億饍 (已結業)

跟朋友嚟咗呢間樓上餐廳，第一個印象，估唔到竟然咁旺場，幾乎全場爆滿，心諗🤔，有乜嘢過人之處呢？看看餐牌，選擇非常之多，無論中菜🥢、越南🇻🇳菜、泰國🇹🇭菜都有，簡單來説就是多國菜。馬拉盞炒通菜，入味又惹味，不咸不淡，越食越想食炸蝦餅撈檬，大大碗份量足，金黃的炸蝦🍤餅好大件，有六、七片之多，兼好彈牙及有蝦味檬粉爽身彈牙，加上特別醬汁，美味又開胃軟殻蟹🦀️牛油果🥑卷，十分精緻，顏色配搭賣相吸引，軟殻蟹配上牛油果🥑特別夾，青瓜疏菜爽口又健康，多食也不怕胖咖哩牛筋腩煲更是我至愛，特別嫰滑的牛筋部分，入口即化的感覺好享受，牛腩部分亦充滿肉香，送上一碗白米飯🍚更是完美桂花BB鴿，不同一般的炸乳鴿，淡淡的桂花香滲透在嫰滑的BB鴿肉中，不經油炸，零捨不同

諗唔到食咩菜會黎億鱔，依到咩菜都有！越南菜， 泰菜， 粵菜等， 集東南亞於大成地方大，坐位寛落香芒大蝦蟹肉炒飯$118足料夠份量既一個炒飯， 足以喂飽 3 個人既胃啊！香甜既芒果蓋在飯上，果香由上而下滲透，蟹肉炒飯，鮮！甜！ 香！另外一提， 炒飯最緊要炒得乾身， 飯粒分明✨呢到既炒野唔錯👍值得一讚！咖哩牛筋腩煲$108咖哩好有港色風味， 比較厚身但唔會糊口，我地叫左蒜蓉包配黎食；牛腩牛筋燜得相當淋身， 絕對唔痴牙法式蒜蓉包$55厚厚一層牛油再加蒜蓉，份量都幾多烤牛肉湯河$62牛肉既選材唔差，無柴皮感，反而仲有d 爽口。厚薄度剛剛好。 醬汁味道好濃， 襯埋湯河，配合得宜。 椒鹽軟殼蟹$108對於椒鹽控既我， 有大量椒鹽同炸蒜簡直係無得頂！軟殼蟹較細隻， 但反而因為咁會 炸得通透， 亦唔會炸老， 好嫩！ 炸皮唔太厚， 食落酥脆，不錯不錯！

星期四放工後同幾位友人相聚來到旺角億饎，這間餐廳是港式X越式的fusion 菜，叫幾味小炒好適合同三五知己相聚一刻。越式拼盤 ($188)，份量大大份岩哂4個人食時叫，包括有炸春卷、蒸粉包、蒸札肉片、燻蹄、烤豬肉蝦片及濱海，旁邊有D香蔥和蒜粒，喜歡食得濃味D可以加上，成個拼盤好豐富，每樣2件，Share黎食岩岩好。咖哩牛筋腩煲 ($108)，店員送上枱上時熱辣辣，一打開煲蓋就聞到好香的咖哩味，成煲都有好多的牛筋腩和薯仔，牛筋腩煮得好淋身，咖哩又香濃。我地另加了法式蒜蓉包 ($55) ，蒜蓉包焗得香脆軟熟，用黎配上咖哩一齊食，的確是不錯的配搭。椒鹽軟殼蟹 ($108)，這個很有港式避風塘特式風味的特式小食，軟殼蟹炸得熱辣辣又脆卜卜，椒鹽和洋蔥味都幾濃味，而且份量都幾多。鮮炒蝦醬炒通菜 ($72)，通菜充滿住濃味的蝦醬和蒜香味，炒得十分入味。原個菠蘿炒飯($118)，成個飯有好多鮮魷和菠蘿粒，菠蘿粒帶點甜味，原個菠蘿大大個，份量十足又足料。

