Rempah Noodles

營業中

休息中

之前約咗好耐冇見嘅朋友聚一聚我比佢揀食咩，佢話不如試下南洋嘢，我當然奉陪啦！收工就嚟到呢度，餐廳位於灣仔大街，非常易搵！可能因為係非常時期，唔係好多人出街食飯，我哋一入去就有位！不過太提醒番，想利嘅朋友記住唔好太晏，因為佢收20:00~一坐低，我哋光速咁就決定咗食咩 （因為其實都唔係好多嘢揀)見網上多數推薦蝦麵，我就決定叫嚟食，朋友就叫咗叻沙，當然唔少得份Kaya Toast啦！食物好快就嚟咗！你睇下個Kaya Toastd醬creamy到爆，聽講係餐廳自己整架！唔同市面個啲！熱辣辣嘅多士配上kaya,果個種冰火交融嘅感覺真係世界級正，值得一試！講返正食先， 個蝦麵真係名不虛傳！一飲個湯，濃到痺！好高汁！而且份量其實好夠，有粉絲同油麵係入面，仲有4隻蝦！朋友嘅叻沙都完全唔遜色！我同佢都認同呢個係我哋係香港食過最好食最地道嘅叻沙！因為其他餐廳果啲實在太稀，呢個椰奶又夠，辣味亦啱啱好！得分！ 得閒一定會再嚟！最後再附上Kaya Toast 特寫一幀，特此紀念～

12:06過到泥諗住拎左位先，外面冇人排隊，入面仲有10個位，朋友轉個彎就到，點知侍應堅持要我係出面等到朋友到先可以入座入到泥地方好狹窄，每人一張圓形摺櫈，朋友正放緊野入個袋準備坐好，侍應「提示」佢要坐低為止，仲係隔離等到佢坐低服務方面係零分🥚哦，原來唔收服務費，唔怪得唔會有服務，但認真慘過食澳牛，哥哥仔唔會甘惡。香茅茶好恐怖，似肥皂水咖啡冇特別，明明加左煉奶應該要特別香同甜，可惜冇。金杯優點係個杯真係炸得好薄脆，溫度唔凍唔熱，醬汁甜甜酸酸既，入面有好多紅蘿蔔粒粒，上面有蝦同紅椒等。叻沙有椰香味，少辣，唔夠熱。蝦太老同冇蝦味。最好味係隻蛋同豆卜，蛋既生熟度剛好，豆卜最吸味多士烘得好薄脆，但d kaya太稀又唔夠甜。總括而言，食物賣相唔錯，味道合格，服務同環境要扣分，價錢與質素唔成正比如果你鍾意我今次既分享，請你馬上立即宜家就俾個♥️同關注我😬按我個頭像然後按「關注」🙇🏻‍♀️