遇見花蓮

營業中

休息中

我真係幾鍾意食台灣野，因為佢有一種幾獨特，好地道既風味，作為港島人，眼見北角難得又開一間新店「遇見花蓮」，一定係化身捧埸客，撐一撐場先咖啦，咁唔知係遇見花蓮會唔會遇見到蓮花呢？📌花蓮小鍋 - ▪️ 花 蓮 一 品 臭 臭 鍋 - $118▫️ 黎得呢到識嗌一定嗌「花蓮一品臭臭鍋」，慕名而黎呀，一上枱已經聞到臭豆腐果種獨特既臭味，食落非常脆口，夠哂惹味；而火鍋配料十足，包括娃娃菜、白豚肉、新竹貢丸、米血糕、大腸、鴨血、沙白、鵪鶉蛋、蕃茄、榨菜絲、韭菜、金菇、嗚門卷、炸枝竹，性價比極高，主食嗌左個粉絲，吸收哂臭臭鍋湯汁既精華，相當滿足。📌花 蓮 地 道 小 食 -▪️ 花 蓮 小 食 拼 盤 - $88▫️ 而另一亮點「花蓮小食拼盤」亦係必嗌之一，鹽酥雞炸到外脆內軟；甜不辣口感煙韌；櫻花蝦餅夠爽口；香腸鹹香突出，麻辣鴨血辣辣地好夠味；仲有雞卷、滷蛋，地瓜條、炸花枝丸，成個拼盤認真抵食。📌花 蓮 蛋 餅 - ▪️ 古 早 芋 泥 肉 鬆 蛋 餅 - $46▫️ 台灣菜蛋餅又係走唔甩，呢個「古早芋泥肉鬆蛋餅」每一啖都食到芋泥，而且口感軟糯，肉鬆亦夠新鮮，連埋外層蛋皮一齊食，多重層次，好食。📌飲 品 -▪️

位於炮台山的台式餐廳，平時食開九份飽，今次經過見到價錢都OK，食物選擇都多，就嚟試下。蜜汁滷排骨麻辣拌麵 $68 排骨好大塊👍🏻浸過蜜汁但咬落炸衣仲係脆口。手工麵夠曬咬口，醬汁帶有淡淡麻香辣味😉香口好食。古早芋泥肉鬆蛋餅 $39 呢個價錢嚟講有啲細塊，得3舊。但入面的芋泥好好味😋偏甜的芋泥同肉鬆好夾，用軟軟的蛋餅卷起，入口多重口感，味道好match😀如果大舊啲perfect台式肉蛋吐司 $48 吐司係三款入面最令人失望的🤨雞蛋煮到啱啱好熟，流心效果睇落好加分，但面包太乾又冇醬汁，調味唔夠，同隔離黑布小巷差好遠😥

難得約左同住北角嘅buddy一齊食dinner，見到遇見花蓮好近又就腳，就即刻決定食佢雖然唔大份，不過當小食咁係岩岩好，每一啖都係滿滿嘅芋泥超正，而且又唔會好甜。我好鐘意食辣嘢，一見到呢個就決定叫佢，不過真係高估左個辣，對我嚟講辣左啲，不過值得推薦佢嘅排骨，超入味，雖然有汁係上面，但排骨仲保持到少少脆，有驚喜，成碗麵超大碗，我一個人真係食唔晒。朋友就揀咗花雕雞，佢話個雞超香好入味。最後當然要有甜品收尾，食咗我最愛嘅芋圓，味道岩岩好，唔會太甜。聽講呢間係出名食臭臭鍋，望到好多人叫，睇落的確係幾吸引，不過我呢啲傳統嘅人就係覺得台灣嘢係要食古早味食返啲地道嘢以上評論純粹個人意見

