Tonkotsu 8 by 三田製麵所 (Citylink)

營業中

休息中

同同事做完GYM見肚餓, 落樓下兜咗個圈, 最後決定入呢間日式拉麵店食碗冇咁有罪惡感嘅拉麵頂下肚。餐廳環境企理, 座位唔算闊落, 不過簡單食碗拉麵都可接受啦。呢間拉麵店主打豚骨湯底做底, 配以不同調味; 另有撈麵、飯、小食等。我地各人order咗一碗拉麵。叉燒炸雞拉麵 HK$88豚骨湯底, 有明顯奶滑質感, 豚骨味濃, 選用較易索湯嘅幼拉麵, order時可選麵質林度, 自選適中度, 麵質唔會太林/太硬, 又能掛上湯汁, 啖啖食到豚骨嘅香甜, 唔會太膩。炸雞本身皮脆, 直接放於湯底, 刻意令炸皮稍為索湯汁, 肉質幾滑, 配上半隻軟滑流心蛋同埋三片薄薄嘅叉燒, 雖然肉味幾香, 但嫌質感偏鞋。豚骨拉麵 黑麻油 HK$74同樣有奶滑質感嘅豚骨湯底, 加入咗黑麻油, 額外更清香濃郁; 只配搭一片薄薄叉燒同埋半隻軟滑流心蛋, 輕食之選。

今日到沙田行街，由於開始堂食不久，四處的餐廳都有不少人，今次就行到沙田站樓上的連城廣場食拉麵。呢間拉麵有兩間分店，一間係機場，另一間就係沙田。拉麵店當然要試試店的拉麵，係叉燒及炸雞選擇其中⋯等等，小朋友先要揀，我要晒！湯底不算太咸，加上麵底可以揀硬度，大家都可以根據自己的喜好來選去擇。炸到金黃色的炸雞，外面脆卜卜，內裏保持到嫩滑的口感。叉燒不太肥，而且數量都不少，整體都不錯。大家可以額外加$30左右，配埋小食及飲品，小食除了餃子/ 炸雞，仲有吉列豬扒或薯餅。今次我就點了餃子，煎香的外皮惹味，食落就不過大不失吧。本身朋友想食牛肉飯，但當隔離枱兩位都點了鐵板炒飯，於是於最後1秒改變主意，點了鐵板炒飯。炒飯加了名門卷粒、叉燒粒、粟米及蔥花，配以奄列蛋，食落無foodcourt連鎖鐵板飯咁香，整體平平。鐵板飯配以一碗昆布鰹魚湯，味道比麵豉湯冇咁鹹，清清地，不錯。最後二人買單，人均消費約$100，拉麵來說，正常價也。==============================我係一個愛寫字愛分享的吃貨！如果鍾意我分享的，我邀請您訂閲我的食評，我會繼續與大家繼續發掘有咩CP高的冰糧！(敬禮)

Lunch hour嘅連城廣場簡直係人山人海, 上到連城樓上餐廳嗰層, 每間都好多人排隊唯獨li間只有3個人排, 太肚餓所以揀左, 原來係唔錯架.>叉燒炸雞拉麵 (HKD83)Take Order時可以選擇拉麵軟硬度(硬d/正常/腍d), 仲細心問需唔需要走葱👍🏻. “正常”拉麵口感勁有彈性, 份量好足, 有點似豬骨湯底味道非常濃郁, 叉燒大塊到蓋住半個碗, 有兩三大片, 好少拉麵店咁大塊叉燒呢! 新鮮炸起嘅炸雞亦都係大件厚肉der, 好好好抵食😋.>鐵板咖哩炒飯 (HKD68)雞蛋喺鐵板內已經熟左, 但照炒炒係好好玩嘅,大量粟米粒, 葱粒, 日式魚蛋切粒, 日式咖哩味道OK濃ga🤤, 昆布湯好味.

即使平日晚上來到新城市廣場想找吃的也是很困難的事，哪裡有餐廳便有人龍。這天和友人在連城廣場走了幾圈，最終見這間 Tonkotsu 8 比較少人等位，便決定來這裡了。這裡不用取票等位，只需要排隊等候。晚餐時段未免較多人，坐得也比較貼近隔壁的座位。雖然這裡也有飯和小食，但我和友人不約而同地選了拉麵。比起香港的其他拉麵店，這裡的拉麵只可以自選硬度。我們兩份拉麵一份選了普通硬度的拉麵，另一份是硬的拉麵，但兩款吃落其實差不多。豚肉較細塊，且只有兩塊。黑麻油味濃，但味道就較鹹，拉麵都吸收了黑麻油湯，所以非常香。這個比較抵吃，配料多一點，炸雞和叉燒都較大份，炸雞也不會很多炸粉，內裡的雞肉嫩滑。