雖然遲左兩日，不過都要趁呢個熱潮同老友一齊屠龍，今日約埋老友兩個人收工到信和一齊攞之前訂左嘅GAME順便買埋呢期熱爆嘅GAME，之後一齊行去油麻地搵食，經過譽發廣場時睇到呢度開左一間多國嘅FUSION菜店，除左有老友好鍾意食嘅越南菜式外，仲有我最愛嘅龍蝦食，所以我地就決定去呢間億饍刷返餐。億饍係譽發廣場4樓 ，餐廳裝修嘅有西餐廳感覺，桌椅又似中式私房菜館，餐廳唔大間，我地7點半左右到雖然唔駛等位，不過客人都幾多。菜單設計簡約，但菜式選擇非常多，除左東南亞菜式、中菜，另外仲有燉湯選擇。我地點左$328嘅龍蝦孖寶，跟餐揀左咖哩牛筋腩，兩個人應該夠食，不過見到隔離枱嘅蝦餅好吸引，我地都忌唔住點左一份。泰式鮮炸蝦餅($68)呢個炸蝦餅好彈牙，而且外層香脆，沾上泰式辣醬非常惹味，而且$68咁大份，性價比都幾高。龍蝦孖寶($328)避風塘野生辣龍蝦野生龍蝦我地揀左少辣，配合避風塘製法，咸香之中帶點微辣，非常美味，而且野生龍蝦特別有彈性，入口鮮甜爽彈，我地兩個都食得好滋味。咖哩牛筋腩煲牛筋份量好多，咖哩唔會太辣，配油飯食味道好配。油飯($18)埋單每位$230，價錢合理。

提起越南菜，筆者第一時間會想起蒜蓉牛油雞翼和生熟牛肉湯河，當中的蒜蓉牛油雞翼更是筆者的至愛，還記得年少時在銅鑼灣景隆街第一次嘗到這道馳名的越南菜式，濃得化不開的蒜蓉和牛油香，加上那種酥脆惹味的口感，讓筆者不自覺已深深愛上了它，不時都會去回味一番，可惜後來那老舖因不敵加租壓力而結業，往後也很少能再嘗到這種濃郁的美味了。最近和朋友到了油麻地覓食，在網絡搜尋的幫助下，偶然發現位於彌敦道譽發商業大廈內的一間多國菜館，乘電梯到達4樓，一出門已見到餐廳的用餐區，店內裝修時尚中帶點中式古典味，環境氣氛怡人，枱與枱之間雖不太闊落但仍算坐得舒適，除了室內用餐區，原來室外還有倘大的平台，自成一角，放有帳篷和數張餐桌，讓喜歡戶外的朋友，望著鬧市的街景，吹吹自然風享受一下悠然一刻，另有一番風味。當然亦方便了吸煙的朋友，食飽飯可出外呼吸一下，但始終吸煙危害健康，還是少食為妙。打開餐牌，即見到餐廳對客人的鄭重承諾，保證這店的出品，全不含味精或防腐劑，讓客人食得安心放心。餐牌內主要都是越南／泰國菜式，但亦有提供一些中式燉湯，如上湯黑排翅，或花旗參烏雞排骨燉湯；當中更有不同風味的手打蒸肉餅和避風塘龍蝦，選擇頗多，令人

記得好多年前係屋企附近有一間好細既私房泰國菜，果陣一放學就會想去果到買碗熱騰騰既冬陰公湯。當昤只有13 14歲既我只係初初接觸泰國菜。因為屋企窮好少機會可以出去食飯。仲依稀記得只係賣緊39蚊一碗既湯，已經係我十日零用錢既一半。但足以給我滿滿的幸福感。長大左果間私房既泰國菜已經唔再存在，果位我來至泰國既老板娘同廚子都音訊杳然。要知道，當時無facebook無ig無wtsapp無wechat。要消失真係好容易。對於可以食返當時既味道既呢種期盼，我唔敢有。因為好多野都係係青春中失去而你又無法留住或者再次擁有。我對冬陰公湯係有幾執著，我諗外人唔會明。就好似你唔係皮膚差係唔會明一支遮瑕度高又夠透明既粉底液係有幾重要。所以今次介紹既係令我非常非常有feel既一間泰式餐廳。一間可以俾我兒時感覺既餐廳。先俾大家睇睇入面環境先。(d燈好靚，真係想問一句你是來至月球的人嗎? )億饍位於彌敦道譽發商業大廈。夠就腳。4樓一出電梯就係。呢度既員工雖然唔係泰國人，但就好似泰國人咁熱情。一上坐佢地已經立即送上暖茶比我地暖暖胃。除左呢d之外仲有好多其他選擇。不過我都係老土.......冬陰公湯。冬陰公湯用料多，係多到