泓一拉麵

營業中

休息中

好耐之前喺黃埔食過呢間人氣爆燈嘅泓一拉麵，當時已經大排長龍，雞白湯拉麵更係令人一試愛上！今次就來到太子新開嘅分店，餐廳座位雖然唔多，但裝修充滿住傳統日式拉麵店嘅風格！餐廳依家變咗做用QR Code落單，非常方便～豚x雞白湯拉麵💰HK$105豚x雞白湯湯底呈奶白色，表面仲有一層泡沫，入口順滑，味道濃厚！每碗拉麵都有慢煮雞胸肉、叉燒豚肉片、半熟蛋同甘荀等等配料！拉麵偏細長而且富有彈性，掛湯能力高～地雞醬油拉麵💰HK$108地雞醬油湯底嘅顏色相對地比較清澈，飲落去每一啖都散發出淡淡嘅雞肉香味同埋醬油嘅香氣，呢種清爽嘅湯底同口感煙韌嘅拉麵相得益彰～吉列蠔💰HK$42外層炸到酥脆，內裡嘅蠔保持嫩滑多汁，味道鮮美～雞皮餃子💰HK$36雞皮餃子外皮香脆，內餡多汁而鮮嫩，味道有驚喜～葡萄梳打汽水💰HK$28味道酸酸甜甜，比人一種清爽嘅感覺～可樂💰HK$12

輕盈慢煮肉片柔嫩拉麵🍜，湯底醇香濃郁，麵條吸湯有彈性🫶🏻！・・・・・・・・・・・・・・・・・・・・🍜 地雞醬油拉麵 HK$108・味道：醬油湯底有陣煙燻香氣，加上洋蔥嘅甜，甜鹹香氣夾雜，層次感豐富，冇加檸檬柚子但湯底又好清新喎🤩！叉燒唔係拉麵店常見嘅肥瘦五花叉燒，係黑椒豚肉片🐽。豚肉味濃而不羶，輕輕以黑椒粒吊起豚肉清香。慢煮雞肉片同樣以黑樣粒輕輕吊起雞肉鮮香🐤，整體輕盈，女仔食會啱啱好夠飽肚，同時冇罪惡感XD・口感：湯底醇香清甜，慢煮豚肉片同雞肉片都係細嫩唔柴，麵質幾獨特，唔係掛湯係吸湯，咬落柔軟但同時有彈性，每咬一啖麵都有湯滲出嚟，出色👍🏻！🍜 豚x雞 白湯拉麵 HK$105・味道：白湯唔係走超濃郁嘅路線，但就係因為湯底豚x雞白湯嘅formula夠平衡，油膩感非常適中🫡。面頭泡泡入口即化開，湯底浠身但好香雞味，creamy順滑但唔會好厚，少食拉麵嘅肚波都輕鬆啪晒成碗😎溏心蛋醃得好入味，滿滿醬油香但唔會搶過拉麵風頭🍳。・口感：呢款麵條又唔同上面嗰款，有麥粒係麵條，比起上面嗰款煙韌有咬口少少，但同樣柔軟有彈性仲吸湯，正～🦪 吉列蠔 HK$42・味道：麵包糠酥脆，包住肥美新鮮嘅廣島蠔，想像