凱悅軒

營業中

休息中

之前食過凱悅軒嘅點心放題都覺得唔錯，原本係book咗帶兩老嚟試下，但好可惜阿爸要返工，就只可以再搵日子再book去同佢食！但今餐係照舊同我阿媽去嘅～一早10點就到餐廳，座位安排得好快，我哋一行4人被安排咗喺卡位，係就窄咗d，但就自成一角！職員都好細心，主動問我哋要d咩，咁我哋就叫咗四碗竹蔗茅根紅蘿蔔豬展湯，叉燒，桂花蓮藕，肉鬆豆腐，蝦餃燒賣，春卷，炸鮮奶，同埋其他蒸點心！上菜好快，過咗5分鐘左右就已經開始上菜，好快就成枱都係嘢！先講講個叉燒，好鬆化，又有燶邊，又熱，好好味！桂花蓮藕酸酸甜甜咁又好香桂花味，做開胃前菜就最啱！肉鬆豆腐啲豆腐都好滑，個醬汁又好味！蝦餃燒賣就正正常常啦！個燒賣食得出係切咗粒嘅豬肉包嘅，好有咬口！個春卷芝士味好重好好味！炸鮮奶炸得好鬆脆！又唔太甜！食完一轉之後就當然叫多咗一轉啦！之後再叫咗甜品木瓜雪耳糖水同山楂凍糕，木瓜雪耳糖水清甜潤喉，個凍糕有少少山楂味，清清地幾好食！雖然得兩個鐘嘅用餐時間，但係都非常之足夠，唔會好趕！

和朋友二人慶祝生日一起吃午餐，埋單要過千蚊，實在超級貴... 侍應安排我和朋友坐的位置是角位， 所以很難留意到我和朋友，甚至忽略了我們整餐味道一般，特別是“話梅青瓜”特別難吃， 青瓜變味吃完後“肚屙” 前菜蜜汁叉燒好油，都食完很膩～茶位二十蚊一位，我們叫了鐵觀音。叫了燕窩羹，材料豐富真材實料，味道不錯 食完燕窩羹已經覺得有飽意 ， 但之後還有很多餸未上。精緻點心有兩粒蝦餃及兩粒鮮蝦菠菜帶子餃， 蝦餃皮有點厚硬～關於鮮奶咖啡，味道超差， 咖啡味淡，鮮奶打泡粗糙， 但收我六十多元， 比 starbucks 貴，差到無倫， 太過分了！今餐午餐整體來說，價錢貴，味道麻麻地，不值這個價錢 外面有很多類似價錢的五星級餐廳，味道比它更好吃。