張左）🙈啲cream都好軟綿綿，一個人食曬佢真係一啲都唔過份！而男朋友佢自己都好滿意佢個碟，不過我個人就唔鐘意朱力cream喇！第二次去其實都keep到水準既，不過感覺都係第一次係最好食的😍雖然價錢係幾貴，不過好耐先食一次滿足下既，都可以！我仲會黎食第三次，不過要遲好多喇，因為咁食法真係會肥好多囉！😅

好hit好hit由日本過黎既pancakes 店。一開就日日排長龍，日本都好多人幫襯，我緊係要快啲試下。我地星期日早上10:45am到達，諗住食頭一水啦，點知派籌派到下午二點但無阻我地一行4個女子要食既決心，我地決定hea 幾個中hea到兩點。呢個故事教訓我地，如果你地唔想等到下午，又或者排walk in 等到天荒地老都唔知有無得食既話，一定要早上10:00希慎一開門就走上去拎籌，咁就一定無死啦！睇下為左食pancakes 可以去到幾盡搵女仔fd做呢件事好啦，男朋友點會明白厚pancakes既浪漫丫正題，我地下午一點半倒就反左去，咁等左陣有位我地就可以入去先啦。要自己行出去買的，無人會幫你落單留意反。我地一早就決定晒食乜，main menu 4個款，一人一個唔洗爭，又可以試下其他味。蜜瓜味係期間限定，在場好多人食，但我地就無乜興趣。maybe next time~原味，正。店員會推介你用兩隻叉係中間拉開咁食。原味個cream好似同其他味道既唔同，會甜啲，同個pancakes 好夾。個soffule pancake 好厚好鬆軟，但唔係食落得陣風個啲，佢係有質感既，但又好鬆化！一大啖放入口