鳥山名

營業中

休息中

荃灣愉景新城有間甚有人氣既日式料理居酒屋，閒日晚上同周末經常人頭湧湧，大排長龍。提供菜式種類繁多，基本上係講得出既日式料理，例如時令刺身、海膽、生蠔、日本直送和牛，以至清酒同日式料理定食，呢到都可以搵到，一應俱全。所以吸引左好多熱愛唔同類型日本菜既街坊朋友光顧。.同類型店黎計，呢到價格相對親民性價比高。另外，係到可以搵到各類日本季節直送時令食材，甚有誠意。.餐廳有壽司長季節時令推介餐單，定時提供比較少見既海鮮食材：.🔸宮城獨眼龍真蠔 💲88/隻 / 💲250/3隻叫得獨眼龍確實有番多少本事，成隻手掌咁大既真蠔，蠔肉大隻口感清爽，海水味適中，口感Creamy 蠔味突出。食一隻等於食普通幾隻。.🔸北海道紫海膽壽司 💲68北海道紫海膽係6至9月期間最當造，紫海膽味道十分鮮美，甘中帶甜，但甜味比較清。一口食哂大滿足。.🔸石垣貝刺身 💲80石垣貝都係北海道特產之一，8月係盛產季節，最新鮮肥美。連殼上肉質甘甜，口感厚實，質感味道好似象拔蚌刺身。.🔸銀鱈魚西京燒定食 💲187主食點左一客銀鱈魚定食，定食包括有湯、沙津同三款小食，其中一款係甜品抹茶蕨餅。銀鱈魚以西京味噌醃漬，甜而不膩油脂感滿滿，十分好

原來已有兩個月沒來愉景新城，當日和太太在商場逛街，經過這間鳥山名，突然覺得原來開了數年竟然從未光顧過，便提議太太去食晚飯✏️位置: 8/10✏️環境: 9/10✏️衛生: 9/10✏️服務: 8/10✏️食物: 8/10餐廳用上木條子裝修及有不少日式擺設，樓底高，環境寛敞舒適。餐牌上的價格比較合理，食物夠新鮮，味道亦大致不錯🌟吉列黑豚豬扒手打烏冬 - $97先充一下主食，這款吉列黑豚豬扒烏冬的豬扒外脆內軟，細心配上豬扒醬及沙律醬兩款醬料，帶來兩種不同味道。加上手打烏冬爽滑而湯底鮮甜，配合入味的油揚，整體味道不錯🌟安格斯牛肉火鍋 - $130用瓦斯爐上的熱鍋，除了有嫩滑的安格斯牛肉外，有皇帝菜、豆腐、金菇、冬菇、白菜及洋蔥，用料十足且鮮甜味美，值得一試🌟 一口炸走地雞 - $48鮮嫩多汁的炸雞球，配合沙律醬，味道及口感都可以🌟味淋魚翅 - $48雖然魚翅比較硬身，但夠鮮甜入味，伴加入七味粉的沙律醬食味道不差🌟海鰻壽司 - $38蒲燒鰻魚軟滑可口，米飯口感亦不錯🌟活帆立貝壽司（2件） - $78帆立貝大隻鮮甜，推薦之選🌟芝士吉列蝦反卷（4件） - $36太太很喜歡，在香脆的炸蝦反卷中間夾住芝士及紫菜

趁假日，同老婆、姨仔三人行，小弟請睇戲，姨仔請食晏晝飯，原因宦喺老婆生日，搵啲節目賀一賀佢。由於出咗荃灣睇戲，所以，食嘢都揀番荃灣，而餐廳由老婆發辦，幾年前食過「鳥山名」，佢好鍾意呢度嘅銀鱈魚，印象深刻，故此，就一於再訪。佢有心水就最好，唔使我諗得咁煩，「鳥山名」，我都覺得喺明智之選！假期關係，都幾多人幫襯，因為佢哋個場大，眼見啲人一般食完就走，尤其午市，唔會磨爛蓆，所以，翻枱都快，唔喺等好耐就有位。同上次一樣，又喺被安排坐晌「外邊」挨住商場用餐區嘅卡位，而啲卡位就寧舍闊落。餐廳內喺唔同位置，均放置唔少富和風嘅擺設、器皿、酒樽……等等，都增加整體日本風情嘅感覺。枱上調味料嘅器皿，以及茶杯，都好別緻，一派和風風格。晌假日，特設有假日定食，款式非常之多，但當中嘅款式其實晌主餐牌都有，但定價更相宜，而且，奉放刺身或餐飲。然而，定食中喺無銀雪魚，所以，老婆就喺番主餐牌中埋手。吉列黑豚豬扒手打烏冬 $92呢個定食都好豐富架，伴有沙律、前菜、茶碗蒸及甜品，刺身或餐飲嘅選項中，要咗刺身，反正有玄米茶。吉列黑豚豬扒賣相就好對辦，炸得非常金黃，色澤均勻，一口咬落去外層甘香鬆脆卻唔油賺，肉質亦軟腍富肉汁，

今日放左工黎到愉景新城，呢到都好多餐廳，不過日本野就冇乜，呢間餐廳就係玩具XX城隔黎，都唔難搵晚市6點先開始有得食，見佢啲外賣自取都好平，如果買番屋企食都好方便不過今次就約左朋友，所以就揀堂食呢到餐牌都好多野食可以揀，有串燒、壽司、刺身、鍋物、麵食等等，一定揀得啱落單就可以自行掃QR code，慢慢揀全自助好方便吉列黑豚豬扒手打烏冬🍲豬扒炸到脆卜卜，唔會油膩又唔會太乾，而且都幾厚切，仲好細心俾左蛋黃醬同豬扒醬，想食咩醬都得烏冬又滑又彈牙，份量都幾大碗。係讚歧烏冬黎嘅，仲有兩片豆腐乾，加配豬扒食清清地唔會太heavy而每枱都有齊七味粉同醬油，可以隨個人口味而加蒲燒鰻魚玉子反卷可以揀8件或4件，我就想試其他款嘅壽司所以揀左4件試試，玉子都好大舊，同鰻魚一齊食好夾，呢款係佢地嘅推介食品波士頓反卷本身都冇研究波士頓反卷有啲咩餡，原來係有芝士同三文魚，食落口感豐富，芝士大大舊，而且味濃，呢個配搭超級好味蟹棒（美乃滋）呢舊真係大大力推介！燒得好香！加埋蛋黃醬，又香又惹味，食完兩舊都唔夠喉火炙蒲燒鰻魚同樣都係燒得好香，而且鰻魚都幾大塊，我個人鐘意佢地啲火炙壽司，多款又吸引呢到地方都幾大，坐得好舒服，