砲台山呢頭開左間抵食台灣店，座無虛席！！小編食完覺得幾抵食！呢度又有一人火鍋、又有牛肉麵、魯肉飯同經典台灣小吃，選擇多多！另外，叫野食可以加多8－12蚊加配飲品 。一落單食物黎得好快，係茶餐廳的速度😂，味道又唔錯。難怪係附近街坊的晚餐之選。1️⃣古早芋泥肉鬆蛋餅 39呢度個蛋餅比較特別，真係用100%雞蛋做餅皮。但係出乎意料又幾好味，而且價錢咁平，我都無乜要求。裡面的肉鬆同芋泥，甜鹹甜鹹的，配上表面的醬汁，不錯吃～2️⃣紅燒牛三寶手工面麵 84三寶麵內有牛筋、牛腩、牛肚。厚身牛腩激大舊！而且煮得肉琳又入味，非常推薦。另外面質Q彈有嚼勁，而且份量很多。係牛筋牛肚，略微普通。所以下次再訪，我會單點牛腩麵！3️⃣台式香濃沙茶鍋 118呢個沙茶鍋，真係有濃郁沙茶味湯底。一人火鍋配料多多，有豬血糕，牛肉片，蛤蜊，等食材，底部都有粉絲同唔同蔬菜。侍應另外會上一碗粉絲，或者其他自選主食，保證你吃得滿足。4️⃣古早仙草三色芋圓 38同性友人酷愛甜品，所以叫了一碗經典的古早仙草三色芋圓。仙草QQ的，芋圓軟糯且吃得到芋頭、蕃薯味。裡面更有紅豆和花奶搭配。非常好吃。不過注意上菜速度飛快，想吃完鹹品，在吃甜品，仍有冰涼口感，

炮台山優雅新開台式餐廳一人小火鍋🍲遇見花蓮📍北角電氣道183號友邦廣場14-15號舖➰好歌推介「如果我們不曾相遇，你又會在哪裡;如果我們從不曾相識，人間又如何運行?」#如果我們不曾相遇 #五月天➰今日同朋友行完東岸公園，可以欣賞到維港兩岸景色，非常寫意。之後同朋友仔回程時發現依間台式餐廳新張開業，而且裝修都幾吸引，所以今晚就決定試一試佢。✥小食 𖥕古早芋泥肉鬆蛋餅 💲39 ⭐️3.8/5⭐️蛋餅好快送到，芋泥份量豐富，兼爽肉鬆增加開感，甜甜地幾開胃。𖥕士林鹽酥魷魚 💲38 ⭐️3.8/5⭐️魷魚用炸籃盛載，份量都唔少，性價比幾高，入口香酥，典型台式小食。✥主食𖥕花蓮一品臭臭鍋配薯粉 💲118 ⭐️3.8/5⭐️見到一品鍋材料非常豐富，大量台式火鍋配料如米血糕﹑新竹貢丸﹑鴨血等，仲有得揀唔同辣度，我地揀咗小辣，但係辣度都非同小可，適合食得辣嘅朋友，另外仲有附送一份主食，我地就揀咗煙韌嘅薯粉，性價比好高又豐富，仲有得玩一人鍋，非常唔錯。𖥕紅燒半筋牛面麵 💲78 ⭐️3.9/5⭐️食台灣野點可以少得紅燒牛肉麵，牛肉同牛筋份量各一半，湯頭濃郁易入口，幾推薦鐘意食牛肉麵嘅朋友✥飲品➰主食追加飲品只需💲12𖥕夜

今晚收工去左北角炮台山附近試新餐廳，地點係遇見花蓮，聽個名都知食台灣野啦！餐牌有花蓮小鍋，花蓮地道小食，花蓮手工麵，麻辣手工拌麵，古早味薑蔥，家傳滷肉飯，花蓮蛋餅，花蓮吐司，甜品，飲品。今晚第一次幫襯，叫左個小鍋同幾個小食分享。士林鹽酥雞 $36士林鹽酥雞一客七件，用牛油紙包住吸油。雞件炸得香脆肉嫩，味道唔會太鹹。士林鹽酥魷魚 $38同士林鹽酥雞一樣，士林鹽酥魷魚都係用牛油紙包住吸油。士林鹽酥雞炸得又酥又脆，份量有10條左右，味道又唔會過鹹。古早花雕雞卷 $42古早花雕雞卷一客6件，賣相好靚，每件雞上面都有一粒杞子。雞肉酒香適中，夠多汁又嫩，雞皮都晶瑩通透，食落唔覺肥。連杞子都有濃濃酒香。古早芋泥肉鬆蛋餅 $39古早芋泥肉鬆蛋餅一大條切開4件，熱辣辣上枱。蛋餅外皮好薄，加左蔥花，包住滿滿肉鬆同芋泥，面頭有米色同紅色兩色醬。食落係又鹹又甜，又綿滑又軟林，多重味道口感，好味道。台式香濃沙茶鍋 $118台式香濃沙茶鍋材料非常豐富，好多野食。有牛肉片3片，牛丸兩粒半，花枝丸1粒，連殼沙白3隻，米血糕2件，娃娃菜，粟米一件，金菇，韭菜，番茄，青豆角幾條，冬菇一隻，豆腐一件，少少粉絲，炸枝竹，鳴門