華記士多 (已結業)

地道咖喱蛋包飯🍛咖喱蛋包飯 $38咖喱味好濃郁，唔係普通甜咖喱嗰種～真係會有少少辣嘅 咖喱醬汁比嘅份量好多，唔會有未食完飯就已經冇晒醬汁嘅情況🤣滑蛋都好滑唔會過老🍳🥚幾好食！但本身我唔係咁鍾意重口味，就覺得味道比較重，食完會有啲口渴～但的而且確佢係好經典正宗嘅日式咖喱口味，加上佢咁大份，份量咁足料，都只係$38，係香港好難得見到嘅價錢🤣咁抵食，其實都冇乜好彈😆👐🏻不過唯一要注意嘅地方就係，舖頭地方比較淺窄，同埋如果介意衛生問題嘅朋友應該就唔係咁鍾意啦～～因為佢同坐喺街食冇乜分別，再加上而家疫情情況未必個個都接受到😵‍💫但如果都好想試吓呢種咁有地道風味嘅咖喱飯，都值得一試☺️

幫襯左呢間小店已經好幾年，質素仍然可以keep到咁好！每次都係食咖喱蛋包飯，30幾蚊包埋杯凍飲，咁嘅質素，仲有咩可以投訴🤣啲蛋好滑，可以完完全全包住啲飯同埋雞柳，再加埋個咖喱汁，味道啱啱好，每一啖都可以食到咁多樣材料同埋味道，有層次感，味道又夠豐富😋😋😋飲品就冇咩特別，真係純粹為咗解渴，同埋你食完成個飯都真係好需要飲啲嘢！不過小店環境好細，客人要係喺後行食，隔離就係坑渠，同埋會見到啲人喺後行洗緊啲雞柳🤣成件事係好raw既，但又唔係真係咁污糟。如果介意嘅話，就建議買外賣返屋企食～

經過西灣河，這天想吃蛋包飯，便想起了華記士多。餐廳位於小巷之中，舖位不大，堂食的位置不算太多。餐單一目了然：是日頹飯有芝士咖喱蛋包飯、咖喱蛋包飯、以及台式滷肉飯。叫了外賣回去吃。等了兩三分鐘左右便能拿到外賣。咖喱香濃，蛋包飯即使經過回程大約20分鐘時間外皮也不會太老。飯是炒飯底，值得加分，飯內有一些雞肉粒，也不會柴。跟餐有一杯嘢飲送，冷熱同價。有橙汁或檸檬特飲或咖啡或奶茶或檸檬茶或檸檬水或菜蜜或檸蜜靈物選擇。飲品質素正常。

住係東區，都經常會搵啲特色小食去食而呢一間就係我經常都會去食嘅蛋包飯堂！貪佢性價比高！$43連飲品！凍飲有橙汁，熱飲有熱檸茶，熱檸水，熱檸蜜同埋西洋菜蜜。佢有普通咖喱蛋包飯加芝士加$5，我兩款都試過，唯獨芝士味不太突出，食普通嘅就OK！除咗咖喱蛋包飯外，呢度仲有肉燥飯。嘢食係OK不過環境就爭小小，似大排檔坐喺路邊同埋坑渠邊。我唔介意又食得快所以冇所謂，介意嘅可以嗌外賣，我都試過嗌外賣拎返屋企食，不過份量感覺上會少咗啲。除咗街邊位佢點來都有一兩個單定位都可以坐底食，夏天會覺得好熱，而家就嚟進入秋天都唔會出汗！總括嚟講係呢間蛋包飯係呢一區性價比算高，只係環境爭小小~值得一試！

馳名已久嘅華記士多，今日終於有機會同同事試下啦! 我今日試咗咖哩蛋包飯，再加杯COT😋😋華記士多雖然係後巷位置，但平時午餐時間都有好多學生幫襯， 襯今日星期日冇咁多人唔使排隊，特登同同事試下。😃咖哩唔算太辣，非常之好味😋

幾年都唔黎一次西灣河，難得出黎就梗係處理一下口袋名單，揀左華記士多。華記士多都算近太安樓，小店一間，有瓦遮頭嘅只有幾個位，其餘喺後巷開枱仔，有心理準備環境就一般，但比起我去過一啲有坑渠嘅後欄，比下有餘。週日下午茶時間坐滿人，搭枱係基本。姐姐們幾好笑容，由於已經食左野先黎，我地兩人分享一個飯，都冇任何不悅，用餐愉快。餐牌只有三款飯：芝士咖喱蛋包飯、咖喱蛋包飯、台式滷肉飯，定價$38/43，附送茶/啡/菜蜜，凍飲同價，去邊度搵。如果唔係後巷，一般茶記都收4、50蚊啦。9成9人都點咖喱飯，廚房不停製作，上菜速度快。咖喱蛋包飯 $38蛋包飯賣相讚，一啲都唔頹，滑蛋緊緊包裹飯粒，淋上滿滿咖喱汁，見到都流哂口水蛋奄列薄身、好滑溜，完全唔老，油就點都有架喇。揭開奄列，裡面有滿滿熱辣辣嘅豉油飯粒，好似有少少豬油咁；仲有雞肉，有誠意。配典型盒裝嗰種日式咖喱塊開成嘅汁，醬汁稀身，想像得到嘅，唔會好辣，少少甜，好好送飯，講真自己一個都輕鬆食得哂可能我食得多頹頹茶餐，真係唔會太harsh，我覺得值得一試，性價比高；當然如果對環境、後巷呢啲好反感嘅，就唔建議啦

