清真牛肉館 (龍崗道) (已結業)

晚上同家人一齊食飯，要搵一個停車方便的地方不易，九龍城是一個好選。來過很多次，必點的絕對是牛肉餅，今日人多可以多叫幾款不同的餸，點了一個蔥爆牛肉，我吃蔥比吃牛肉還多，賽螃蟹的質感鮮明，不過吃了很有罪惡感唯一讓我失望的是小籠包只能在打鼓嶺道店才有，下次一定要去打鼓嶺道店店面不大，，服務很好，吃完也不會有被趕走的感覺

今晚我們探完表姐同啱啱出世嘅表姨甥之後，同大姨媽一齊去咗九龍城龍崗道嘅「清真牛肉館」食晚飯！我們叫咗咖哩牛腩一上碟嗰陣，濃郁嘅咖哩汁味道已經香氣撲鼻，味道調教得相當出色，有好香濃嘅咖哩香味，我們用啲咖哩汁嚟撈飯食，食咗一碗都覺得唔夠，所以再添多碗飯嚟撈咖哩汁食，真係好正呀！而牛腩嘅肉質好鬆軟嫩滑！清真牛肉餅嘅餅皮非常薄身，外層煎得好金黃香脆，入面嘅牛肉肉質相當鮮嫩，而且有好多肉汁，味道都幾鮮甜！酸辣湯嘅材料都幾豐富，酸辣嘅味道調教得恰到好處，唔會過酸或過辣！三絲拉皮嘅三絲係香濃嘅牛𦟌絲、鬆軟嘅鷄肉絲同爽滑嘅牛肚絲組合而成，粉皮嘅質感好軟滑！牛肉水餃嘅餃皮都幾薄身，入面嘅肉質好鮮嫩多汁！清炒白菜嘅味道好清甜爽脆！乾燒四季豆炒得好夠鑊氣，味道非常惹味，四季豆好青嫩同無根！蔥油餅煎得香脆乾身，香蔥嘅份量相當多，味道好惹味香口！

朋友有車當然要揾D掉腳位食飯啦~~ 友人提議到去九龍城既清真牛肉館食, 我呢個大鄉里聽就聽得多, 其實遲遲都未去試過, 當然舉腳讚成啦!! 由於即興既關係, 只好walkin等入座, 門口都企左唔小人, 我地一行五人大約等左半個鐘先入到去~~~ 嘩! 個menu 都幾多選擇喎~~ 花多眼亂呀! hehe~~糖醋桂花魚 - 味道酸微微, 有點似咕嚕肉味的!! 魚身炸得脆卜卜, 但肉質仍然好滑好鮮味, 是開胃之選~~招牌清真牛肉餅 - 黎呢到必定要叫返個清真牛肉餅, 上枱仲係熱辣辣ga, 咬落又多汁又鮮, 皮夠薄餡又正, 一試愛上, 但記得要襯熱食呀!! 麻油雞 - 味道有點似沙姜雞的~~ 但多了份麻油既香味, 雞肉又夠滑, 唔錯唔錯~~咖哩牛腩 - 牛腩都夠嫩, 咖哩汁辣度啱啱好, 又夠惹味, 拌飯食就一流了~ 正!! 賽螃蟹 - 蛋白幾滑, 但未見得特別出色~~清真炒飯 - 普通炒飯一碟, 而且偏鹹~ 牛肉炒烏冬 - 同炒飯一樣無乜特別同偏鹹~~ 食完呢餐有d口乾既感覺, 可能有部份既餸真的比較鹹, 我飲左好多茶呀!

其實同男友講左想試清真野好多年, 但我地太懶, 去九龍食飯都覺得好遠, 所以咁耐都去唔成不過而家進步左, 肯成日都去九龍食飯, HAHA今日突然收早, 又要諗去邊食飯, 點解兩個都好快就揀左去九龍城食對於未食過清真野既我地, 當然揀左去試清真牛肉館啦不過對於清真野係咩味, 冇咩概念行左陣好快就搵到嚕, 舖位比我想像中細, 感覺有似細個去既茶餐廳格局去到門口好多人, 都諗住要等, 原來好多都係叫外賣! 先上既係咖哩牛腩飯, 唔係椰汁咖哩, 正!!! 咖哩唔算辣, 但夠惹味! 配飯唔錯牛腩食落算幾淋, 咖哩冇蓋過牛腩自身既香味! 不過份量略少之後到牛肉水餃 (10隻), $35有10隻其實都幾抵食皮唔算厚(都唔算好薄, 適中啦), 不過個餡唔錯, 幾JUICY! 牛肉好味, 唔會覺得好膩牛肉餅, $34有兩件唔算好貴, 亦比我想像中大件!! 我等左陣先食, 因為太迫, 想食埋個飯先食個牛肉餅! 好, 食得! 我一咬 好彩有隻碗咋, 我完全冇諗過入面D汁係多到咁!!! 講緊係我咬果啖"標"左1/3-1/2碗既汁出黎!!個餅外層唔厚, 入面既牛肉勁香, 亦都算多肉, D牛肉好入味, 真心想叫多

