緣屋 札幌元袓蝦湯拉麵 (信德中心)

營業中

休息中

好味指數😋😋😋😋回頭指數 ⭐️⭐️⭐️⭐️開心指數🤗🤗🤗🤗去上環做嘢，因為時間唔多，就去試吓呢間拉麵店。開頭以為得門口見到嘅位置，原來唔係，入面仲有唔少檯嘅。🍴味噌蝦濃湯拉麵（$78）呢個係店入面最有人氣嘅拉麵，作為唔常食拉麵嘅我，因為冇咩特別取向，就直接點呢款，拉麵揀咗正常硬度。等咗10分鐘鬆D 拉麵嚟啦，碗麵嘅大細係正常，有一片叉燒、半隻溏心蛋、一堆櫻花蝦、兩條粟米仔。我第一件事係試櫻花蝦，數量上幾慷慨，放響面冇濕嘅仲有少少脆口感。跟住試吓個湯底先，質感好厚，一啖飲落去有好香濃蝦味，亦都飲到有味噌嘅味道；拉麵好彈牙，因為湯可以掛上麵身，就咁食都有蝦味；將櫻花蝦 + 拉麵 + 湯一齊食，會再增加咗蝦味。叉燒、溏心蛋正常發揮，蝦濃湯到中後段會感覺到少少咸，尤其凈飲湯底嘅時候，不過我都飲咗半碗😂整體上個拉麵係好食嘅～因為之前試過被大肆宣傳「過江龍」字眼誤導，今次又上網搵吓資料先，雜誌鱔稿：「來自北海道札幌，首創蝦濃湯拉麵，於1999年新橫濱拉麵博物館舉行的比賽中，打敗其餘344名參加者，勇奪第二名...」開頭，我都諗緊又係咪會中伏又響度扮過江龍，後尾我係的確地搵到「元祖海老そば」係響北海道札幌有

今日好想食拉麵，於是就去咗上環緣屋食～～～我係蝦湯底愛好者^^見佢個味增蝦拉麵係人氣推介就一於試吓啦！！味噌蝦拉麵- 湯底非常濃郁^^眼見好多櫻花蝦但係冇乜蝦味😣😣糖心蛋係正常好食～～叉燒普普通通啦，多兩塊會更好～😇值得一讚嘅係佢嘅面底有得揀軟硬度～咁啱我篇好偏硬嘅面底，所以好自然咁揀咗硬底🥰🥰真係覺得硬底好食好多^^但係食食吓好搞笑嘅係有啲面仲未煮開，仲係一舊麵痴埋🤣😅😅😅 呢度可能扣咗少少分～但用返筷子撩吓佢都冇咩問題嘅～⬇️跟住都嗌咗個火灸味增蝦拉麵～呢個貴味噌蝦拉麵$10，但係火灸過嘅味增湯果然香口好多🤪味道亦都更加有層次感😻 ⬇️小食嗌左芝士年糕～～ 芝士年糕嚟到嗰陣係微暖嘅，本來期待入邊啲芝士係流心，現實係都有少少流心嘅，可能係因為微暖嘅關係啦 但係成個年糕都有咬口係好食嘅，亦都有芝士香味推介‼️‼️

店舖嘅廚房係開放式嘅 望住師傅好有工序咁整拉麵 每碗拉麵都係獨立製作 由湯底做起 然後煮麵 最後加上唔同嘅配料 成個過程又認真又衛生🙊▫️ 迷你明太子丼($42）微微辛辣嘅明太子 可以話係日本嘅國民美食😍 無論係撈飯定撈麵都一樣咁夾🤤 明太子丼配上芝麻紫菜同蔥 另成個飯冇咁單調又冇咁漏😝▪️ 明太子油麵 ($88)粗面質感爽滑彈牙 油面底有少少醬料魚介味香濃 撈埋明太子沙律醬同蒜蓉一齊食 出奇地好夾🥰明太子令味道更加突出更加惹味😆▫️味噌蝦濃湯拉麵($78)用鮮蝦熬製嘅湯底又濃又入味 拉麵煮得剛剛好 唔會過硬或過淋 而且掛湯力高😋 配埋櫻花蝦糖心蛋同叉燒一齊食 實在係perfect☺

比較少見的蝦湯拉麵 所以好期待味道如何點咗味噌蝦濃湯拉麵的湯底真係充滿蝦味😍加上滿滿的櫻花蝦令到成碗拉麵的蝦味更加濃烈 另外麵都煮得岩岩好 麵質都掛到少少湯😋😋 對於第一次嘗試蝦湯拉麵的我覺得係一個幾唔錯的組合 而且有驚喜😌😌有興趣蝦湯的朋友可以一試☺️

今日難得放假，過開中上環決定夜晚同男朋友係附近發掘下新野食。誤打誤撞上網搵到呢間拉麵店，估都估唔到原來係信德中心入面藏住呢間咁出色既拉麵店。我地行左一陣先搵到間店係starbucks隔離，一入到去人唔算多。呢度除左推介既蝦濃湯之外，都仲有其他口味，但我同男朋友一心就係想試個蝦湯。我就好貪心咁叫左個味噌蝦濃湯拉麵，因為見個menu有🦐🦐🦐🦐🦐先飲湯，個湯既蝦味真係超級濃郁🤩 連埋個味噌味，飲落無表面望落咁油膩。男朋友就叫左個醬油蝦濃湯拉麵，呢個只有🦐🦐🦐，但其實都係好重蝦既鮮味😋😋 佢最後仲飲哂成碗湯😂我地仲叫左個小食，炸日本赤蝦，兩個人食個份量岩岩好，啲赤蝦細細隻，連殼炸到好脆，雖然細隻但都好明顯食到蝦肉，炸粉亦都唔係好厚😋總結呢間拉麵店真係好高質，個蝦湯真係好出色，一定會再encore👍🏻

今日過左上環探朋友，佢知我鐘意食日本野所以帶我去食呢間蝦湯拉麵店呢間過江龍拉麵店嘅老店係北海道，係首間蝦湯底嘅拉麵舖😲緣屋炸蝦雲吞 $30炸雲吞外型無咩特別，但入口好脆，饀料鹹度適中，蝦肉量十足仲勁彈牙👍🏻👍🏻推介x1和風芝士年糕 $30芝士年糕係我好鐘意嘅小食，味道同平時食到嘅無分別，但有一點好特別：就係年糕底面是香烤的，但四週好似棉花咁軟棉棉的，口感好正😍味噌蝦濃湯拉麵 $78既然係招牌拉麵，我梗係唔執輸叫返碗試下啦！食麵前先試一口湯，嘩！湯底好濃嘅蝦味同味噌好夾，啱晒我口味😆湯汁唔會太稀，可以做到掛麵，配上粗身嘅拉麵，好有口感。而且拉麵好大碗😋三文魚子蟹肉丼 $108出面舖頭嘅配搭通常係三文魚配三文魚子嘅親子丼，三文魚子配拆好嘅蟹肉丼真係第一次見。見到menu張相咁吸引，梗係要食啦！野食一上，原來係定食仲有一碗味噌湯😄三文魚子同蟹肉勁多，滿滿的舖係飯面。魚子鹹鹹地好好味，蟹肉唔似雪場蟹咁甜但鮮味十足，再配埋跟餐的柚子汁，真係好好味🤤🤤🤤推介x2

拉麵是令人百吃不厭的菜式因為湯底、配料、麵條等的變化實在太多上環的這家餐廳是來自北海道札幌，曾在拉麵博物館特別企劃比賽中，用招牌湯底- 蝦濃湯 取得第二名！實在讓人十分期待😍————————————————————1️⃣ 味噌蝦濃湯拉麵 |$78 (😋3.9/5)我們另加了一份味蛋 (+$12) 和 三塊叉燒 (+$28) 湯底的質地不算非常稠密但非常鮮味！！🦐蝦味好濃味噌的味道配合得剛好，不會太咸或太重口味叉燒夠滑夠淋，適合我呢個箍牙妹🙊溏心蛋很入味把流心的蛋黃慢慢啜入口，十分滋味🤤拉麵的硬度可選：軟、正常、硬這次點選了硬的質地但吃入口並不會過硬，反而有彈性👍🏻.2️⃣ 緣屋炸蝦雲吞 |$30 (😋3.7/5)一份有四粒炸雲吞 配有沙律醬有趣的外貌，像是一個福袋 💰咬下去發現，原來整個漲卜卜的位置包裹著一大隻蝦！🍤蝦十分爽口鮮味，配上外層脆口的雲吞皮口感十分豐富，味道也很不錯！.3️⃣ 乳酪蝦多士 |$38 (😋3.7/5)鬆脆的多士上，放上蝦和乳酪 本以為會有點奇怪，但咬下去發現完全不會！甜甜的乳酪帶點微酸，如檸檬汁的作用帶岀了蝦多士的鮮味 😛 一份有三塊，同朋友分享一流.4️⃣ 忌廉粟米薯餅 |