出面食蛋包飯閒閒地70蚊起跳，有時仲要唔好食☹️但呢間華記士多，每次幫襯都保持到高水準，蛋包飯不只好食仲超實惠，真係街坊價高質貨😍雖然店面好細，客人要坐在後巷食飯，但見佢客似雲來，就知佢的招牌蛋包飯有幾正啦！——————————🔹咖喱蛋包飯 $38📍9.5/10呢度嘅咖喱蛋包飯，係經過改良的港式咖喱炒飯，事關佢入面個飯唔係白飯，而係加入大量雞肉同用醬油炒過的超香炒飯！外面嘅蛋非常嫩滑，旁邊圍著勁量的日式咖喱醬汁🍛，睇落簡直係沐浴在咖喱中的蛋包飯😱日式咖喱汁甜甜地唔會辣，味道完全不似一般港式餐廳一樣稀稀淡淡，反而濃郁又偏稠。醬油雞肉炒飯足料有鑊氣，份量多到連一個大食的男士都未必食得曬，真係超誇張！將炒飯、半熟蛋皮及咖喱拌勻，日式揉合香港本色，真係好夾好好食呀❤️可惜嘢飲方面就差啲喇～每個飯均奉送餐飲，我叫咗凍奶茶，茶味較重，可惜偏淡，最後飲唔晒🤢

在小巷內細小角落有著一間隱世美食店😱說真的 最近吃了那麼多滑蛋料理 這間應該是最好食的😍汁控表示吃下去每一口是滿滿的幸福感覺😭我真的連汁都吞得乾乾淨淨嗚嗚 真的太好味了 好想來多一份😢-咖喱滑蛋飯（HKD35 連飲品）始終是學生區 價錢也比較student-friendly這個價錢 這個份量 本來已經令我不能投訴些什麼了到其他地方吃個蛋包飯 同一個質素 分分鐘已經是這個價錢的一倍-等了五分鐘都無就上菜了無諗過佢地的滑蛋飯上台真係令我哇 一聲到底廚師是怎樣令「滑蛋」煮到這個水準：蛋滑之餘又不會感覺太油膩而且和咖喱配合得好好😍-蛋入面的是雞炒飯🐥亦做到粒粒分明的效果-環境來說夏天食的話還是蠻要命的😥跟順興大排檔一樣店面是在後巷位置 未必每個人都能接受到雖則如此 不過還是挺多人慕名而來😋🌟Rate:10/10

是日去試傳說中的 【 Wah Kee Store 】 咖喱蛋包飯！$35蚊跟埋杯檸檬橙汁， 咖喱汁入口甜甜地 夠香 微微辣，蛋有蛋香又滑，中間既雞絲夠入味， 檸檬橙甜甜酸酸 好味！，下次再試埋個鹵肉飯

我的開飯網十八區美食之旅，轉眼間又到下一站，今次轉戰港島東區，試食西灣河「華記士多」的平價咖喱蛋包飯。其實這間「華記士多」的名稱和外觀，已經有點點奇怪，叫我摸不著頭腦。一般食店改名，通常都是「XX餐廳」、「XX餐店」，或者是「XX美食」，但是偏偏它卻為自己改名變成一間士多，有沒有知道內情的人，可以告訴我原因？另外，這間「華記士多」，外表真的似士多一點。橫看豎看，都看不出「華記士多」哪裡像餐廳，何解士多竟然在賣咖喱蛋包飯，還要是平價的咖喱蛋包頹飯？這個問題恐怕又是「千奇百趣」，又要出動森美小儀才能解答的疑難雜症。反正疑問一時三刻未能即時解答，唯有先找個位置坐下，慢慢點個咖喱蛋包頹飯，慢慢享受一番吧。慢著！為什麼「華記士多」會把他們賣的常餐叫做「頹飯」？「頹飯」這個名稱相信是源於大學內的文化，因為學生經濟能力有限，既要負擔高昂學費，又可能因為平日消費忘形，弄得累累信用卡卡數纏身，所以平日只能靠節衣縮食，和兼職來維持日常財政穩定，確保畢業後不會因為清還不到學費而被申請破產。大學內的食堂為了紓緩學生的困境，於是每個月下半旬，便會推出平價的飯餐，讓銀根短缺的學生不至於餓到皮黃骨瘦，無法專心讀書，

