初遇

營業中

休息中

這間台式店一開二，隔離是茶餐廳；尚算新鮮，剛開業不太久，每次到粉嶺工作時經過都要排隊，難得今日有位，當然要試下，而我一定揀台式，因為有我最愛的台式奶茶及小吃🥰抵食下午茶由 14:00-18:00 ，大約有廿款選擇，小食及飯麵都是四十幾蚊，還配台式飲品及可追加甜品🔸鹽酥雞滷肉飯配紫菜貢丸湯及台灣香腸$48很喜愛這個下午茶，一個菜式有齊主食/小吃及湯; 鹽酥雞脆皮不油膩，滷肉飯的滷汁送飯不錯，台灣香腸不是隨處有，還有貢丸湯很齊全🔸古早芋泥肉鬆蛋餅$38芋泥蓉不覺太甜，混合肉鬆吃甜味剛好；皮薄煙靭🔸滷肉A菜$28總算麻雀雖小 五臟俱全

粉嶺名都一向連鎖店林立，冇咩特色餐廳，呢間初遇可謂打破僵局，記得大半個月前新張大排長龍，結果不敵人龍卻步，今日閒日避開繁忙時間，終於可以一嘗滋味😗😋打開menu，樣樣都想食，就揀咗有圖片嘅（最穩陣）古早芋泥肉鬆蛋餅，芋泥又香又軟又濃郁，每一啖都充滿芋泥，口感軟糯，平時我會有d抗拒肉鬆，覺得係萬年食品，但呢個肉鬆好新鮮，冇罐頭味，肉鬆俐落分明嘅質感同芋泥軟糯嘅口感互相平衡，配搭煙韌蛋餅，層次非常豐富，咬完一件再一件，津津有味檯上菜圃：初遇一品臭臭鍋，第一次試保守d叫小辣，果然小辣都夠辣，呢個鍋配料豐富，黑色臭豆腐其貌不揚（遠睇仲以為係烏雞🐔😆），但食落又幾過癮，配甜辣醬好有街道小食feel，粉絲同薯粉都好索味，整個鍋都唔算油，如果要講缺點就係鴨血唔入味，其餘都算唔錯跟餐飲品：冷泡阿里山烏龍呢款茶跟餐唔洗加錢，個樽仔十分精緻，呢樽嘢係奈X之茶賣幾十蚊古早仙草三色芋圓，跟餐加22蚊非常足料，芋圓「嘰彈」不生硬，呢個價錢好超值呢度播好多周杰倫歌，令我食得好寫意，今餐非常滿足，我正式宣布：粉嶺人又多一間食堂！