九份•十分 (河畔花園) (已結業)

上次去了河畔花園附近吃飯，吃完飯經過見到有間台灣餐廳。 從餐廳門口看入內，餐廳好大間好有台式feel。 再看看餐牌，菜式選擇也不少。 但上次因為剛吃飽，所以同朋友約定下次一定要去這餐廳食。 今天終於大家有時間，可以相約到河畔＂九份．十分＂。 綜合水果茶(水果茶內有很多水果，初啖好似較淡，但越飲越香濃，原來熱情果茸沈咗在樽底。 建議最好加多隻匙，方便攪拌沈在底下果味，使味道更平均。)台灣鹽酥雞(外層炸得酥脆，又有多種調味粉可以自己調配。）麻辣滷味大腸(好入味，炆得好稔)紅燒牛肉麵(第一次吃到牛肉多過麵，牛筋牛肉大大塊，炆得稔又入味，吃完好有滿足感）蚵仔肉碎泡飯(好多蠔，好大隻好新鮮，泡飯好鮮甜，超美味。 另外也配上脆米，放入泡飯內，增添脆脆口感。）＂九份·十分＂能烹調出台灣菜那種平實味道，有種回家吃飯感覺。 餐廳坐位擺放舒服，不會令人有拘緊感覺。 吃得美味，坐得舒適，令人回味。

鍾意S.H.E同埋珍珠奶茶嘅人喜歡台灣是常識吧仲要係生日🎂梗係要來呢間聽就聽得耐的餐廳啦！耳聞不如目見！個人覺得去台灣必食嘅嘢當然係珍珠奶茶鹽酥雞同埋麵線一定走唔甩！黎到呢間餐廳唔可以錯過嘅首選就係我嘅最愛珍珠奶茶！自己除最鍾意飲紅茶亦都好鍾意飲綠茶嗰種清新同埋茉香果種優雅，所以抹香珍珠奶茶或者奶綠都係我嘅最愛茶底。不過略嫌茶味略談同埋珍珠係失望😞識食珍珠嘅人一睇就知擺得太耐嘅珍珠會係點，個表面已經會有啲爛鐵地同埋發大脹大，意即內裡已經不再有煙韌口感，我最期待就係呢樣😭期待已久嘅珍珠奶茶真係有點失望🙍但係鹽酥雞就帶來一啲驚喜！之前見過節目介紹知道佢有幾種重口味嘅鹽酥雞粉。鍾意試唔同新嘅口味嘅我就最啱！係有梅子、芝士、香辣、咖喱，紫菜同埋原味六種口味任君選擇，選擇好豐富，好適合鍾意玩嘅朋友同埋好適合一大班人一齊食一齊玩一齊揀！我自己就最鍾意鹽酥原味紫菜同埋香辣因為比較貼近台灣本土小食鹽酥雞嘅原味，台灣本土夜士亦都會落呢啲類似七味粉嘅香辣粉，頓時覺得超地道！！即刻懷念置身台灣嘅自己！😭亦是就係自己本身鍾意食嘅口味，就係鍾意食鹽酥雞嘅原因。之後就係去到台灣必食想狂食嘅麵線！記得台灣食過阿宗麵

