繼光香香雞 (連理街)

營業中

休息中

對上一次食台式炸雞已經係四年前，當時我同女友穿梭各大台北夜市，每晚都會買炸雞返酒店食，咁多間炸雞之中，繼光香香雞最令我印象深刻，等既時侯忽然落大雨，最後自己都變左落湯雞。繼光香香雞原來係香港開咗三間分店，其中一間係坑口，我決定速去速回，買外賣返屋企食。今日都係下雨天，不過唔駛驚，因為繼光香香雞開係商場😬餐牌介紹三大必點組合，包括1. 香香炸雞(大)/香脆樂薯2. 香香炸雞(小)/蒜脆杏鮑菇3. 香香炸雞(小)/墨魚甜不辣最後我叫左香香炸雞（大）、台嗑三塊雞同酥炸魷魚。我大約等左10分鐘左右就攞到外賣！另外而家去到五月十日前，大家只要叫左香香炸雞，第二款食物有半價！整體嚟講，炸粉唔會大厚，每款外皮望落超脆。香香炸雞既胡椒粉黑椒粉幾重手，食落有少少辣。台嗑三塊雞幾juicy，至於酥炸魷魚酥脆之外帶嚼勁，調味唔會太鹹。

同呀媽Shopping完之際，佢話夜晚唔想煮飯😅，叫我睇下想食乜，再買啲返去當晚飯...，哈哈。由於午餐食得好飽，所以都唔使點食正餐，於是就幫襯繼光香香雞。以前香香雞做團購，我成日幫襯，但旺角店相繼結業後，我就無食過。不過喺屋企左近嘅連理街店就屹立多年，今次係我第一次幫襯添😛。炸雞店勁高人氣，買嘅人排哂長籠，其中一個原因係因為全部食品都係客人落單後即炸，所以唔會翻炸變到好乾身或者好油👍。好搞笑地成間舖嘅店員都係大男生，仲好似唔太識聽／講廣東話。我哋等咗陣，啲炸雞就Ready了🐔，沿路拎返屋企隔住個口罩都聞到勁香，真係好想拉低口罩偷食。香香炸雞(大)($39)，招牌菜果然幾時都咁好食😋，每件雞件都好好肉，而且無骨，炸皮香脆得嚟，肉質保持嫩嫩多汁的，又無熱氣嘅感覺，真係好正，推介！唔同分店同經營多年來都能夠保持高水準💯，抵讚。台嗑三塊雞($38)，呀媽話想試埋喎，呢個就同香香炸雞唔同🐓，雞肉比較大塊同埋有骨，鹹香味道較濃。但我就鍾意香香炸雞多啲～。酥炸魷魚(細)($32)，炸雞以外，炸魷魚亦係必食之選。魷魚沾上薄薄嘅炸粉，達到黃金比例🦑，我哋又係食唔停口。總括嚟講，三款炸物都無令我失望，特

呢排因為疫情都唔敢出街，係屋企煲劇，口痕就落樓下買炸雞外賣自取，估唔到而家原來做緊優惠，4月10號至5月10號買香香炸雞(大)，第二款食物可以任選半價，有成17款嘢食可以揀，作為炸雞控嘅我當然唔執輸，買多少少返屋企煲劇慢慢嘆🤤外賣自取都算幾快手，大概10分鐘雞肉就新鮮炸起可以食得~台嗑三塊雞~個人最喜愛的一款，炸雞幾大件，啱啱炸起，新鮮拎返屋企外皮仍然保持香脆，估唔到肉質又幾嫩滑，咬落去有肉汁流出來，食落不太乾身，調味相對來講亦啱啱好~墨魚甜不辣~好耐冇食過炸魷魚鬚，呢款係類似炸魷魚鬚，但係一口size，但份量比想像中多，適合一家人share，啱啱炸起幾酥脆，外皮不算厚，咬落去亦食到淡淡彈牙墨魚，有幾次仲食到幾條墨魚條一齊😂香香炸雞(大)~啱啱炸起熱辣辣，分量多，肉質頗為結實，採用雞胸肉，與台嗑三塊雞不同，一口size，啖啖肉無骨，一路睇戲唔經唔覺已經食晒全份😂

每次，every single time 👿，經過呢間《繼光香香雞》都會俾佢嘅香味吸引到，呢日終於忍唔住去咗食🕺🏻不過呢啲好熱氣，唔可以成日食🤣俾錢之前先見到原來佢哋遲下做優惠（可惜我食嗰日無🙈）：4月10日至5月10日，買一份香香炸雞，第二款食物有半價😻最欣賞佢哋嘅地方就係任何order都係「即叫即炸」，新鮮熱辣🔥香香炸雞 (大) ($39)皮脆，超香口，仲要內裡雞肉好嫩好多汁✨台嗑三塊雞 ($38)每件雞都好大件，好抵食👍面頭灑咗少少辣粉，更加惹味🤤酥炸魷魚 (大) ($50)除咗雞之外都有其他嘢食，譬如呢個炸魷魚🤤魷魚肉質Q彈，味道都幾鮮😛-Menu: