木槇料理 (已結業)

我胃口唔太好，本來想散叫，食啲刺身拼盤，飲吓酒，都好滿足啊。但係女友人話要食多啲，又唔想咁煩諗啲乜，就叫二人前啦。QRE 呢邊夜晚比較清淨，咁就啱我，太嘈就影響食慾丫嘛。先嚟杯梅酒飲吓，醒一醒胃先。和風野菜沙律，蔬菜好新鮮架，但係我嫌佢地好少沙律醬汁啫。瞬間燻製三文魚，因為我拍咗片影住啲煙出，所以冇相。三文魚好嫩，好香煙味呀。枝豆女友人叫，暖暖地又有啲鹽喺面，佐酒一流。鹽燒鯖魚，鹽好均勻分布喺鯖魚上面，肉質結實，皮香。鮪魚壽司盛，手卷同軍艦都係鮪魚蓉，壽司就係一塊厚厚嘅鮪魚，都好食架。鐵板厚切牛舌，牛舌好厚好嫩，個汁夠嘢未。大蜆味噌湯，可能食得太多味濃嘅嘢，感覺個湯好清，但都有少甜。海膽沙飯，普普通通啦。杏汁豆腐，好滑好香杏味，抹茶奶凍就冇咁滑但都有抹茶香，睇自己鍾意啦。

契媽喺離港前，相約幾位auntie午聚，為咗要就小肥同Auntie J返工，地點一早已定為灣仔。由於大家都想轉換吓環境，試吓區內o既新餐廳，結果就任細佬揸fit，揀咗一間開業只有幾個禮拜o既「木槇料理」。「木槇」位於灣仔飲食大樓QRE Plaza內，午市時間大廈升降機門前例必排滿人龍，XO仔1點前到步，都要等成兩三個字先上到28樓 。細佬經常喺度出沒，早就估到會有所延誤，故亦預早經哥哥落定單。「木槇」全層爆滿，門外亦企有食客等位，幸好auntie們早到，我地又訂咗位，一行七人被安排入座近窗o既卡位。除咗有景睇，仲有盆栽作伴，位置都幾闊落，不過餐桌明顯地過高，進食時感覺有少少吊手。樓面其實都幾多伙計，不過個個都好忙，要搵人加茶或叫飲品都要等一陣。「木槇」用上五角形筷子 ，大肥爸爸見到必定會大讚餐廳有文化。大部份午市套餐都包有和風野菜沙律及日式蒸蛋或三文魚刺身。小肥杯茶碗蒸清甜香滑。野菜沙律好爽脆，芝麻醬亦非常討好，個人最欣賞甜甜o既粟米粒粒 。「木槇壽司刺身定食」實物同餐牌上幅相一模一樣。兩隻生蝦，一紅一藍，爽脆鮮甜。除咗蝦隻，木盤上仲有其他刺身，包括甜濃o既海膽、肥潤o既油甘魚、