西香記 (已結業)

感冒病了一排很久已沒有吃辣，今天放工決定去試一試附近新開的陝西麵店。此店雖小，但選擇甚多。除了麵食外，還有肉夾饃，小食等選擇。難得第一次到來，決定每個項目也選一個來試一試。純手工炸醬扯麫手工麫一定是這家餐廳的強項，他們的麫非常新鮮，非常彈！配合自家製醬汁，非常嘢味青椒肉㚒饃由於我先吃了麪，才吃這個夾饃，顯得它有點遜色，因為它味道比較清新沒有麵條醬汁那麼濃郁。但是夾饃本身仍然口感十足，外皮脆脆內裏柔軟口水雞

週六去港島行山，經港大，落左去西環搵嘢食，門口見到係食陝西菜，覺得唔錯，決定一試。店面細細，地方企理。一入門口，左邊就係收銀位，先點菜，之後坐低等叫number，自己去攞餐。行完山，出左一身汗，有籍口食多啲，補充番，所以乜都試下，食得好豐富。有面，有夾饃，小菜，同飲品。孜然牛肉夾饃料好足，牛肉同幾種配菜一齊食，小小辣，好惹味，怕辣既朋友都可以食到。外面既夾饃係熱既，明顯有烘過，夾住孜然牛肉齊食，好juicy，好快比我食晒口水雞雞滑，我再另外加啲辣醬，仲惹味，又係勁快比我KO晒純手工炸醬扯面呢個扯面最鐘意呢款面係寬身既，真係第一次食，好滑好彈牙，真係好好食。炸醬，青瓜絲，紅蘿蔔絲，再加埋佢啲秘製醬汁撈埋個面一齊食齊，真係幾清爽，惹味。而且，配料分量都幾多，食完個面都仲有剩。最後飲埋杯酸梅湯，消一消，中和番啲辣，滿足臨走見佢有涼皮，下次先再試。

今天陪我的他來西環理髮，順道在髮型屋附近的這間陝西菜吃晚餐。先前沒有接觸過太多關於陝西菜的資料，香港亦沒有太多陝西菜館，對這沒甚麼概念，只知道一般都以辣為主。西香記的店面不大，大約有20多個座位，店舖不乏具中國傳統特色的裝飾。菜單的食物款式主要以麵食、肉夾饃、涼皮和涼伴小食為主，價錢比較大眾化，最便宜的二十元有找。兩人共點了四款食物加一飲品，埋單$150 都不到。孜然牛肉夾饃肉夾饃外層的麵包類似饅頭，但稍結實一點。中間夾著的是孜然牛肉，孜然的香料味道很吸引，醬料味道比較濃，用來夾麵包，味道剛剛好。麻辣雞絲涼皮這道菜其實跟上海菜的雞絲粉皮如出一澈。配料除了有雞絲外，還有青瓜絲，口味很清新，夏天吃用感覺一流。辣油出乎意料的辣，一小滴的辣油已足以讓人口舌發麻。口水雞這口水雞跟四川的味道和外型都不同。這款口水雞以不加調味料的涼拌雞件為主體，上面再伴以辣油。辣油跟麻辣雞絲涼皮的同樣，辣得讓人口舌徹底麻掉，嗜辣的人士定會感覺超爽。手工炸醬棍棍麵個人非常喜歡這款麵食。炸醬味道頗濃，跟麵伴勻來吃味道平衡。加上紅蘿蔔絲和青瓜絲，把油份和咸味稍稍吸收，令麵食整體的食感得到提昇。棍棍麵很滑，用來製作撈麵，實

今日放假，同男朋友去港島西一日遊。因為瞓晏咗，所以第一站就去食Lunch先。諗起上次喺廣州食過一個好好味嘅肉夾饃，但返香港之後都遇唔到，既然今日見到西香記有肉夾饃食，當然去試下啦。今日叫咗依啲:👇(1)金牌肉夾饃(2)孜然牛肉肉夾饃(3)金牌麵皮(4)純手工油撥扯麵(5)口水雞(6)豆漿(1)金牌肉夾饃($20)初見到時，以為會好乾，但一咬落去，啲肉汁咇哂出嚟，整到我好狼狽，好彩餐廳有紙巾提供，可以即刻抹乾淨。依個比較啱我口味。(2)孜然牛肉肉夾饃($26)同上面嘅一樣咁多汁，孜然味好香濃，比較適合鍾意食濃味嘅人，所以男朋友話好喜歡。(3)金牌麵皮($24)依個係凍食嘅，要讚嘅係佢唔會幫你落定辣油同醋，你可以按自己嘅口味而加落去。因為本身麵皮係無乜味，所以我覺得ok，男朋友就覺得好寡。(4)純手工油撥扯麵($58)記得有一次喺深圳食過類似嘅麵，一碗麵只有一條好粗嘅麵，如果要分少少俾人食要自己夾斷或咬斷，今次再次食到真係好開心。依個麵係要趁熱撈咗先食，配料都幾多，而且啲醬汁好濃好夠味，總之就好滿意。(5)口水雞($18)起哂骨，唔洗食得好麻煩，幾好，不過好似切得薄咗少少咁，而且唔太夠入味