十三少 (已結業)

十三少有幾間分店，今天光顧的是樂富分店，食店面積不算大，但卡位十分寬敞，沒有局促的感覺，食店的牆上有幾幅大的食物相片，很是吸引。我叫了口水雞，炸饅頭和凍桂花烏龍茶。口水雞端上來，每件雞上都鋪滿白芝麻，而雞肉是浸在辣的紅油上，顏色美麗，雞肉十分嫩滑，而且不會太辣，我這個不太吃得辣的人都能接受，除了雞，還附有青瓜浸在碟內，這間食店的口水雞較其他食店有水準。炸饅頭冇得彈，饅頭是熱辣辣的，外皮炸成啡黃色，咬下去皮脆肉鬆軟，也是有水準的食物。再嘆一杯凍的桂花烏龍茶，去中和口水雞的辣和炸饅頭的熱，非常匹配。這間分店還有很多推介的川菜，下次可以試其他食物。

香港第五波疫症剛過去, 趁未觸發第六波, 約咗唔少飯局。朋友推介十三少嘅酸菜魚, 店方堅持「魚、每日新鮮送到」「湯、每日新鮮熬製」為宗旨, 選用新鮮鱸魚, 保證每日新鮮熬製, 而就近樂富都有分店, 一於今晚同朋友食返餐!剛到晚市時間, 餐廳未有人影, 可以順利安排入座。但7點過後已經全場爆滿, 更需要門外等位。入座送上小吃。再點了幾款share食。 椒麻皮蛋: 金黃色皮蛋晶瑩彈滑, 個黃仲係流心! 沾上辣油+香蒜, 辣度很微, 岩返香港人口味嘅冷盤小食。十三少酸菜魚: 二人份量同樣大大碟,  湯底富有鮮魚香、酸酸辣辣, 配有芝麻、菇菌、雞髀菇、酸菜莖葉、蘿蔔、花椒、萵筍及辣椒等… 特別係酸菜莖葉索咗個湯底, 更加滋味; 酸菜魚嫩滑, 啖啖肉。咁惹味嘅湯底, 撈飯更一流!口水雞: 特別墊底嘅雞件, 表面有麻香味, 雞皮彈滑, 冇肥油層連帶紅糖糍粑: 外皮鬆脆, 內裡軟糯, 暖暖的, 點少少秘制黑糖食, 微甜好味。

📍 十三少 (樂富)小編早幾日趁住晏晝返學之前去咗樂富一間新開無耐嘅川菜餐廳食嘢🙈 因為係lunch嘅時候店舖幾乎坐滿🤭我地就叫左嗰兩人套餐share 食😛-二人滋味套餐 $338套餐包括涼菜、主菜、小菜各一 仲有兩碗白飯🤩 因為一坐低 侍應已經俾咗兩細碗嘅蒜泥青瓜🥰所以涼菜我哋就揀咗涼拌土豆絲😆土豆絲大大碟～ 食落去爽口、辣辣地 口感唔錯👍🏻主菜我哋就揀咗十三少招牌酸菜魚🌟酸菜魚上枱已經好大碟 仲聞到好香嘅味道🔥當然魚嘅份量都唔少 除咗酸菜仲有菇等 都幾豐富～啲魚食落去彈牙 湯底鮮甜 正🤤小菜我就揀左口水雞👻 因為驚太辣嘅關係就叫咗侍應醬汁另上🙈 但發現其實又唔係好辣🤣而且啲醬汁都幾野味🤭 啲雞食落去都滑另外我哋仲加咗$28叫咗佢哋嘅紅糖糍粑😬小編第一次試 糍粑外脆內軟 係啱啱新鮮炸出嚟再點紅糖醬一齊食 甜甜地咁👍🏻-大家睇完我哋嘅食評之後 想試嘅話可以參考下面嘅地址😚👇🏻✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎綜合食評📝外觀：★ ★ ★ ★ . 5回頭率：★ ★ ★ ★ ☆抵食指數：★ ★ ★ . 5✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