卅二公館

營業中

休息中

第二次食呢一間餐廳 由於都係冇得walk-in 所以都要做咗一個月預約 上網預約就得㗎啦，比較方便，到時會有職員打嚟同你確認座位我就喺之前預約咗一隻燒鵝，同埋佢最出名嘅叉燒前菜叫咗一個粟米椒鹽魷魚，炸得幾好食，入口唔會話太油膩，可以推介，送酒一流。份量中等，都幾抵食至於主角嘅叉燒 真係冇得挑剔 入口鬆化 係一定要叫嘅食物之一 燒鵝，我哋叫咗片皮兩食，佢有好多唔同嘅醬俾你點，質素都係比出邊片皮鴨好食 至於鵝鬆都做得唔錯，食得出廚師嘅質素最後叫咗一個炒菜，食到平時好少食紫色椰菜，調味唔會好鹹，喺出邊都好少見到有咁樣嘅配搭。今次太飽，下次試埋佢啲點心服務質素一流，期待下次光顧

生日唔想食西餐，靈光一閃，醒起呢間中菜。book 枱分時段，揀咗 6:30，費事太夜食，好肥。去到幾個外籍美女企門口，帶我地入座，打開 menu 望，環境好暗，要用枱上 candle 移近D先清楚，現場好多人開電話燈照 menu 😂. 言歸正傳，因為得兩個人，試唔倒片皮鴨，試其他菜式絶對有意外驚喜！就餐廳裝潢、食物味道、員工服務三方面，值得推薦。

當晚訂左12人房間晚飯用餐, 低消是$13000再加一。其實呢個低消算平, 不過我地去到食飯時發現叫野食係真係要叫好多好多先夠低消。我地叫左一人一位湯, 叉燒兩碟, 穌炸鮑魚, 蛋黃蟹腳, 片皮鴨,水煮魚,咕嚕肉,炒蟹,西蘭花, 小籠包,麻婆豆腐,楊洲炒飯....等等....每人仲飲左起碼3杯COCKTAIL...去到最後先夠低消, 個個都飽到捧住個肚走. 講返野食. 今次已經係第2次黎, 好中意呢度, 環境又靚(雖然有點兒過黑), 坐得舒服, COCKTAIL好飲,好特別。野食好味又唔係好貴(中環區算係甘啦) 最值得推介一定係叉燒! 真係好好食! 其次係蛋黃蟹腳, 穌炸鮑魚都幾好食。片皮鴨其實只屬普通。