蓬萊咖哩屋

營業中

休息中

餐廳提供不同人數嘅預設套餐，我就揀咗二人餐（$318+10%）。餐前送咗兩片脆片，青色醬十分清爽，醃紅蘿蔔、醃洋蔥酸酸哋好開胃。餐湯（雞肉忌廉湯，濃度適中，味道不錯）、咖哩角（熱辣辣，外面鬆脆，裡面咖哩薯蓉香味重）各要咗一份。羊肉咖哩，要咗微辣，咖哩香味重，而且有蕃茄底，甜甜辣辣，多重口感；羊肉大約有五/六件，有羊騷味但唔重，肉炆得好淋，而且唔肥，好食。蒜蓉燒餅，熱辣辣（辣手），蒜味唔太重，點咖哩一齊食冇得輸。串烤五香雞件，即叫即做，鐵板上，雞件外面香口、內裡有肉汁，醬料醃味好惹味；連埋鐵板底嘅洋蔥、椰菜絲、紅蘿蔔絲都勁入味，正。清炒時菜，用咗不少香料炒，好惹味。印度黃飯，米粒長，乾身，撈咖哩啱哂。餐飲要咗2杯啤酒，跑完啤一啤，爽爆。呢餐食得超滿足，食物質素又好，價錢又合理，絕對值得推薦。

噚日15-5-2021 (Sat) 晏晝,同老公入元朗睇鳳眼藍前食個晏,嚟到元朗,原本想懲罰夏捌月https://www.openrice.com/zh/hongkong/r-%E5%A4%8F%E6%8D%8C%E6%9C%88-%E5%85%83%E6%9C%97-%E8%A5%BF%E5%BC%8F-r509587,不過search到呢間,圓一圓老公想食印度咖哩啦.我哋嚟到,見到門口好靚,充滿尼泊爾特色,入到去,女侍應安排地哋坐近門口嘅二人枱,我唔想,我指住另一張4人枱,問個男嘅可唔可以坐嗰張?佢答可以.一坐低,男嘅遞上一人一件濕紙巾抹手,而女侍應即送上兩件印度薄餅同兩個醬汁.我哋睇完menu,決定要$318.00加一嘅二人餐.落完單就食嗰兩件印度薄餅,唔知係咪我哋好耐至食,有少少腍,而味道係有少少辣.醬汁方面,有酸乳?同糖醋浸洋蔥?酸乳質地較稀,味道亦清.糖醋浸洋蔥酸酸甜甜咁,我鍾意呢個.然後餐中食物嚟喇:1. 咖哩角上次喺荃灣嘅巴巴站漏單冇食(4月7日刊登嘅呢篇https://www.openrice.com/zh/hongkong/review/yeah-%E6%AD%A3

係屯門、元朗打滾咗咁多年，真係未到過呢頭食野，通常都係去大坑渠個邊揾吃貨。原來位置都十分容易揾，就在元朗廣場後面街附近。今次是朋友爸爸生日約埋我一齊去祝壽囉 呢盤薄脆每枱客人坐下就會有，可以一路食一路睇下餐牌叫咩食，其實呢度有好多set好晒既餐可供選擇。不過我地懶特別要自己散叫 先黎咖哩角拳頭咁大既咖哩角，一隻share食是常識吧~~ 餡料是薯仔溝入雜菜，皮是有少少酥皮感覺。但唔會好油，唔錯幾好食。 唔記得叫咩名 不過好似係沙律 有烤雞肉仲有好多配菜，醬汁好野味。串燒雞柳 燒完拆件用鐵板上，烤得好香，唔會有過多醃料。 咖哩魚 不過不失，唔一定要試食。 咖哩羊 本人唔食羊，不過朋友話有d辣但都幾好食喎~ 咖哩牛 好好食牛腩好冧，三款咖哩汁中最好食，必試原味薄餅 好好食夠乾身， 蘸上咖哩醬汁，真係食唔停口。 蒜蓉薄餅 本人覺得麻麻哋，反正都係蘸醬食，原味薄餅好食好多。 芝士菠菜 無諗過會打到好似一兜糊仔咁，我地用黎蘸薄餅食，食落又幾得意好食。