鳥山名

營業中

休息中

大家都知愉景新城又大又多食肆， 呢間日本料理就開正喺一樓電梯下面，都算幾易搵🤣原條島根池魚 $198一整條池魚上枱真係夠哂Iɢᴀʙʟᴇ，Sɪᴢᴇ中規中矩，食落肉甜而鮮味，仲帶啲啲爽口，食完仲想叫多條😚北海道海膽壽司 $68唔好睇佢壽司細細，但比嘅海膽份量一啲都唔少，仲要好鮮甜🤩北海道大甜蝦壽司 $33Sɪᴢᴇ的確比坊間嘅大隻少少，食落係好鮮甜，個黏度都相當唔錯😽三文魚腩壽司 $18厚度適中，食落油脂味都幾香濃，三文魚味都幾香，最正係飯嘅Sɪᴢᴇ比較細🫶🏻芝士吉列蝦反卷 $38個吉烈蝦炸到脆卜卜，蝦味都唔錯嘅，佢哋再用上櫻花蝦，令到食個卷更重蝦味之外，仲有櫻花蝦本身嘅香味，非常好味❤️厚切牛脷心 $80呢個真係必點！首先個𠝹花已經贏咗，牛舌好厚身，咬落彈牙又有肉汁🤤因為擺得係愉景新城嘅日本料理都屬中高價位，而佢嘅價錢相對親民，而且味道唔錯，係一個幾好性價比嘅選擇👍🏻

由細到大日日返學經過嘅愉景新城真係多左好多野食前幾晚平日同fd嚟左鳥山名食晚飯，唔多人唔洗等位我地叫左料理長特別推介嘅原條島根池魚魚肉真係好新鮮，好彈牙得嚟保持住滑嫩！個推介menu仲有秋葵漬 見好耐無食秋葵就叫下點知有驚喜 酸酸嘅味道幾開胃得嚟又去左陣草青味 相信就算唔係好食秋葵嘅朋友都食到主食就揀左九州拉麵 (特濃豚骨魚介湯)湯底真係無得頂啊！豚骨同魚介嘅香氣瀰漫四周，一啖落去就好濃郁而拉麵都好有彈牙嘅口感 配菜都唔少 食完幾滿足明太子芝士焗薯焗薯未去到外脆內軟，但都好香同芝士同明太子嘅結合真係無得挑剔好邪惡 就算佢最後先上呢個焗薯 本身已經食到飽飽地 都忍唔住不多幾啖!最後，係我嘅至愛之一，蒲燒鰻魚玉子飯卷！蒲燒鰻魚肉嘅燒烤香氣同滑嫩口感加埋玉子飯卷zb2又係勁滋味 飯唔算多，唔會太滯，正!呢度服務都算唔錯，會主動幫手加茶環境幾闊落好坐，又唔會太嘈，可以encore!

講過好多次，呢間喺老婆至愛嘅飯堂之一，因為試過好多間日本料理嘅銀鱈魚，真喺呢度嘅性價比最高。最近，佢晌工作上接咗啲新嘢，仲喺硬嘢嚟，所以，為佢打打氣，專登過嚟食佢心愛嘅銀鱈魚定食，當然，食日本嘢我本身都好啱口味。 環境方面，以前嘅食評都寫過， 不過今次都再寫少少，因為裝修上睇到有少少改動，主要喺近扶手電梯側嗰排卡位，加咗啲「屋頂」，可能喺防範有時扶手電梯嘅人唔小心跌嘢落嚟。整體而言，裝修雅致，地方闊落，卡位就最好坐，今次早嚟，亦被安排坐晌卡位。 食物方面，印象上對比起上次睇落都差唔多，依舊選擇非常之多，由佐酒小肴、沙律、刺身、壽司、卷物、手卷、串燒、爐端燒、炸物、一品理料、鍋物、麵類、飯類、甜品及多款套餐，都一應俱全。 而以日本料理而言，定價亦算相宜，而老婆一早嘅心水就喺銀鱈魚。 此外，仲有一個「理料理長推介」餐牌，據侍應介紹喺屬於季節性特色料理，故此，食材都以時令為賣點。 除搵侍應落單，亦可以以二維碼自行落單，可以慢慢睇，慢慢撳，又減少落錯單嘅機會。 枱上已放有簡單嘅調味料、調味碟，都好別緻，一派和風風格，並送上入口舒服嘅玄米茶。原條島根池魚 $198 晌時令推介中見到呢款刺身，賣$