澳門翠苑餐廳

營業中

休息中

看到這麼多好評，就當然是衝著咖哩農夫包而來。食店位於旺角熟食中心，即是Food Court形式，全場座位任坐，到食店點餐後，會給你一個號碼牌，及詢問你坐的位置。咖哩牛腩農夫包餐基本上5分鐘都已經送上餐來，近看農夫包真的很大呢！有牛尾湯、農夫包、飲品，只需$60，太抵了！隨餐還附上了一對膠手套，算是貼心吧。咖哩是不辣的 (很微辣)，我超喜歡，因為我吃不到辣，所以這個超微辣度就剛剛好了呢！但吃辣的人會覺得不好吃嗎？；牛腩，正確一點是牛筋腩，筋腩比例簡直是1:1；農夫包外脆內軟，熱呼呼的，沾上咖哩汁超好吃。咖哩可以配飯、薄餅 (意粉本小姐不喜歡)，但配上外脆內軟的農夫包，我認為是最好的配搭！包比飯更能鎖住汁，又比薄餅鬆軟，口感更佳。其實旺角熟食中心好多平價食店，下次要再試試其他才行！

大前日(13-3-2015 Fri)同男友離開銅鑼灣後返旺角join女友人DC,LPK同佢老公CTS一齊食晚飯,我同男友先到,上到o黎至知係food court形式,我o地先罷位等,終於等到齊人.我o地買o左:3. 廈門炒米餐呢個味道偏甜冇酸味,汁係o岩o岩掛係米粉上.1. 咖哩牛腩農夫包餐LPK同我一樣食唔到辣,男友買o既時候問有冇得揀辣度?老闆娘話冇,但都要試啦,因為我o地係為呢樣而o黎嘛. o黎到時見到佢o地用錫紙包住,亞姐話要趁熱食,咁我o地唔打開住,因DC未到,到o左我o地至打開食得.個包外面好脆,牛腩好腍,咖哩汁辣辣地,我只可以加少少落麵包o度食,牛腩份量唔多,呢個個個食都讚. 2. 雜扒鐵板餐呢個係CTS o既,混亂中,我只食少少薯條,其他冇食過.4. 豬扒包唔太大件,內裡冇其他配料,睇落好乾,但食落,豬扒唔乾幾juicy,咁又唔係差喎. 5. 葡式咖哩海鮮飯餐呢個係DC買o既,我食到o既海鮮就只係魚,而我竟然食到辣味,但DC同男友話冇.奇,其實我個碗唔係有好多農夫包o既咖哩汁.飲品:我要熱檸水,呢個冇問題.而湯呢,我同男友share羅宋湯,呢個亦冇乜酸,甜甜地,

上星期某日, 師傅單拖走左去睇 “唐山大地震”, 點解單拖? 皆因唔係個個都鍾意睇人生悲劇嘛; 於是師傅離開監房後, 見仲有段時間先開場, 於是就諗下有咩好食呢? 忽然間醒起呢度有間食店都幾出位下, 加上師傅從未試過, 於是便一支箭咁直去目的地!抵達後師傅都要搵下邊間係, 幸好原來一入門口第一間食店就已經係, 於是就企喺度望下咩好食啦, 最後師傅竟然比個快餐吸引住, 快餐係咩呢? 咪係師傅最鍾意食嘅黑椒飯囉, 而是次係黑椒鴛鴦扒飯, 於是就埋去買飛, 買飛其間師傅覺得冇咩理由黎呢度食黑椒鴛鴦扒飯喎, 話晒呢間食店出名係農夫包, 於是就柯打個咖哩牛腩農夫包, 點知要餐同唔要餐都係爭五蚊雞, 但多五蚊雞就多個湯同埋餐飲, 喺唔好蝕底嘅情況下, 於是師傅就前後柯打左兩個餐喇!落完單攞番牌仔, 再去搵個位坐底, 之後就會有人捧餐, 唔使自己捧有招呼, 師傅當然加分啦; 兩個餐一先一後登場, 話明快餐當然最快啦, 於是師傅即刻開餐! 快餐有餐湯同飲品, 餐湯係中湯, 師傅唔記得係咩湯, 不過就幾記得個味道, 味道頗濃而且有多少味精, 師傅飲左兩啖已經冇飲喇; 而黑椒鴛鴦扒飯有豬扒同雞扒各一塊

