三河屋 (已結業)

4月份的星期六，下雨天，因睇戲之下來到紅磡(Firday尋尋覓覓之下終於搵到一間戲院仲有2位同有平飛預售的懷舊戲院)，咁就順便係果頭食埋飯先入場，同戲院相近的有間出名食鰻魚飯的店子三河屋(記得在幾年前曾幫襯過佢個fd尾張屋)差不多轉個彎就係，實在太方便了。 店子有落場時間，6:00後再開營業，我地就6:00多去食，呢個時段，唔太多人，內堂不大，裝潢實用的簡潔，服務上有人情味的街坊小店。 餐牌，除了招牌鰻魚飯，還有其他吸引的日食，但初到貴境，一於試下招牌貨。 share食。 鰻魚飯付送的麵豉湯，味道清清地有麵豉香味，唔會太鹹。鰻魚飯，$88，好大件又肥厚的鰻魚，口感軟嫩，味道甘香，好味，如果可多點鰻魚汁撈飯會更好味。 吉列豬扒北海道忌廉飯，＄58，友人以前是常客，多是食鰻魚飯，今次試新野叫了呢個，北海道忌廉醬汁十分豐富，食落是香甜的粟米味，幾好食，果然個汁先係賣點，炸豬扒入口香脆，味道唔算太好食但正常水準。鰻魚飯美味，有機來再食。 Avengers 4。

紅磡真係POLY學生既醫肚福地又一間平民價日本野🐷吉列豬扒北海道忌廉飯好大碟呀 忌廉汁既份量同飯簡直一比一😈 完全唔洗擔心唔夠汁撈飯 🌽忌廉汁creamy有香甜粟米味 🐷吉列豬扒夠脆唔油膩$58就有咁大碟 份量十足 食哂好飽肚👅🍤天婦羅飯天婦羅睇落都好吸引 🦐炸蝦好脆唔油膩 🍆茄子一啲都唔乾 🐠仲有比較特別既炸魚 雖然冇天婦羅汁點 但係配上面頭既醬汁 都已經冇咁乾 🍲天婦羅飯仲付有足料既麵豉湯同樣$58就有天婦羅飯好抵👅

一向自稱“漢奸”的我，很喜歡吃日本料理，而且這間聽說是日本人經營的，一直想試了。今日便和我老公去試吓啦，點知好失望囉!一去到門口帶位的那位似上海食舖的亞姐，算吧~ 入面可能好D啦! 點知裏面D環境個 MEUN 好 DIRTY! 我坐的位置望到出餸位，褢面D員工及一個應該是廚師的人，我覺得自己去了茶餐廳啊! 一D吃日本嘢的感覺也沒有!至於D食物~ 我地叫了漢堡扒飯、吉列豬扒北海道忌廉飯及炸天婦羅蝦。漢堡扒飯(跟好淡既麵豉湯) $50幾 - 漢堡扒就OK，但D汁是“吃吉列時用來點的汁”喎， 唔知點解這褢是用來撈飯呢???? 吃完好酸~~~~ 吉列豬扒北海道忌廉飯(冇湯) $58 - 吉列豬扒都可以，忌廉汁都OK，不過D味同我平時在 日式超市買D咖哩磚/忌廉磚自己煮的一樣。* 以上兩樣D價錢都唔值!炸蝦天婦羅 $38 - 這個是最OK了。價錢與質數成正比!所以我不會推薦朋友來吃了~~~~

到三河屋若不想等位, 便要在七時前到逹, 否則一等便是大半小時... 所以今天一下班就到來, 由於已一年多沒光顧, 所以真不知期望什麼, 一入座, 雖然看見佈置及格局沒有變, 但職員卻完全換了, 以往的一些日本人似乎已不再駐場了, 應該是轉了手?!幸好, 食物品質及味道沒變, 這倒沒令我失望, 而且還吃出了回味的記憶呢!是次簡簡單單地點了一客三文魚刺身及吉列豬扒北海道忌廉飯:三文魚的薄切不錯, 份量剛剛好, 但這裡的豉油是異常的鹹, 即使只舔三文魚的一小角, 也鹹得不得了, 而新鮮磨的wasabi就久缺應有的味道, 所以最後都是只吃三文魚, 幸好配菜是有點兒味道的海帶, 襯托起三文魚的味道, 是一個不錯的配撘!另外的吉列豬扒北海道忌廉飯依然不錯, 豬扒的粉漿很薄, 炸起沒有油的怪味; 忌廉汁帶點甜味而不厚身, 不會有太飽脹的感覺, 配以珍珠米, 是很好的選擇!三河屋絕不是暢談歡聚的地方, 它的面積不大, 枱及座位少而且每張之間距離很近, 所以都是一個吃完便要離開的地方, 要不然在外面等候的其他客人便更加是等上加等呢!