川味雞烤魚大王 (大河道)

營業中

休息中

講到川菜，不得不試下荃灣間川味雞的烤魚，料足新鮮，越食越入味，停唔到口，誠意推薦！餐牌有好多選擇，有椰子雞、麻辣雞煲，口水雞，烤魚、小食同冷盤等，款款吸引，樣樣都好想試下。但得兩個人食，我地都好貪心叫左半條烤魚、口水雞，仲想叫多幾樣小食。店員好細心提醒我地兩個人係食唔晒咁多，唔夠到時再叫都得，聽到店員咁細心的提點，即刻覺得好窩心，好有水準的待客之道！烤魚重慶麻辣魚小半條烤魚來到台前，我同朋友都呆左！！！因為小半條都好夠份量，一點都唔細，仲要勁多配料，有好多酸菜、娃娃菜、薯仔片、鮮菇等，濃濃麻香味即刻飄上來，聞到都好吸引！魚皮炸完好香脆，唔油膩，肉質好滑好新鮮，口感十足，吸晒D湯汁，好好食湯亦好濃郁，越食越野味。口水雞例牌口水雞水準亦好唔錯，雞皮爽嫩，雞肉細嫩幼滑，味道甜中帶辣，辣中帶香，香中帶麻，人人食完都口水直流。底層仲有鋪滿爽脆青瓜粒，兩者搭配細心，不錯的開胃前菜。結果，我地都食唔晒，因為實在太足料及

呢排落雨，天雨又凍，好想去打邊爐，所以就揀咗呢間近屋企嘅餐廳試吓。依家餐廳有雞煲同埋烤魚，因為未試過烤魚，所以今次就揀咗川味酸菜烤魚黎試吓。由於我朋友唔食得辣，所以揀左BB辣。朋友都覺得食落係唔辣既，但係就FEEL到個咀有麻麻地既感覺，所以唔食得辣既人都可以試下呢個烤魚。而且佢個烤魚湯底有啲酸菜，所以食落有啲酸辣嘅感覺，幾惹味。條魚好大條，唔多骨，啲肉好嫩滑添！幾推介嘅!由於得兩個人食，我哋唔係叫左好多打邊爐嘅配菜。我覺得值得推介嘅就係佢嘅豚肉片啦，一碟唔係好多塊但塊算厚身同埋QUALITY幾好，咬落幾彈牙唔似平時出面打邊爐好薄果Ｄ咁。其他都無咩特別。另外仲試左佢個口水雞，一碟都有幾多舊下，同埋都係唔辣既，但係幾香口，都可以試下。整體黎講佢既烤魚真係好唔錯，Ｄ肉夠哂嫩滑同埋湯底夠惹味。佢打邊爐既配選擇唔多，份量偏細同埋唔係話好平，但係質素幾好！飲品選擇方面有汽水，涼茶同埋啤酒。

近年好興食烤魚, 但Vi因為唔食得辣所以一直都無食過, 朋友介紹呢間烤魚店有得揀BB辣, 好岩我食, 所以決定黎試下呢間烤魚店細細間, 但都有幾多野食, 除左烤魚,仲有川菜同雞煲, 首先我地要左口水雞同酸菜烤魽魚-bb辣,因為唔食得辣, 所以口水雞都係要左小辣, 口水雞肉質好嫩滑, 小小辣同麻, 岩哂唔食得辣既Vi, 不過份量有點小主角烤魚黎la條魚好大條, 店員話有2斤睇個湯底好似紅卜卜好辣咁, 但好彩食落無咩辣味, 加左酸菜, 所以味道偏酸, 魽魚肉好滑, 同埋食得出有胡椒醃過, 幾好味條魚3-4個人食都ok, 因為食完仲可以用魚湯打邊爐~打邊爐既配料都有好多, 第一樣叫左雪花肥牛, 肥牛就咁睇已經覺得好令, d雪花分佈得好平均, 食落亦有牛味, 不錯 因為湯底本身已經好濃味,所以唔洗點醬油已經夠味~丸類方面就叫左火焰芝心包同墨魚咀丸, 芝心包同平時食果隻芝心丸唔同, 呢隻外層比較彈牙, 落面有好多芝士, 正 而Vi覺得呢度既墨魚咀丸幾好食, 好彈牙好有墨魚味, 同埋裡面真係有一粒粒墨魚咀雖然d丸幾好食, 但價錢都偏貴, 一分錢一分貨吧~最後食左呢個黑毛豬腩肉片, 廚房好有心機將d