今日去開上環附近，諗起信德中心開咗間緣屋札幌元祖蝦湯拉麵，就走咗去試下。中午時份12:30到達，門口大約有20人等緊位，等左20-30分鐘入坐。今次試咗味噌蝦濃湯拉麵同唐揚炸雞。拉麵湯底很濃，但沒有太鹹的感覺。份量適中，有大量櫻花蝦、一塊叉燒、半隻味蛋同兩條粟米芯，$78+10%一碗算係抵食，如果再多一塊叉燒就完美了。唐揚雞即叫即炸，大細適中 ($38+10%)！值得再去！下次會試吓辣味噌蝦濃湯拉麵。

今天來朝聖來自北海道的蝦湯拉麵在日本極具人氣與一幻平起平坐以蝦湯拉麵作基底再配上醬油鹽或味噌甫上枱就聞到非常濃郁的蝦鮮味麵條是北海道常見的曲身麵叉燒肉質軟嫩豬肉味十分濃肥瘦相間入口有甘香脂肪香比較特別的是配有兩條粟米芯點了味噌蝦濃湯和醬油蝦濃湯味噌口味層次豐富醬油比較濃厚另追加味付玉子一隻溏心效果出色小食點了櫻花蝦唐揚炸雞和煎餃子煎餃子普普通通沒什麼花款炸雞能做到外脆內軟有肉汁是在日本當地做出的水準服務方面也能做到日式的體貼服務

朋友上半年去左加拿大做交流生，佢話嗰邊既拉麵勁軟腍完全唔掂，發現香港既其實已經係好唔錯，所以呢日佢一返到黎，就急不及待約左去食拉麵補返數😂呢間拉麵店主打七款蝦湯同兩款非蝦湯既，仲要唔少蝦既小食👻▪️火炙味噌蝦濃湯拉麵（7.5/10）💲88飲落個湯底質感偏向濃稠，有住陣陣既火炙味，蝦味相對地無咁重，但係加上左大量香口既櫻花蝦搭救成功🌸叉燒肥瘦均勻，入口都幾軟腍☺️溏心蛋滷得唔係好夠入味，幸好個流心效果就做得唔錯🥚粗身曲麵係比較硬身，頗為有韌性同彈牙，掛湯力亦都幾好既，啱好合我心意，唯獨係去到最尾可能會有少許膩🤤▪️ 味噌蝦濃湯拉麵（7/10）💲78偷試左一啖朋友既湯底，感覺蝦味比起我嗰個更為香濃突出啲，而且質感無咁稠身，不過掛湯力無咁強烈，同埋油份會比較多，其他都無咩大分別🙈▪️煎蝦餃子（7/10）💲33呢度有煎蝦餃子同埋煎餃子揀，蝦出名咁梗係要有蝦既🤪面頭加左啲櫻花蝦，餃子底部脆脆地，皮就比較薄身，食落個餡有少少蝦膠，亦都唔會話乾身👌🏻🔎 整體評分（7/10）

今日同朋友去試咗哩間食蝦為主嘅餐廳我哋總共嗌咗4樣野食1)味噌蝦濃湯拉麵，2）緣屋原味味噌拉麵，3）唐揚炸雞，4）原味乳酸梳打味噌蝦濃湯拉麵湯底方面， 係香濃嘅蝦湯味，應該用咗足料嘅蝦去煲，另外再加上櫻花蝦，令蝦味更提升一個層次。本身櫻花蝦都帶點油，令到個湯都充滿蝦油，食得濃味嘅朋友可以試試。麵質比較硬身，豐有彈性，唔會因爲吸引收湯而變太得軟緣屋原味味噌拉麵湯底方面，味噌味唔係太重，反而覺得比較偏油麵質同味噌蝦濃湯拉麵一樣成碗拉麵只得一塊叉燒，叉燒係正常嘅。佢嘅獨特之處，就係有少少豚肉粒去豐富返個口感唐揚炸雞一碟大約有5-6粒，炸得幾好，雞肉仲保留到佢嘅肉汁好juicy ,會建議襯熱食，凍咗始終個味道差少少