經過沙田河畔，被一間店名「九份•十分」所吸引，應該是食台灣菜，店外亦有很多人在等候，食物應該都不錯嘛。於是找天早食晚餐，不用等位太久 ^_<看看餐牌，已被第一頁吸引，飲品的「冰」和「糖」可以選擇不同的類別，非常特別及貼心 友人非常熱及渴，所以首先叫了飲料。他點了「海綿寶寶」，而我則點了「綜合水果茶」。海綿寶寶，即是鮮芒果沙冰。有粒粒的芒果肉，不太甜，而且非常冰涼，可消暑解渴。看餐牌，已被這綜合水果茶吸引，所以毫不考慮就點了這個。水果茶內裡有很多水果，但我意想不到會有話梅，而且小杯內有一顆冰檸檬，非常特別！茶不太濃，味道很清新，而且又有很多水果食，非常適合我 ^_^之後，我們點了「皮蛋豆腐」、「台式綜合滷味拼盆(細)」及「台灣鹽酥雞」。皮蛋豆腐，豆腐切得很薄，很滑，醬汁偏甜，但配上肉鬆，可中和味道。台式綜合滷味拼盆(細)，有鴨腎，鴨舌，滷水雞翼，豆腐和滷水蛋。滷得很入味，但略嫌只得一隻雞翼，不夠二人分。台灣鹽酥雞，有六款調味粉 (原味、梅子、紫菜、香辣、咖喱及芝士) 可選擇。可惜食完才發現我們那些試管少了芝士粉口味，唯有寄望下次再來品嚐 -_-用試管設計，就好像自行做實驗一樣，配

見有咁多好評，滿懷期待，諗住黎試下啦～不過真係一次就夠，絕無下次！我哋兩個人七點幾去到攞飛，等咗個幾鐘先有位。因為今日天氣真係好熱，加上係街鋪，惟有熱住等...入到去環境以台灣做主題，係幾靚又夠新，不過位置唔太鬆動。等咗咁耐，拿拿臨揀野食，我哋總共揀咗5樣嘢。依個味道一般，而且太稀，冇咩麵線，同台灣食過比差好遠。鹽酥雞味道正路，亦有啲創意，因為佢會俾6種唔同嘅調味粉你自己灑落去，原來梅子&紫菜同鹽酥雞幾夾～芝士冇咩味，咖哩就直情係咖哩杯麵個隻味。呢個泡飯完全失望，同餐牌張相都差好遠😞湯多料一般，味道毫冇鮮味，只得味精湯味。依個咖哩蝦飯味道最好，亦係較為令人滿意。咖哩比較稠身，而且唔太辣。啲蝦都算大隻彈牙，而薯角亦脆口！依杯野就真係離哂譜，好想知究竟飲得幾多啖，你睇下9成都係冰，已經自己去試下整碎啲冰，但飲左幾啖，已經冇得飲，仲要$38杯😤希望愈大，失望愈大。試過一次，認真怕怕～

午飯時間排長龍，自動化的等位系統，在螢幕上按人數取飛。店內雖然放滿餐桌，全部滿座，有少少逼，但花點心思四周看看，會發現店方佈置上的用心。飯、麵、小食、飲品、甜品，一應俱全，而且選擇夠多。落單後店員送上相機夾子和賬單，吃完後到收銀處付款。胚芽珍珠奶茶可自行選擇甜度，這個微糖果然不甜。台式奶茶總是奶味為主。墾丁星空蝶戀花青檸沙冰，原來是青檸汁上堆起細細粒，看似冰糖的冰。中間是紫藍色的藍蝶花，雖然沒有味，但把冰染得好看。青檸汁的檸，皮的苦，和糖漿的份量配搭幾好，清涼、解渇、開胃。皮蛋豆腐每次見到切得薄薄的豆腐，都很佩服師傅的刀工。清涼滑溜的凍豆腐，配肉鬆味道一流。可是淋在上面的醬太多，偏甜。皮蛋同樣被醬汁弄至偏甜，外層幾爽，但中間實實的，欠皮蛋香。不過＄28都幾大份，幾抵食。台灣鹽酥雞自行配味的鹽酥雞，增點實驗的玩味。香辣不算很辣，芝士奶味重得有點古怪，紫菜味不太出，咖喱和原味都不錯。雞炸得幾脆，雞肉嫩，都可以。阿春麵線見到實物，跟圖片不乎，難掩失望。蚵仔和大腸又少又細。蚵仔細隻，而且鮮味欠奉，除了吃到殻，基本上沒有口感可言。大腸比戒指還要細，完全不香口。麵線太腍，跟濃稠的湯汁拌在一起，口感