影片
港鐵金鐘站 F 出口, 步行約5分鐘
繼續閱讀
電話號碼
36184863
營業時間
今日營業
11:30 - 20:00
星期一至五
11:30 - 20:00
星期六
11:30 - 18:00
星期日
全日休息
公眾假期
11:30 - 20:00
公眾假期前夕
11:30 - 20:00
以上資料只供參考, 請與餐廳確認詳情
相關文章
Rempah Noodles📍灣仔軒尼詩道18號地舖朋友經常放工由金鐘行過嚟灣仔搵我食飯，真係辛苦佢啦，今次我想佢行少啲，所以同佢去咗一間留意咗好耐嘅新加坡餐廳食晚飯。我哋行經呢間Rempah Noodles多次，每次都見裡面座無虛席，午市時間仲大排長龍，遲遲都未的起到心肝去食。呢日平日嘅晚上，我哋好幸運地唔洗排隊就有得入座。店員安排我哋坐係店舖中央嘅大長方檯，並親切地話俾我哋知檯底設有掛勾，方便食客放置個人物品。仔細一睇，原來檯面上有貼上藍色圓形貼紙，咁樣就唔洗盲摸摸咁搵個勾喺邊，設計實用、貼心又美觀！餐廳裝潢簡約，主要採用黑白兩色為主，黑白格仔地板最為搶眼。向街嘅座位前裝咗可以打開嘅玻璃窗，加上open kitchen，令空間感增加，放置少量植物同多件富懷舊風情嘅擺設，令整體感慨非常舒適，營造獨特嘅復古風。除咗裝修特別，供應嘅餐點亦係其特別之處。有別於新加坡大部分餐廳，供應各式各樣多元化嘅美食，呢間麵店只提供三款麵食，專門程度可以媲美日式拉麵店。店名Rempah係香料膽嘅馬拉文，象徵住每一款供應嘅麵食，都用咗獨特嘅香料膽炮製，做出味道香濃嘅娘惹風味。 💰$115優質蝦麵 🦐廚師將蝦頭蝦殼落鑊炒香，混入豬骨湯，花上5小時慢火熬製出蝦麵嘅湯底。麵底係摻摻（雞蛋麵+米粉），蝦湯湯底色水偏深，味道偏甜，蝦味芬芳。蝦麵配料非常豐富，有切片鮮蝦、caramalised onion、炆豬腩肉、菜、豆芽同自家製豬油渣。不得不承認，佢嘅豬油渣真係香而不膩，最重要係無油膉味，好抵讚。不過可能因為我唔太鍾意食摻摻（因為唔鍾意粗幼麵口感硬度不一嘅感覺），同埋的洋蔥碎浸住湯好快淋晒，所以影響咗整體嘅食用感。可能只係我個人口味問題，朋友話好食，講嘅時候仲不忘飲幾啖湯，所以我認為口味嘅嘢，真係見仁見智。 💰$115娘惹厚濃叻沙 🥘我叫嘅叻沙最吸引人嘅地方，就係個橙橙黃黃嘅靚湯底。廚師選用南薑、黃薑、乾葱等近十種香料，人手炒香後，加入香味濃郁嘅椰漿同以雞骨豬骨熬製嘅湯底，飲落鮮甜帶微辣嘅後勁，淨係個湯都咁足料咁有心機，未食麵都已經好滿意。麵底用上我至愛嘅粗身米線，索湯力不比米粉差。配料有切片鮮蝦、魚餅、雞絲、半隻蛋、豆卜同豆芽。蝦肉同樣彈牙、雞絲出奇地嫩滑、芽菜新鮮爽口無臭青味、豆卜吸滿湯汁...最重要係所有配菜都比較淡口，配濃香無比嘅叻沙湯底食，就最適合不過。 💰$45咖央多士 🍞點完兩款麵食之後，店員主動推介咖央多士，問會唔會想試下。因為見價錢唔算太平，所以想考慮下先。我同佢食咗幾啖麵之後，對餐廳出品有信心，唔洗諗就決定要試埋個多士。對上一次食咖央多士，無記錯係朋友去食南洋嘢打包俾我嘅，雖然味道都唔錯，但始終食唔返兒時嘅味道。講返今餐，一上檯見到4件多士堆成一座小塔，放喺傳統瓷碟上，造型有趣搶眼。多士烘得香脆無比，咖央醬絲滑香甜，外熱內冷嘅感覺正到無朋友。咁有驚喜嘅甜品，好彩我哋有叫到嚟食，因為個人認為佢比兩款麵食更出色、更好味。
繼續閱讀