去港澳碼頭送個澳門朋友船，朋友諗住食埋飯先上船，就揾咗呢間嚟自北海道嘅拉麵店呢到啲裝修都幾日式，鋪面大而且啲位幾闊 水係冰水嚟呢到嘅拉麵主打嘅係海老蝦湯底，我叫咗味噌蝦湯底而朋友叫咗醬油蝦湯底味噌同埋蝦湯果然係最佳嘅配搭 濃濃香香麵豉味同埋甜蝦湯嘅甘甜味道混埋一齊 有一種甘芳醇厚嘅味道 仲擺左啲櫻花蝦，個麵係粗面啦，麥味夠而且非常掛湯，一流叉燒肥瘦比例啱啱好，有油香仲幾有咬口 溏心蛋蛋味香，個蛋黃夠流心，唔錯呢款醬油湯底嘅拉麵係我朋友叫嘅 所以我靜係試過佢啲湯，醬油嘅甜咸味道同蝦湯嘅出奇地夾，都好出色小食叫咗2款，分別係粟米餅同埋蝦多士，講下粟米餅先，個外皮係炸嘅，夠晒香脆，入面係甜甜地嘅忌廉粟米蓉嚟，記得一定搽小小牛油係面仲要等佢溶咗先食，會香好多同好食好多蝦多士個蝦膠夠晒入味，同炸過嘅多士皮食個種混合香脆嘅口感同蝦嘅味道真係好正 我唔點沙律醬都覺得好好食

信德中心一向我以為都係得連鎖餐廳，點知今日行過竟然見到黎自北海道嘅緣屋蝦湯拉麵！終於唔使去北海道先食到啦！拉麵選擇都幾多，唔係蝦湯嘅都有，岩哂唔食海鮮嘅同事先黎一碟蝦多士，咬落超香脆，仲充滿蝦膠係上面，係perfect嘅餐前點心！原本超食得辣嘅同事見到餐牌寫呢一個拉麵有五隻辣椒都淆底，我同佢講其實日本野唔辣得去邊不出我所料一食落去佢即刻「唓」，同譚仔小辣差唔多呢碗拉麵特別在於佢比較似韓國拉麵，因為入面嘅肉係用左豬肉片，唔係日式叉燒，仲叫人加半碗飯一齊食，完全係韓國style我就叫左呢個蝦濃湯味噌拉麵，好鐘意呢種粗粗地嘅拉麵，蝦味好濃好香，溏心蛋好好味，叉燒肥瘦適中，整體都出色拉麵黎講真係算抵食，唔加野的話唔使90蚊其實真係ok👍🏻

我地好少係香港食拉麵，呢間開左以黎，我地已經去試第三次試埋佢第5，6款拉麵 (之前無係呢到打食評既習慣，係最近先開始，見都唔係太遠古，就連今日一齊放),佢麵質唔錯，好彈牙爽口都做到好balance, 湯就見人見智啦～問心，我地未試過咁短時間，咁樣去試一間食肆... 佢好似有7款拉麵，我地今日去第三次去試XD我地食左3次都覺得第一次食係最好食既，我就話可能之後我地補期望，但肯定第二次食既，係最唔好食既... 所以我地決定去第四次再試番第一，二碗睇下係咪都仲覺得好食XD 又或者去試埋第七款同"原味拉麵"

平時成日覺得信德中心冇乜嘢好食，點知最近發現開咗間新嘅日本過江龍拉麵，身為拉麵之鬼嘅我當然要試吓。店內環境幾大，其他枱坐滿晒人要坐bar枱，食拉麵嘅時候睇住廚師一路煮都係一種享受嚟嘅。枱面有唔同配料，我最鍾意係個蒜醬，加埋落個拉麵令個湯底更加豐富。首先上菜嘅就係蝦多士，炸得酥脆可口，有少少油膩，蝦肉彈牙，食落口感好豐富。朋友叫咗個人氣既味噌蝦濃湯拉麵，我試左一下湯頭果然蝦味濃郁，帶有濃濃海鮮香，拉麵嘅配料就有叉燒糖心蛋櫻花蝦同玉米仔，非常豐富。我就叫咗個火炙味增蝦濃湯拉麵，火炙壽司就成日食，火炙味既湯頭真係第一次試。湯頭食落比朋友個碗既更有焦香，火候十足，係從來未係拉麵食過嘅新鮮感。半肥瘦嘅叉燒肉質亦都唔錯，採用既粗麵幾彈牙，配合到突出嘅湯頭。總括而言呢兩碗都算係比較濃郁嘅拉麵，我同朋友都係比較重口味嘅人，所以我哋都非常滿意。