天氣開始轉涼 所以急不及待約友人食雞煲雖然是平日星期三晚，但店鋪都坐滿了食客幸好我們等了5分鐘就有位了店內面積不算大，但座位尚算寬鬆舒適我和兩位友人點了三個前菜-涼拌豆腐皮脆而豆腐十分滑看似很麻辣，但其實沒有想像中辣之餘又開胃連平日不太吃辣的友人也吃得停不了口-涼拌魚皮平日我怕腥所以很少會點魚皮但想不到這裡的魚皮十分入味，把莞茜蔥花生辣油完全入味，一點都吃不出魚腥味！而且十分爽口，很讚！-口水雞雞件滑，肉質鮮嫩，皮薄肉厚，最鐘意滑嘟嘟爽口的雞皮！而且份量足，麻辣味夠！主菜我們點了花雕醉雞煲雞肉勁滑而份量亦十分充足，重點是「新鮮雞」，飄出淡淡的酒香，但食落就覺得湯底味道不夠濃。亦有可能前菜太濃味的關係影響。但整體來說都性比價高，不錯！配菜有芝心包、薯粉、手切安格斯肥牛這裡芝心包有別平日打邊爐的芝心丸打開芝士包後，內部的芝士全都溢出來，所以不要馬上放進口一口吃唷！薯粉是螺旋彎曲形，跟平常食桂林米線的薯粉外觀完全不一樣，吃下的口感十分煙韌呢！由於我不吃牛肉的，所以對沒有對這裡肥牛作出評價，不過我見友人一片接著一片的吃，應該不會太差。最後我們還點了白酒我們都白酒沒有研究，是店主推薦我們的甜酸度

今日出荃灣，發現好多橫街窄巷都食店林立。上網見到呢間川味雞烤魚大王都幾多好評，就去試下。平日，但都好爆場。店鋪裝修簡單，以竹竿作外牆裝飾，帶出四川風味。其實我好唔食得辣，川菜都係第一次食。一開始，我地就叫左枝白酒。白酒夠凍，入口甜甜，帶點酸味。雖然有9%酒精，但酒味出而不灼喉，容易入口。價錢亦唔貴，好抵飲。百五左右。第一味涼拌魚皮平時食開都係炸魚皮，見菜單有一道叫涼拌魚皮，便叫來一嚐。用上花生，青瓜絲，羌荽作伴碟，辣油覆蓋著魚皮。散發陣陣麻香，花生十分香脆，魚皮入口順滑不腥。第二味食左呢個涼拌豆腐呢個辣味無涼拌魚皮咁重，辣香為多。豆腐外層炸成金黃色，香口不油膩，內層軟滑。必食推介! 口水雞肉質結實，有有嚼勁。麻辣味剛剛好，食左幾舊嘴唇麻麻的，幾得意。花雕醉雞煲口感嫩滑而且沒冰鮮味，應該係用新鮮雞，廚師刀法好好，食唔到有碎骨，可以大口大口咁食，份量十足。略嫌酒味較淡。薯粉&火焰芝心包薯粉帶有螺旋紋，口感豐富彈牙我地前菜味道較濃，雞煲味道淡淡。薯粉建議最後放入，吸收湯嘅精華。火焰芝心包用料有別於一般芝心丸，芝士味更濃郁。一咬芝士馬出流出，記得唔好一啖放入口。