天龍咖喱

營業中

休息中

今日想食咖喱，於是就搵吓附近有冇啲專食咖喱嘅餐廳！我發現依間位於元朗嘅咖喱專門店都幾近，於是就去試一試！咖喱牛腩飯咖喱味道香濃，撈飯食簡直一流！咖喱唔太辣，啱晒唔食得辣嘅朋友👍🏻咖喱有薯仔做配菜，薯仔非常入味！牛腩份量都好多，仲要大大嚿！牛腩好腍，一啲都唔韌👍🏻炸牛奶炸牛奶非常香脆，外皮非常薄，裏面充滿住軟軟嘅牛奶餡，外脆內軟。咬一啖都散發着甜甜嘅牛奶香味，真係忍唔住食完一條又一條！厚切牛脷煎太陽蛋配沙律有三塊超厚切牛舌，煎得外脆內軟，超好食！絕對滿足到鍾意食牛舌嘅朋友！沙律酸酸甜甜好開胃，有菠蘿、青瓜同紅蘿蔔，三種都係唔同嘅質感，令到沙律層次非常豐富！孜然羊架羊架即叫即做，上菜時散發住香濃孜然味！羊架都唔細，羊肉味濃，好好食！柚子梳打柚子梳打甜度啱啱好，底部好多柚子，飲落去感覺非常清爽！檸檬菜檸檬茶味甜度啱啱好，茶底非常有茶味，茶味香濃

天龍主打咖喱，都有少少頹飯格式，見到Menu上嘅咖喱飯，只可以加錢轉配薄餅，但我又想食麵，即管多口問問，不得不提老闆嘅細心同貼心，佢即刻介紹其實可以轉烏冬或者出前一丁，仲可以選擇湯麵或者撈麵，因為老闆認為咖喱始終都係配白飯最好食，所以就無特登將轉麵寫出嚟，原來係hidden menu嚟㗎，大家想食麵就要出聲問喇。#咖喱吉列豬扒撈出前一丁 $58吉列豬扒新鮮炸起熱辣辣，都好大塊，薄薄蘸上撈咗香料嘅麵包糠炸，唔油膩。豬扒唔算厚身，但都唔會炸到乾晒，依然有肉汁。出前一丁唔使另外加錢。成碗咖喱汁奉上，我就直接將丁麵浸落碗咖喱汁度撈嚟食，唔止係咖喱撈丁咁簡單，直頭變咗咖喱濃湯丁，最後成碗咖喱汁都食晒，絕對有下次。#咖喱牛腩飯 $58咖喱汁用咗爆多洋蔥去煮，好有洋蔥嘅甜味，食到好多唔同香料嘅層次。咖喱汁辣度剛好，唔會話辣到食唔到其他味道，客人可另外要求加辣。牛腩大大舊，啖啖肉，份量都唔少，同薯仔一樣炆得腍，好入味。真係學老闆話事齋，其實咖喱汁撈飯先係最正嘅配搭。#天龍咖喱地址：元朗合益路17-53號合益中心地下23號舖