影片
更多
2018-06-15
249 瀏覽
Flippers開店以來好似熱潮一直未停過, 個個朋友都話一黎到見到人龍已經投降。今次我係閒日晚上大約9點黎, 本身諗住係樓上餐廳食完飯黎碰下運氣, 點知真係咁好彩唔洗點排! 5分鐘左右就入得去yeah!曾經試過係其他地方叫過D特別口味, 個人覺得好容易會蓋過原有既蛋香, 所以叫左原味。等左唔係好耐就有啦!脹卜卜又好高身, 見到都覺得好治癒! 比起出面咁多間梳乎厘pancakes, 佢都算係最高身。未食前已經聞都好香蛋味, 食落去果然好好味! 蛋味香濃之餘唔會太甜, 因為出面有D係真係太甜。口感完全滿足都我既期望, 非常有空氣感, 咬落好鬆軟! 而且有少少濕潤但唔會好似未熟咁, 火候時間控制得好好。除左梳乎厘pancake, 估唔到佢既咖啡都咁好飲!, 我地叫左杯latte, 唔單止味道好味, D奶泡亦係打得好好, 好濃密穩定, 唔會放一陣就消晒。其實我都食過好幾間比較出名既梳乎厘pancakes: The Pantry, Pan de Pain, am pm, I love you dessert barThe Pantry 同Flippers係最好食(亦係最貴)既 . The Pa
曾經試過係其他地方叫過D特別口味, 個人覺得好容易會蓋過原有既蛋香, 所以叫左原味。等左唔係好耐就有啦!
原味
32 瀏覽
1 讚好
0 留言
Latte
23 瀏覽
0 讚好
0 留言
其實我都食過好幾間比較出名既梳乎厘pancakes: The Pantry, Pan de Pain, am pm, I love you dessert bar
The Pantry 同Flippers係最好食(亦係最貴)既 . The Pantry 既pancakes係加左ricotta cheese入去, 所以唔止有口感, 味道都比普通只用蛋既香。只可惜, The Pantry既QC做得唔好! 頭幾次食係好好食, 但最近兩次再去係未熟就上碟, 一睇入面係濕笠笠, 係完全唔可以接受既! 唔通每次都要睇彩數? 叫佢再做又要等多半個鐘, 所以我而家對佢好失望。下次想再食, 我都會揀flippers.
Pan de Pain 都係幾好食既, 只係食到更好既會高下立見, 但佢就平D, 同埋有其他甜品三文治都好好食
am pm就真係唔會再食, 平係算平, 但唔係真係好好食(可以睇下我相關既食評), 食過好野之後, 就唔會想再食番
I love you dessert bar就真係性價比高啦, 平價入面佢係算唔錯, 當然味道仍然不及Pantry同Flippers, 但勝左呢個價錢都有D水準。不過缺點就係要企係街度食。
所以Flippers既回頭指數真係好高! 不過價錢關係, 都係唔好食咁密好D哈哈
張貼
