琥酌 (已結業)

是隔一個月，友人又搵列一間食吉列牛既餐廳同我食！今次呢間位於太子，交通便利！餐廳不算很大，燈光柔和，有bar枱亦有二人枱！我們點了些小食、還有鍋物，當然還有吉列牛！店員先為我們上了前菜！前菜是日式蘿蔔牛腩，兩者都煮得好淋，很入味！白飯魚乾($68)，口感就似食緊薯片咁，很見口，有淡淡的魚味！名古屋雞翼($68)，雞翼既醬汁跟我在名古屋食的差不多，如果雞翼可以再大隻啲會更美味！地獄蕃茄安格斯牛肉鍋($118)，話明係地獄，所以個湯底係辣的，加上蕃茄，所以湯底是酸辣味！牛肉厚薄適中，牛肉味濃！津白菜都有好多，熱辣辣又吸了湯的味道，特別惹味！鍋中還有生雞蛋，令湯底更滑！配埋白飯當湯飯食！安格斯盛合($368)，吉列牛出場了！這裡的吉列牛基本上可以一啖一口，炸粉不多，可以自行煎到自己喜歡的熟度，而個人覺得熟啲個牛會更鬆軟同埋牛肉味會較濃！總括黎講，餐廳主要以吉列牛為主打，但其實鍋物同小食都好樣出色，可以再來！

之前同媽咪食過尖沙咀嗰間琥酌 今次試吓太子呢間先😝 咁耐冇黎 又多咗嘢食喎😯😯 試多幾款先！😋小食我哋就叫咗個 1️⃣宮崎冷蕃茄 2️⃣名古屋雞翼 3️⃣清酒煮蜆1️⃣ 宮崎冷蕃茄 $38冷蕃茄中間軟淋淋 夠哂凍又fresh 食落原來有話梅味😯 有畫龍點睛嘅效果😯 好開胃嘅前菜！2️⃣ 名古屋雞翼 $68炸完都唔會太乾 表面仲有啲汁 味道甜甜地 就正常啦🤔3️⃣ 清酒煮蜆 $88呢個清酒味幾香喎煮得 個湯我哋都飲咗一半😋 蜆肉嘅份量都好多 亦唔會煮得過老 推薦！👍👍食完前菜 見到佢有個鹿兒島A5和牛盛合有和牛刺身 好似好正啊🤤🤤 不過要八百幾蚊👆 我地今晚都係食頂級安格斯牛吉列御膳先啦😛😛 個set有頂級安格斯牛 A5和牛同牛舌各四片 再有一客吉列安格斯牛 都係$368 cp值好似都幾高☺️👍醬汁有三款 左邊係鹽燒汁 中間係岩鹽 右邊係芥茉醬 最好食我就覺得係A5和牛啦 每邊燒15秒左右就食得😋 好有牛味又嫩滑😋 牛舌都唔錯！燒完仲好爽口！😝 最適合配少少岩鹽食！

是日用openrice book左位，但去到因為前一枱人未走，都要等大概15分鐘先入得，但都ok，唔算好耐。地點都好方便，太子站A出口一出行兩步就到啦～一點完菜，佢會俾左果免費前菜先。我諗未必次次果前菜同一樣，而我今日係汁煮牛腩加白同紅蘿蔔。我同朋友每人都有兩舊牛腩，見其他枱都係甘上下。味道不過不失，偏鹹，同埋白蘿蔔好多根，咬唔爛。但免費既都有食下。甘叫左杯特飲，藍蝶花特飲。本來睇圖都期待左一下，以為會好靚。點知一黎就係一杯紫色野飲，好似同圖完全不符。。。不過老實講唔計令人失望既外觀，味道係唔差既。叫左兩個小食，其中一個係明太子玉子燒。甘擺得都幾靚，岩哂相機食先既我。圖片都見到佢啲明太子俾得都好大方，好足料，食落去係一半明太子一半蛋既程度，明太子味好出。蛋都整得岩岩好，唔會太老，配埋側邊柴魚鬆食，味道好夾好好食，推介大家點既小食！另一個叫左既小食係名古屋雞翼。其實唔計端爐燒，佢另一個餐牌上既雞翼小食係明太子雞翼，但果個得兩隻同埋我地玉子燒都係有明太子，免得太重複，就叫左呢個有4隻既名古屋雞翼。甘問左店員話係鹹鹹甜甜醬汁燒出黎既雞翼。食落係偏鹹多啲，燒得岩岩好，唔會好鞋口，汁都好惹味既。