富記粥品 (已結業)

旺角先達小巴站附近有間好似好up dup既鋪頭，雖然望落去好污糟咁，但係入面人山人海喎，食飯時間搵個位都難呀。d人推介呢度既粥，不過我實在唔好粥就嗌左碗叉鵝飯同芥菜魚腩湯。先講個燒味，唔錯喎，半肥瘦叉燒，d汁又調教得好味，d鵝又啖啖肉，唔會鞋。至於個湯，仲好味呀，好健康呀，d菜攞左黎滾湯原來可以好清甜架，而d魚腩又可以keep到滑嘟嘟，正😋😋😋😋

途經旺角 個人病病地就諗住食碗粥清下腸胃見到富記粥品 好多顧客幫襯 間舖有兩個舖位咁大價錢ok 就走左去食呢度有好多小菜 湯飯食 其他人主要叫呢d餸 但因為我腸胃唔好 叫下飯同粥算燒味飯有叉燒 雞 鵝 好多種配搭有碟同碗之分 我就揀左碗 份量小d叉燒同鵝都幾好食 唔會好肥 不過叉燒就燶左d 比較硬同埋對正風口位 好快凍哂 碗飯都未食完就已經唔熱😞 失色左d 碗粥就好多料 牛肉同豬潤都好多 滿哂成碗粥粥底都好綿 煲得唔錯👍🏻d肉味好夠 唔會太淡口 適合我呢d病人😂好熱辣辣新鮮煲出黎既不錯不錯！

在旺角這個地方有很多東西可以咬！很多舊式的菜會較小女人去，因為呢間飯店很麻甩！九成客人都是男人。更小八九十後的後生男仔，更不用想有八九十後女仔，一個卡位可以4個麻甩吾識去坐。點解都會有麻甩坐，答案很簡單，很旺又好食。以前在上海街更加旺，更加好吃幾乎由早到上都坐滿，不旺的時間也坐了7成人。可想而知。今次我叫了兩個菜。芥菜魚腩湯，叉鵝飯。湯：新鮮滾熱辣，芥茶爽硬，魚腩大件，點吓胡椒豉油更好。很有家庭FEEL。常見到一個麻甩，叫了一個湯＋一個飯便一餐了。叉鵝飯：絕對比很多地方做得好，叉燒肉質軟嫩多汁、色澤鮮明、香味四溢。燒鵝：皮脆有鵝肉香味。配甜酸醬汁。本人也很喜歡到這間飯店，平宜得黎又好食。只可以3幾個麻甩。女人一定吾喜歡。原因「很麻甩。」

星期一放例假，又可以去行街。先去有名嘅富記食粥。去到時十二點幾，人都幾多，第一間店坐滿，於是過隔離。兩個人，叫咗一碟叉鵝飯同一個及第粥。見到搭枱嘅兩位男士叫咗個二人餐，有湯又有兩個餸好似好吸引。過咗一陣，叉鵝飯先來。都幾大碟，好多飯，不過係無汁嘅，唔會淋d叉燒汁落去，要自己落豉油。叉燒及鵝各有5-6舊。叉燒半肥瘦，有幾舊幾淋，但有幾舊又硬硬地。味道調得惹味又不會過咸，帶少少甜。燒鵝雖不算很驚喜，但味道、肉質不錯，燒得幾甘香，又不會太肥，送飯是不錯的。食個飯食到一半，個粥就黎嘞。畢一畢，竟然有瑤柱絲，好少粥舖會咁落本用瑤柱囉。粥底係稀綿嗰隻，味道鮮，但豬什份量與種類不多。只有豬腰、潤、肉片同粉腸，豬肚同豬心欠奉。肉片最多，好在唔鞋je~其餘內臟清洗乾淨，無異味。會再來試佢地嘅二人餐，好似好惹味咁~