今曰特登黎試個農夫包試完一個字"" 掂 !!!!!!!!!!!!!!!!我叫左個咖哩牛腩農夫飽 ..個農夫包真係好脆好好食 ...外脆內軟..d牛腩又好淋好入味 ,,加埋佢r咖哩汁真係一流 ..咖啡ok ..但係個湯就好稀,麻麻地..

五月廿四日(六)今晚晚餐決定左去翠苑度食農夫包，其實都想試左好耐，今日先真正決定去食～去到發覺比中午多左好多人食農夫包，個人覺得裏面十個有九個都係睇OR得知由於個場都係滿人，搭左一張四人枱座～ 　叫左一個咖哩牛腩農夫包餐～咖哩牛腩農夫包餐($43), (紅荳冰+$3)咖哩牛腩農夫包賣相真係好吸引，鍚紙包住農夫包非常新鮮感覺，而且用手套搣黎食亦都幾特別。開始先食個蓋，非常香脆，配合咖哩汁亦好味，再試試牛腩，起初幾舊ok算淋，合計約7舊，但有兩舊體積較大既非常硬，唔太咬得開～　整個包黎講有邊既地方都幾好食，但個包實在太大，中間有d位無邊就無左香脆口感。咖哩汁方面，個人覺得只係普普通通，一般茶餐廳貨式而已，唔見有過人之處，不小地方既咖哩比佢好味，而且食完都幾口乾。尼個包主要都係食佢既特式，但好耐之前已經係樂富食過咖哩蟹咖哩點焗法國麵包，麵包點咖哩對我來說不是新奇的事，小了一種新鮮覺～餐湯用料幾足，濃度夠，不失為一碗好餐湯，亦適合中和咖哩～紅荳冰因為唔飲咖啡所以叫紅荳，只+$3比要擰茶檸水抵，質素都唔差，紅豆俾得幾足，味道幾好，紅荳唔算太淋但都ok，較多冰～整體黎講最高質素係個包，饀料黎講真係

翠苑ge茄牛湯粉真係百吃不厭，我已經唔係第一次食，依然覺得好好食，令我忍唔住要上嚟寫吓好評俾佢。嗰日同朋友叫咗2個set，一個係蕃茄牛柳粒湯螺絲粉轉豬扒包餐，另一個係咖哩牛腩農夫包餐。1) 蕃茄牛柳粒湯螺絲粉餐：首先講吓個茄牛湯粉，平時佢係俾通粉架，唔知點解嗰日轉咗螺絲粉，一樣咁好味，個湯好有鮮茄味，加埋啲牛柳粒，更加帶出湯ge鮮味，同埋見到啲茄油浮晒上面就知個湯都應該煲咗唔少時間，所以先有咁好味，而且食完唔會覺得口渴，應該無咩味精，通常我都會食完啲粉再飲埋個湯；我地加錢轉咗豬扒包，個包脆卜卜，塊豬扒好"林"，加埋夾咗洋蔥(洋蔥係炒過的)，又香又鮮甜；金牌凍咖啡，喺冰上再灑上一啲咖啡粉，令成杯咖啡更香濃，個樣又吸引啲，一個字－"正"!!2) 咖哩牛腩農夫包餐：農夫包外脆內軟, 麵包質感夠"煙un", 咖哩牛腩又炆得夠"林"，啲咖哩汁好好味，唔太辣，用嚟點麵包食一流，不過個農夫包size真係大咗啲，最好多啲人share會好啲；個蕃茄湯其實同湯粉嗰個湯底差唔多，都係咁好味，咁有茄味。雖然環境就麻麻地架啦，尚算坐得舒服同埋乾淨，而且勝在夠平夠抵食，我一定會再繼續幫襯。