豊勝手丼 (已搬遷) 新店位置

心情奇差，差到唔食魚生丼真係會噴火，二話不說即刻嚟呢間好紅嘅魚生丼店食個晏先。下午1:30嚟到，估唔到舖頭係咁細，得幾張檯，好在都唔算多人，食得輕鬆啲。呢度樓底超高，四圍嘅裝飾好有style，幾有feel！前菜蘿蔔牛腩超入味，肉質軟綿，蘿蔔勁香甜！沢豐雲丹丼 ($298)玉子燒 (+$18)：唔係好甜，不過口感滑嫩，如果外層係金黃色咁就更加完美啦！中吞拿魚腩 (+$88)：雖然唔係入口即溶，但都非常新鮮出色，油份冇大拖羅咁多，但魚味香濃而且夠厚，好滿足！明太子 (+$28)：微辣，就咁食會有啲鹹，但只要撈埋啲日本飯食，我飽咋，否則添兩次飯都得呀！原板海膽：$298可以試晒兩款海膽，真係不得了，仲要係原板咁上，開心到爆！超新鮮軟滑，份量多到可以用紫菜包住食、就咁食、撈飯食，都夠食！平時總係要就住就住咁食，難得可以咁狂食，真係非常興奮！加拿大海膽：佢嘅海膽味比原板海膽濃郁好多，口感比較creamy赤蝦：鮮甜極彈身，蝦頭入面嘅膏正到爆！蔥碎吞拿魚腩：香口滑溜油脂香盛，食幾多都唔會覺得膩！整餐lunch都非常滿足，幾不快都會變到好開心。食食吓見到店員件制服寫住 '鳥居、漁獲、豚燻'... 原來

港島嗰邊的好嘢食特別多，好日都唔多過嚟呢邊，今日約咗個朋友過嚟食lunch ,當然食餐好嘅，先對得住自己！經過一間裝修好有日本風的手丼屋，我同朋友都係魚生的愛好者，於是被吸引內進。原來配搭唔同的魚類食材，出品了好多唔同的魚生飯，種類好繁多，亦都可以根據自己的喜好自選食材。好耐冇食海膽的我，就揀咗尊貴嘅「沢豐雲丹丼」，聽個名都覺得磅礡氣勢，按數字， ＄300食個飯好似幾貴，但平時叫一板海膽，平極都要百幾二百 ,呢一個飯可以同嘗兩種海膽，仲包括左赤蝦同埋吞拿魚腩，其實可以話係超值！同時可以品嚐到兩種海膽，真係幸福無比！原板海膽我會用鮮、軟、滑來形容，嗰種鮮甜好細膩，而且佢係細細件咁樣，可以一小口一小口咁樣品嚐，特別滋味；而加拿大海膽就係另外一種食法，鮮味海膽味十分濃郁，再加上佢本身嘅質感比較厚，好creamy！食幾多都唔會厭。赤蝦食落好爽身，又鮮甜，而且夠大隻，啖啖肉咁樣。碎蔥吞拿魚腩，獨有的吞拿魚味令佢即使係用咗魚腩部份，你都唔會覺得肥膩，食落好香好滑，再加上少少蔥的調和，十分可口。連旁邊的小食都十分之值得一讚，豬肉煮得十分淋，肉汁滲晒入去豬肉，食落又有少少肥豬肉伴着，滑溜！飲支蘋果汽水