餐廳以黑白色作主調, 簡約舒適, 播放著音樂, 感覺輕鬆, 略嫌播放的聲浪有點大。入座後, 店員隨即送上水一杯, 呷一口, 原來是檸檬水, 是加分位。食物選擇不多, 只有3款麵食, 4款飲料和2款小食, 而麵條可免費添加。天氣寒冷, 點了辣的娘惹濃厚叻沙及人氣的咖央多。1) Nonya Laksa Lemak 娘惹濃厚叻沙 $1152) Kaya Toast $45 Kaya Toast 十分脆口, 表面烤得色澤均勻, 中間塗上厚厚一層的咖央醬, 輕輕一夾, 咖央醬隨即從四周溢出。咖央醬味道濃厚, 雖然天氣寒冷, 吐司凍得快, 但仍然滋味。 Nonya Laksa Lemak 娘惹濃厚叻沙材料豐富, 有蝦, 魚餅, 雞絲, 芽菜, 豆腐卜和雞蛋。湯頭質感濃厚稠密, 椰香滿滿, 入口香辣, 挺暖身的。麵條索滿湯汁, 蝦肉爽身, 魚餅鹹香, 雞絲軟腍, 芽菜爽口, 豆腐卜索滿湯汁, 甚是惹味, 唯雞蛋雖香, 但被湯汁味道蓋過, 是唯一的挑剔位。
繼續閱讀
個日同老婆係香港個邊整完野。經過呢間餐廳，見環境幾好就入去試下啦。叫左兩碗麵，香港人食野，一定相機食先。影左兩張靚相，就開始嘆碗麵，講真，味道一般水準無咩特別。食食下，無啦啦有個男人衝埋黎，指住我老婆個頭，問佢做咩影相！真係火都黎！咁大個人都未比人指住個頭講野，仲言語帶恐嚇性，命令我地delete張相。第一，場內無寫住不可拍照或no photo,第二，如果唔準影相你可以禮貌地同我地講。唔使衝埋黎大大聲恐嚇人地delete張相。唔怪得咁多人鐘意上大陸食野唔留港消費！你影衰曬香港餐飲業！最後緊係食唔落，埋單走人！真係比錢買難受！
繼續閱讀
上網見到佢哋嘅喇沙幾靚仔 而且整體裝修幾靚 所以特登去試吓～😎佢哋湯底同麵條配搭比較特別 叻沙配米線 蝦麵配摻摻🔸娘惹濃厚叻沙 $115喇沙湯底濃郁 食落都幾辣 配料包咗鮮蝦、魚片、豆卜 食落豆卜都算滑 可以吸晒啲湯汁😌; 蝦對半切開 有四片 實質只有兩隻🦐米線質感太淋👉🏻👈🏻 整體配料份量比較少🙈✨最好應該係可以免費添麵😆 啱晒大食嘅我呀！🔸優質蝦麵 $115摻摻做得唔錯 油面爽口得來無鹼水味 湯底以蝦和豬骨湯熬製 飲落蝦味香濃🦐 不過上面嘅炸豬皮 上碟嘅時候已經有少少浸淋咗配料有兩隻鮮蝦同兩塊厚厚嘅純豬肉 味道就不過不失啦🔸咖央多士 $45🍞一共有4件 多士微脆 咖央醬十足 一咬即刻爆漿😎老實講 整體食物味道普通 但價錢比較進取💰餐廳營業時間較為短 淨係開到8:00pm 想去試嘅朋友就要留意一下啦💁🏻♀️
繼續閱讀
🍽️餐飲： 💮娘惹濃厚叻沙旁邊的人說是最地道的叻沙，首先像吃拉麵一樣，喝一口湯，雖然是紅紅的，但沒有到很辣，咸香微辣，帶有一點點椰香，老實說，椰香味沒有想像中那麼濃料超多：蝦、手撕雞、豆卜、芽菜、魚片（切成條）、雞蛋，相對的…麵有點不夠🤣🤣料麵是比較清淡的，但很新鮮，每款料都很會吸湯汁，搭得很好！💮咖吔多士餐牌上面完全看不到咖吔多士，但看到其他人都在吃，還好可以跟侍應直接點餐😉😉這個跟我在新加坡吃的不一樣，麵包比較厚一點，但一樣的脆；沒有一整塊牛油，反而是著重椰香味的咖吔醬，雖然不是之前吃過的味道，但都很好吃🎄環境： 位置不少，但客人真的很多！！！（主要原因是公司午餐時間，有打工仔有遊客）所以跟旁邊的客人蠻近的餐廳很光亮，所以感覺很舒服，而且很乾淨🎎服務：員工有說英文的也有說廣東話的，不論是說甚麼語言，都非常有禮貌，就算是這麼忙的時段，也會面帶笑容，棒棒！㊗️結論：看到門前帶不少人在排隊，想放棄，但店裡一直傳出叻沙的香味，令我決心排隊！下次要帶朋友來吃！！！
繼續閱讀