麥金.麥金馬來西亞特式茶啡室 (已結業)

大角咀有好多特色小店，呢間金黑色招牌嘅馬來西亞菜餐廳，款款都抵食又惹味！🍞椰香南洋燒麵包 ($38) (加鮮牛油 +$4)嚟自馬來西亞嘅啡色焦糖麵包，外皮香脆，而且帶著濃濃嘅椰香味😍強烈建議一定要加鮮牛油，夠哂邪惡又提升到整個味道層次😈鮮牛油嘅順滑口感同微微嘅鹹味，與椰香嘅甜味完美融合，極推薦！👍🏻🐥蛋黃奶油勁量雞扒撈岀前一丁 ($68)雞扒份量十足，從酥脆外皮一口咬落去，就感受到雞肉鮮嫩多汁🤩蛋黃奶油汁又係超邪惡，口感順滑、甜中帶鹹，點雞扒或者撈麵都勁夾！呢個惹味醬汁好加分，濃郁味道倒落公仔麵簡直絕配🤤🍲古仔路肉骨茶 細滲 ($88)用爐煲住熱辣辣真係好正🔥細滲配料包括三層肉、一字骨、雞腳、豬手仔、豆卜、金菇、豬肚，非常足料豐富😍肉骨茶係以多種中藥材如當歸、黨參、川芎等熬製而成，搭配各種香料，味道甘香不苦，每種食材都煮得非常入味，飲多兩碗仲可以幫助祛濕添！🌿椰汁斑蘭冰 ($28)椰汁味道清新醇厚，與斑蘭嘅香氣好夾🥰味道不太甜，非常清涼解渴，如果夏天飲一定更加正！🧋馬來西亞拉茶 ($22)茶香濃郁，加上牛奶嘅甜味，喜愛飲拉茶嘅唔好錯過喇😍而且茶嘅苦澀感同牛奶嘅甜味完美地平衡，飲落有茶香

友人喺呢頭返工 好推介呢間正宗馬拉菜餐廳 一行入去呢間餐廳已經覺得好有馬來西亞風味😌娘惹叻沙滲滲 有食過馬來西亞菜嘅人都知道滲滲即係油麵同米粉mix埋 個人就覺得呢個配搭幾特別 所以基本上每次去親馬來西亞餐廳都會嗌滲滲🤣 呢一個叻沙湯底好濃郁 好香椰奶味 用咗馬來西亞嘅香料醬料 配料仲有兩隻大蝦 兩隻蜆 魚片 豆卜 索晒啲湯 真係好正🥰砂煲老鼠粉用煲仔上 風味十足😎 呢碟老鼠粉其實係銀針粉配上肉碎 蝦米 魚仔 豬油榨同埋半熟蛋等嘅配料配搭而成😍 味道甜甜地 但又令人食唔停口😺 仲有蔥花 洋蔥 炸蔥 炸蒜 蒜蓉同辣椒🌶️ 令呢個老鼠粉更香 更惹味古仔路肉骨茶肉骨茶係馬來西亞名物 用中藥同肉煲成 呢度嘅肉骨茶完全冇苦澀味🍵 甘香易入口 我地嗌呢個細滲 入面有齊一字骨 三層肉 豬手仔 雞腳 豬肚 豆卜等嘅配料🐷 仲有嚿油炸鬼喺面頭 材料豐富 係個營養價值高嘅食物美祿恐龍呢個啱晒充滿童心嘅朋友 係童年回憶呀🍫 美祿香濃 配埋面頭嘅美祿粉小山 有口感得嚟又令美祿底更濃木瓜香蕉鮮牛奶呢個係健康嘅選擇 飲品有淡淡嘅木瓜味 唔會太甜 加上質感唔會太杰🥛呢間馬拉菜嘅味道幾正宗 特別鍾意砂煲老鼠粉 真係夠晒

唔係朋友講開想去大角咀食野，都唔知原來大角咀咁多餐廳/特色小店/酒吧林林總總既食肆😳今次揀左麥金.麥金呢間區內出名既馬來西亞啡室🇲🇾餐廳由外至內既設計都充滿南洋懷舊風味，由古舊大門再入到餐廳內既階磚地板、東南亞風情既油畫同相片，恍如置身70-80年代南洋小店🇲🇾🐷古仔路肉骨茶 細滲 $88食南洋菜不得不叫肉骨茶❗️😍肉骨茶好飲在湯底用豐富藥材熬製而不失肉香🤤入口香濃得黎唔苦澀，麥金既肉骨茶材料豐富，就算今次叫細版都好足料🤤一字骨、豬手仔、雞腳、豬肚同豆卜，材料完完全全索晒肉骨茶既湯汁，尤其係排骨燉得非常入味，肉腍嫩滑🤤另一重點係麥金可以無限添飲肉骨茶！煲下有小蠟燭保持溫度，真有心思，我都掃左幾碗湯黎飲🤣養生暖身，岩晒而家潮濕既天氣驅驅濕💦🐭砂煲老鼠粉 $88老鼠粉即銀針粉，係以粉條兩頭尖似老鼠而命名🐭因為原煲上，一上枱果陣己經好香🤤篤穿隻太陽蛋，撈勻肉碎、香蔥、羊蔥、炸蔥、炸蒜、蝦米、豬油榨，啲香味飄到隔離枱都聞到🤣🤣🤣而且粉既軟硬度適中，唔會太硬食少少就頂胃，所以惹味到我同朋友2個人都食緊晒成煲🙈🍢馬拉沙爹串燒（豬/牛/雞各一）$45因為第一次食都揀左豬牛雞各一，沙爹醬超多花生粒粒，香

最近天氣開始凍凍地，就好想飲返碗熱辣辣嘅肉骨茶！屋企附近有間馬拉茶啡室、叫✨麥金·麥金✨～ 當然就是主打食馬拉菜啦！古仔路肉骨茶～今日唔係太想食好多肉，所以叫咗呢款豆卜金菇～ 又香又濃，藥材味唔算太重，好好味😋 店員仲會主動問你要唔要refill 添呀！峇拉煎炸雞配椰漿飯～椰漿飯係好醒目嘅綠色，椰子味夠曬香甜❣️煎炸雞惹味大件、薯仔入味好食！配埋微辣參巴醬一齊食～ 正呀😋馬拉沙嗲串燒～揀咗豬同雞～ 雞肉juicy, 豬肉用上豬頸肉有咬口~ 粒粒花生🥜惹味沙嗲醬當然亦係亮點之一🙂檳城香炸滷肉卷🫔～檳城出名嘅小食之一，亦係當地人每逢喜慶及過節嘅時候餐桌上必備的佳餚～ 外面的腐皮炸得酥脆，裡面係豬肉夾雜着香芋大葱等其他配料～ 也是配上微辣參巴醬～冬瓜龍眼茶(凍）羅漢果菊花茶（熱）2杯都好好飲，唔會好甜，夠晒清熱！好鍾意呢度嘅裝修～ 特別係紙皮石地板🙂令人猶如置身馬拉，有種好懷舊嘅感覺！