沖繩漁民食堂

營業中

休息中

等朋友收工去食晚餐，朋友話平時收工經過已經想試下，咁啱今日又行過就入去食番個晚餐先；呢到細細間，地方光猛坐得舒服，店員又nice 兩個人肚仔餓，所以每人叫咗個套餐我就揀咗「照燒雞扒溫泉蛋飯 $50」跟餐有罐汽水，我揀「雪碧」；有我最愛食嘅流心溫泉蛋，大大隻好滑；照燒雞扒皮脆，肉質軟滑，個照燒汁仲好味道 而朋友就揀咗「吉列豬扒溫泉蛋飯 $50」跟餐有罐汽水，揀「可樂」；勁大塊吉列豬扒已經切開一條條，炸得香脆，肉質嫩滑；朋友話：傳說中嘅溫泉蛋🤭好滑，撈埋個飯食，好正；罐汽水係細罐裝 每人一個套餐，食完已經飽，如果唔夠食，仲可以點小食，有餃子及池魚😋下次再嚟食過👍🏻 沖繩漁民食堂 (油麻地)油麻地新填地街143-151號俊逸豪園地舖 #沖繩漁民食堂 #okinawagyominshokudo #油麻地 #溫泉蛋 #沖繩 #小店 #套餐

之前路經呢間沖繩漁民食堂，見到門面都幾靚，所以今日就嚟咗感受下沖繩嘅簡約食堂。呢度就好似日式小區內嘅小店一樣，選擇不多，食材亦都簡單，有丼飯或讚岐烏冬可供選擇。枱上面放咗七味粉，如果食烏冬就最啱不過啦！照燒雞翼溫泉蛋飯大大碟，女士們其實可以選擇少飯。佢嘅溫泉蛋做得非常出色，用嚟撈飯真係冇得輸。我呢個照燒雞翼溫泉蛋總共有三隻照燒雞翼，雞翼用半煎炸嘅烹煮方法，味道不錯。另外仲叫咗吉列豬扒溫泉蛋飯，飯底同溫泉蛋同前者大致相同。吉列豬扒好大塊，店員已經將豬扒切成條狀，方便食客享用。吉列豬扒不厚不薄，而且唔會有太多脂肪嘅部份。跟餐仲會包埋飲品，可以選擇可樂、雪碧、或者紙包裝甘蔗汁，因為唔太鍾意飲汽水，所以我哋選擇咗甘蔗汁。雖然呢度嘅食物都係好簡單，但亦好似日式小店咁會有簡單嘅擺盤，而且價錢亦都非常相宜，如果想簡單食返一餐，呢度都係一個好選擇。

百老匯電影中心附近有乜食？咦！開咗間新嘢喎！（唔知有幾新，至少我之前未見過啦，哈）個名叫「沖繩漁民食堂」，睇餐牌係日式定食，價錢又唔貴，見佢裝修幾企理乾淨就入去食！主要係食溫泉蛋飯同烏東，價格都係5、60蚊左右，有埋嘢飲又唔貴喎。同老婆一人叫咗個飯，因為要快食，冇叫太多嘢。兩個飯係得個餸唔同啫，吉列豬扒外脆內嫩，唔係硬弸弸嗰啲豬扒，而且調味得幾好，唔駛點醬都已經好好食，加埋美奶滋更好食！照燒雞翼其實係接受半煎炸嘅雞翼，外皮香脆，正！上枱時見到飯上面隻溫泉蛋嘅「動L」嘅已經好開心，哈！最鍾意食蛋撈飯，加上醬油撈埋一齊好滋味！店員（定係老闆娘？）好親切咁招待我哋，可以們晚人唔多啦，間中又同我哋吹兩句水，跟餐個可樂我冇飲（戒甜中），已經埋單去咗門口，佢仲專登走出嚟問我拎唔拎走飲，哈哈！