陳黃記 (已結業)

由開業到依家，間唔中都會幫襯嘅小店，原因係因為佢嘅醉雞米線。裝潢由門外嘅牌匾招牌到店內古董風扇，都充滿濃厚中國風味。🔹古法醉雞米線 $43每次我都係為咗醉雞而黎，因為對我嚟講花雕酒味算濃，雞肉吸哂味。醉雞同米線係分開上，確保雞件係浸住濃郁嘅酒精入面，所以好入味，佢嘅雞件偏凍，如果你想食熱嘅就建議食另外幾款。如果想食到雞脾，就要加多$10。🔹人蔘雞湯（藥膳）米線 $45人蔘味偏清淡，無想像中重人蔘味，但都有少少回甘，飲落其實幾好味。雞肉嫩滑，唔會嚡口。秋冬食呢個應該都幾暖身。🔹好膶脆 $24個名好古惑，如果你讀錯音就⋯⋯😏其實佢係炸雞膶，坊間好少餐廳會有雞膶食，所以間唔中嚟食嘅時候都會order同人share！如果你唔太好雞膶，但又想試下，推介可以叫招牌三寶，一碟包括：好膶脆、麻香雞腎同滋味沙薑雞腳，而當中炸雞膶仲可以轉做秘製黃沙雞膶，啱哂唔食炸物嘅朋友。環境乾淨，每人都會有隻骨碟，十分衞生，店員亦好有禮貌。菜單款式比開業時多咗好多選擇，等我下次又試下其他先。營業時間：11:00 - 21:00 逢星期二休息（公眾假期除外）📍粉嶺聯和墟聯昌街42號地舖．．環境分數：8/10食物分數：7

新開了這間米線一直想來試，其實款式就只有幾樣，就是想來試天麻川芎白芷魚頭湯米線！～另一碗叫了古法醉雞米線和招牌三寶小食～天麻魚湯一上枱好大陣藥膳味，但食落就有小小腥，枱上有提供胡椒粉，但我冇落想食返原本隻味。醉雞都好夠酒香味，不錯。還有這個招牌三寶小食，分別是雞膶、雞腎及雞腳～好少有雞膶小食所以一定試下，落單時店員有詢問雞膶可以選清蒸或脆炸的，未試過炸的就試下吧！炸左既雞膶好得意，雞腎亦很爽，不錯👍但雞腳就較遜色，下次我會再叫雞膶及腎～加$7有菊花茶或雪梨山楂水，二人各叫了一杯來試，個人較喜歡雪梨山楂水，小小酸好開胃裝修簡單得黎又有點點心思，整體感覺不錯，會再來的～