諗住下午茶時段兩點半來到會少d人， 一樣要等位，店內座無虛席，店員無一不是做到氹氹轉。好彩剛啱有兩位食客離座，唔使等好耐就可以入去。坐位不太寬敞，一張8人檯要迫著9個人…每次來到必食就係牛肉餅和咖哩。一坐抵先order兩件牛肉餅同一碟咖哩牛腩。熱辣辣牛肉餅好快就出現面前牛肉餅穿咗窿，所以一夾起就漏湯汁…………熱騰騰的牛肉餡， 可惜牛肉湯汁浸晒出來…這碟是淨咖哩牛腩（$69）眼見好多食客order咖哩碟頭飯（$47），餸嘅份量大約一半，飯則一大碟上。本想order薄餅和白飯來配咖哩，但星期六日假期不提供薄餅………只好order白飯 $10一碗白飯咖哩牛腩內嘅薯仔超好味，夠林又入味，咖哩中辣，一定要配飯或餅吃才正！今次沒有牛筋踪影，只有牛腩，牛腩夠林一點也不鞋口。這兒的豆漿，完全喝不到豆味，只有甜味細細杯也要$10。清炒油麥菜（少油）我覺得這碟清炒油麥菜條條皆珍貴………………因一碟也要$59，真係貴菜！

12時多來到  還好未是繁忙時間  仍有空位  (2~3人搭枱是免不了的)二人來九龍城覓食  當然不能一次過把肚子填飽來這只叫人氣食品牛肉餅($32/二件)   &   咖哩牛腩飯($47)不一會便呈上  吃著肉餅時聽到收銀女仕叫道: 依家叫牛肉餅可能要等耐少少, 因為有個外賣 50個牛肉餅!   (心想:不會吧!!? 這麼多??)餅皮薄到無朋友  一咬即爆汁  母親大人還不小心被肉汁濺到滿手都是  (吃得狼狽)  但美味咖哩不辣  但香濃  撈飯最正  牛腩又炆得夠稔  我們不消10min就把這碟飯ko了吃罷即埋單  因為門口有好多人等位

但凡經過九龍都會心思思到這間食店一嘗他們聞名的清真牛肉餅。食過不少所謂的牛肉餅，都沒有這間的出色。皮薄、餡靚，牛肉肥瘦適中，份量剛剛好，而且肉汁鮮甜豐富。吃的時間要特別的謹慎，很容易一不留神就燙傷嘴唇！這次試了另外兩款食品，凍蕃茄和咖哩牛腩。凍蕃茄不夠鮮甜，冷度也不夠，口感一般，最不喜的是一碟明顯地來自蕃茄罐頭的蕃茄汁，有點多餘。咖喱牛腩咖喱頗香濃，不像巿面的咖哩，牛腩也夠「淋」，有自己的特色。小小一碗份量足，不過價錢有點貴。還是牛肉餅最合心意，其他的則沒甚麼驚喜！

同家人走訪九龍城當日我地就捨棄阿珍珍姐挑選左清真牛肉作為我地既午餐 酸辣湯份量多三個人, 每個都飲到兩碗稍微偏辣, 不過很過隱 咖哩牛腩炆得好入味, 而且好稔汁多可以配飯或者點蔥油餅同食 麻醬擔擔麻醬既味道比較淡左一點係云云濃味食品中, 比較失色 牛肉餅輪到招牌貨出場熱辣辣再加上入面既湯汁稍一不慎足以辣傷各下口舌半至一分鐘後, 慢慢品嚐方為最好時機皮厚度適中, 餡料亦滿滿的雖然充滿油分, 但精華所在我實在不能夠放棄

兩個人竟然唔洗等位, 6點鐘半咖喇喎~閒逛完九龍城瘋狂購物振興香港經濟就去左去食野, 兩個人都係137蚊, 好抵!!!咖哩牛腩好大兜喎~男朋友叫了一個白飯, 唔夠, 再叫多一個先得, 因為真係太好味~佢d牛腩唔肥, 而且好多筋, 唔知下次可唔可以走左d筋佢呢? 因為我飲倆都不甚喜歡汁香又夠辣, 又未會去到噴火流汗, 但真係好入味!蔥爆羊片好大碟, 2個人都食唔晒, 不過就油左d, 咸左d蔥好入味, 又好夠香夠多, arm晒我呢d蔥怪羊片唔蘇, 但有少少似係牛肉喎~牛肉餅最遲上, 但係最早叫...熱辣辣,一咬開牛肉餅,汁全部湧晒出黎, 流晒入個碗度, 我要裝番佢入個皮度!不過面頭係油左少少囉! 可能真係即整既, 佢地又多人叫喎~我將將temple放左面, 索左勁多油出黎囉!!!但係so far so good!!!