金雞去骨海南雞專門店

營業中

休息中

20230209平日--金雞去骨海南雞專門店地址: 西貢福民路(食街)34號地舖西貢一天遊，下車肚餓，即去醫肚，做左功課，很快找到西貢福民路，金雞海南雞飯網評不錯，第一餐就試試海南雞飯店子不大，分開兩間鋪，平日關係，客人不多，侍應招待說可自由選擇坐那一邊只有一枱客人，冷氣很大餐廳主打海南雞飯，價錢合理點餐去骨海南雞飯跟湯($57)雞飯、湯，醬油有效率地一併送上材料用上南瓜，有青蘿蔔，雞殼煲的湯，南瓜的甜帶有淡淡的雞味，好喝有黑醬油、薑蓉及辣椒醬單點的海南雞飯，雞份量也不少，雞皮爽脆、雞肉嫩滑有雞味雞飯加入雞油和香料，香而不油膩埋單: $57餐廳環境比較簡陋，但衛生情況合格，店員有禮貌可以說是留下一個好味道印象的海南雞飯個人口味，油飯比聯和墟雄泰好吃，但我還是愛吃天天海南雞的油飯。雞肉肉質雄泰更嫩滑，但此店雞味較濃，各有千秋值得一試

諗住平平地求其搵啲嘢食下就算 經過門口見到好多明星都幫襯過就決定試下～店內係普通舊式鋪頭裝修 但見到餐牌上嘅食物相 個個都望落幾吸引😍.🐈.𝙎𝙪𝙢𝙢𝙖𝙧𝙮平時唔好海南雞飯嘅我都覺得好好味去骨真心正 啖啖肉 方便我呢啲懶人👍🏻👍🏻👍🏻經濟實惠 有飯有湯 好抵食💰.🐈.🌟去骨海南雞飯套餐(跟湯)🐣 - $57海南雞嫩滑滑溜 黃雞皮表面有光澤 皮薄爽口重點係去骨 啖啖肉 可惜雞中翼没有去骨🥺.附上三款醬可供配搭: 辣醬 甜豉油同薑蔥辣醬配原味海南雞好好食 夠辣又惹味個人認為比麻辣味出色🙊.🌟去骨麻辣雞飯套餐(跟湯)🌶 - $60加左唔算太辣嘅麻辣汁 有啲蓋住了原本嘅風味 建議都係食原味.◾️雞油飯飯比較軟腍 油香十足🤤唔止落雞油煮咁單調 店家仲落入左香蒜粒同乾葱 香口程度大幅提升 味道更加有層次 令人食慾大振😋.◽️南瓜粟米豬肉湯🎃中式南瓜湯 味道鮮甜 火喉十足 煲耐到有南瓜蓉 碗底仲有啲豬肉絲

今日見得閒入咗西貢行吓，唔多人，有啲太陽幾舒服🥰 行行吓見到有條行仔入面有好多嘢食，就試吓呢間海南雞飯（有好多人排隊）。入到去叫咗兩碟海南雞飯，一碟係去骨海南雞飯，另一碟係麻辣海南雞飯。先講吓啲油飯，好香麻油味，一粒粒好爽。而雞肉嫩口得黎又唔韌，好有雞味。再配合三款醬汁，各有風味。👍🏻👍🏻個人比較喜歡豉油醬汁，甜甜地黏黏地好特別。而麻辣海南雞咁出色，可能因為個人比較喜歡食辣嘅關係😂🥰佢嘅辣油其實幾辣，但好夠麻油同花椒八角嘅香味，同隻雞配合起來就唔會搶晒啲雞味，一流😋😋整體來講份量都夠多，海南雞亦出色，值得一試！😙😙

又到食lunch嘅時間啦，今次有少少想食東南亞嘅嘢食，就黎左呢一間專食海南雞飯嘅小店。舖頭位於一個小巷入邊，唔算話好隱蔽，但店舖個空間比較細，位置唔算有好多！而我見到佢哋嘅lunch set個價錢都幾相宜，所以就入咗嚟試吓。而佢哋嘅lunch set都會附送一碗南瓜湯。首先講一講南瓜湯嘅味道，好少會由餐廳提供南瓜湯，見佢本身以為佢哋隻南瓜都會煮到散晒，但飲落去又唔覺得係，而且好濃郁嘅南瓜味道同埋好清甜，非常之好飲。而另外佢哋嘅主菜就係海南雞飯，當中佢哋都會附送返海南雞飯嗰三款醬汁。個份量來講，飯同埋個雞嘅份量都適中，依家雞食落去都好滑，再點埋呢醬汁真係正！已最令我驚喜就係佢哋個油飯，入邊有好多炸蒜，令到成個就返食落去都好香口，當中我諗冇乜邊幾間可以做到。

今日難得同朋友行山，體力勞動前，當然要大快朵頤吃一餐又飽又痛快的。西貢的餐廳很多，所以我們行了一圈，打算選擇一下，行經見到海南雞飯的專門店大招牌，而且深深被吸引了，最後決定一吃以星期六的中午時間，店內人數多，但也不用等候長時間，大概5分鐘便能安排入坐來到必定要吃招牌海南雞飯，所以我們點了兩份去骨海南雞飯套餐（跟湯）$52上菜時間亦很快，對於日常需要應付客流量大的餐廳來說，這是基本上菜的海南雞飯，湯比較普通，不過冬天冷冷的，飲一口熱湯，非常醒胃飯量看似適中，以女生的食量，應該剛好，而相比下，海南雞的份量比想像中要多在吃第一口時，先沾配上的醬料，放入口中，如我所想，雞味很香，多上入口軟軟係骨，雞肉亦很嫩滑，再加一口油飯，這個完美配合的美味，絕對不能錯過雖然我很少入西貢，但為左可以再食這海南雞飯，這絕對是我入西貢的一大動力

大概兩年前我嚟過呢度食海南雞飯，果次一食驚為天人，所以今次我對佢有比較高嘅期望。有外面睇你淨係見到一個大大嘅招牌，裏面環境比較細，只係有幾張枱，但係勝在啲餐黎得快人又食得快，所以人流都OK。我見今次入去老闆娘都唔喺度，有兩個後生仔喺廚房裏面煮，可能因為開咗分店老闆娘會向另外果兩間分店度做 ？我真係唔太清楚。坐低左嗰位泰國婆婆好快來take order，服務態度好好而且見我哋多嘢攞多咗張凳俾我哋擺袋添。話咁快間海南雞飯嗰個南瓜湯就嚟啦！同兩年幾前飲一樣咁好味，清熱下火冬天或者夏天飲都一樣咁好。不過湯好似比以前少左d。海南雞飯好快就到啦，個樣擺得冇以前咁靚，個飯散左少少不過可能午飯時間比較多人，所以冇辦法做得咁靚。海南雞飯食落冇咗以前果種驚喜，個飯嘅雞味都出嚟，啲雞都OK。去咗皮嘅雞肉冇乜雞嘅鮮味，但係有雞皮雞肉就好味啲。比起兩年前食好似差左少少因為個雞冇以前果種爽口同埋雞鮮味。可能我美化左以前嘅經歷但係今次食落個海南雞飯有啲平平無奇，但係飲嗰啲汁就好好味。特別喜歡佢有少少辣嘅醬汁，應該就係嗰個泰式醬汁啦。

星期六難得好天冇落下, 所以去左西貢行下, 食下野係同一條街食左d小食, 唔太餓得黎又唔夠飽喎, 咁點算? 咪再食野囉條街好多野揀, 有泰國野, 車仔麵, 海南雞本身都想食唎間架喇但見要排隊就行前d食d小食同埋睇下仲有咩食食完小食見對面車仔麵都好似唔錯但長期都好多人排, 所以就行返去金雞睇下, 點知咁岩又冇人咁就入左去食店鋪位置唔大, 得10幾個位左右, 食物選擇都唔多, 主要都係海南雞,豬碲,同埋魚餅叫左個去骨海南雞飯同麻辣去骨海南雞飯海南雞既雞味講真就唔重架喇, 但即使係雞胸都做到好嫩滑油飯入面有d炸蒜, 食落幾香好少見海南雞飯有得揀麻辣, 所以叫左個試下原來就係去骨海南雞飯上面加辣油辣油好香, 好多渣, 似係XO醬, 只係麻味唔太夠, 不過都幾辣下仲有個南瓜湯送, 湯入面有少量南瓜蓉

海南雞又係一種易做難精既嘢食今日黎到西貢，遠道搵咗金雞，先講結論，唔差，但記住呢7隻字，山長水遠減味道海南雞飯既油飯係特別既，乾身有蒜絲，唔油但夠香氣，比其他油飯健康度更高💓 比較其他海南雞飯，另一個特色係佢跟南瓜湯，唔係平時既清湯🙄 南瓜湯本身唔太濃密，都同雞飯唔大衝突既😁 至於雞肉，好夠滑，不過唔好彩，無比到厚既胸肉位，而且肉份量都唔多🙄另外狀元碲都做得唔錯，醬汁濃厚，豬手有肉地，混白飯食👍要一讚個香茅魚餅，煎得香，將香茅同魚味合拼得唔錯👏👏 加埋個辣醬，做開胃小食👌其實成餐飯不過不失，但就無feel, 唔係食咗令你靈光一閃上腦個隻，加埋山長水遠減味道，真係可以講句 OK 啦👌

今日和老公相約好友到西貢行山，一天疲勞至極，肚子又餓人又累之制走過其中一條小路有好多間泰國小店，每次經過都無試食今日太餓了，向來鐘意食海南雞飯既老公見到尼間有黃秋生演員推薦既無骨海南雞飯即刻雙眼發光要去試試啦咁我地就來到當然食招牌飯啦一人來一碟《去骨海南雞飯套餐》$52 包例湯，轉雞脾加$10一來試上左個例湯，例湯無味精住家口味等左5-10分鐘就上碟海南雞無轉脾雞件好少，油飯頗多的每件雞都吾肥而且好嫩滑，配合3色醬汁豉油、泰式辣醬、薑蔥油，真心吾夠喉啊我個人比較鐘意個油飯，同出面食既好吾同，油飯不會太油，有一粒粒脆脆既蒜粒，再配埋個薑蔥醬油真係好好味另加熱飲☕️$6

入親西貢都會心掛掛佢既海南雞飯. 每次都要排隊等, 今次要等4張檯.再次叫左"去骨海南雞飯" 及 "香煎手剁咸魚蓉肉餅"食套餐會跟埋餐湯, 每次都係南瓜粟米湯, 唔似有味精, 又大碗又濃, 好足料!去骨海南雞飯: 有一半雞件係無皮的, 一半有皮. 雞肉係順住紋甘撕出黎, 有D似手撕雞.雞肉真係超級滑, 唔會鞋又唔會韌, 配搭的醬油 (黑醬油/辣/薑蓉)真係好味.啖啖肉, 一D骨碎都無. 不過雞味就真係少D.香煎手剁咸魚蓉肉餅 :上檯已經好香咸魚味, 薄煎的, 肉餅唔覺有肉粒, 比較滑身, 送飯一流！個人鍾意香煎手剁咸魚蓉肉餅多過去骨海南雞飯!

只有不足半小時，要吃個晚飯，當然不要去西餐廳。在西貢，不想吃老麥，pizza，還有雞飯，雞飯有泰國版，還有海南版。這店水準穩定。如果跟泰國雞飯比較，這店的🐔較有🐔味。醬料有三種，海南版嘛，甜醬油，好味！吃🐔要有薑蓉，才有錦上添花的滿足。我當然不會配白飯，油飯好味D，我不吃雞皮，所以不評價它夠不夠滑。碗湯真係少咗D，我冇偷飲ga，📷先吃。在我吃飯那十五分鐘，有三個人來買外賣，其中有兩人買半只雞，（外賣有八八折）這店的生意真不錯。買回家，吃得更舒服。店裡其實幾屈質。吃完快閃，繼續我的活動。

去到西貢碼頭食街，真係好多餐廳和小食。我一早選定了「金雞去骨海南雞飯」餐廳。因為第一次去，兜左個大灣先搵到。原來唔近大街，在小巷入面。黎到當然要吃超人氣的去骨海南雞飯和滷水元蹄飯。其實食物種類選擇唔多，入去既人都係食果幾款，鋪面積好細，我平日去有位。套餐跟個湯，青紅籮白加南瓜，我未飲個這味道的配搭，意外地好味到想飲多碗凍飲要加5元。海南雞真係無骨，而且好滑，不過個飯係白飯黎既? 我個人喜歡用雞湯煮那種。可能係白飯，海南雞跟的調味汁給我點光光滷水元蹄飯，我起初都怕元蹄會好肥膩，但又唔算肥，炆得好稔，好軟滑，好入味，都係無骨架。我食到汁都撈埋。因為飯後尚有行程，下次來會原隻元蹄外賣帶走。