差唔多半年前已經喺ig度見到有人推介華記士多嘅蛋包飯，作為蛋包飯嘅lover嘅我一早已經將呢間嘢mark咗喺我個list上面。呢日要去筲箕灣買啲嘢，去開藍色線嘅右手面就順便食埋呢個蛋包飯啦！其實華記士多嘅位置唔難搵，只要喺西灣河站A出口出咗去之後轉出筲箕灣道，再沿住筲箕灣道行就會搵到。見到筲箕灣道48號呢間寵物用品舖之後，望向左手面最左既果間白色舖就係華記士多喇！去到嘅時候都係lunch hour，而鋪面又唔算大，所以舖入面就爆晒喇，其他人就坐出面我就坐咗喺條後巷度～見到個姨姨就即刻同咗佢點餐先～ 果日頹飯係蛋包飯同豬頸肉飯，咁我梗係揀蛋包飯啦～跟住佢就問我飲乜，我問佢有咩飲，佢話有橙汁 檸茶檸水 果啲，咁聽見有橙汁我就嗌咗啦嘢飲嘢食都係隔咗差唔多一兩分鐘就到喇上先嘅係杯橙汁～佢唔係芬達，冇氣嘅。可能係橙汁先生？但係特別嘅位係佢哋仲加咗兩片檸檬入面，令到酸味更出跟住就到蛋包飯啦！有好多好多咖喱汁，而且陣味都好香～一拮開個飯就會見到豉油色嘅飯喇一食落口係覺得好有蛋香，而且啲蛋真係好滑～ 入面係雞肉炒飯嚟嘅，有啲麻油味而咖喱汁就係甜咖哩嚟嘅，所以怕辣嘅朋友仔都唔駛怕呀講完嘢食就講下環境啦～

一間小士多竟然可以在 openrice 西灣河分區排名第一，莫非真的有過人之處？最奇怪是，老婆之前住喺西灣河咁多年，竟然從來未聽過、亦都未去幫襯過。究竟是否這間小士多之前一直只是賣汽水啤酒，近這一兩年轉型賣咖哩飯才聲名大噪；抑或真的是隱世多年而一直未被其他人（包括筆者老婆及她屋企人）發現，只是最近一年因為雜誌及網頁大吹大擂才石破天驚？小店位於西灣河與太古城接壤處的一條小橫街內，講真，即使經過這條橫街（太富街）街口也不會特登走入去，因為裏面真的一間特色地舖都欠奉，如果不是有 openrice 導航，要找到「華記士多」也有點困難。「華記士多」一邊面向太富街，另一邊是兩幢大廈之間的一條小橫巷。小舖位的面積不夠200平方呎，僅僅容納一個小廚房及堆放各種雜物後，剩下的室內空間只勉強可以放置一張小摺檯。如果要做生意賣熟食，首先要主力做外賣，另外也要善用空間；所以店主就在那條小橫巷擺放了一排摺檯 ⋯⋯ 令人難以置信地筆者幫襯當日竟然座無虛席。時值夏季尾段，天氣並不太熱，橫巷兩旁又被大廈遮擋了陽光的直接照射，店主又在露天橫巷加設了帳篷，現場環境勉強可以接受。如果在炎夏季節、又或者落大雨，真的很難想像可

華記 其實從來都唔係最出名蛋包飯 而係佢既餐蛋麵、腸蛋麵、雙蛋麵、餐腸麵…十幾蚊就可以食飽 冬天奢侈d貴少少加埋片芝士係面 咁又係滿足既一餐lunch. 作為一間士多 咁樣既menu已經係好夠佢地做 但係想帶多d新意俾d街坊 所以研究左幾款新選擇 當中最有名既就係蛋包飯金黃既滑蛋覆蓋左整個飯 嫩滑多蛋汁 表面再澆上一層日式咖喱汁 甜甜地個隻 唔會辣~ 揭開蛋皮 下面既飯唔係普遍既茄汁炒飯 而係加入左港式風味既豉油雞柳炒飯 粉粉分明 唔會油膩 不過雞柳就略乾身 三樣野加埋一齊放入口 真係世界級 更加世界級係佢既價錢 $35包埋野飲 仲想點？！ 另外就係晚市呢個新製品啦 唔好睇個樣好似冇乜特別 一食落去真係有驚喜！個雞翼大大隻 入面真係有可以拉絲既芝士 熱辣辣咁食真係會一咬落去就爆芝 啱唒芝士控！個雞翼外皮都整得好香脆！唯獨係個雞翼本身既調味咸左少少 到個飯啦~佢落左忌廉煮呢個飯 份量啱啱好 夠香 但食完成個飯又唔會覺得膩同滯 個飯仲加左三色椒同雜菌 感覺好清新~ 佢其實只係港式意大利飯 你唔好預佢會好似西餐廳食$8x既意利飯咁 但係真係好食架  而且價錢又唔係貴 推介呀另外一個晚市新製品

再次黎到華記,今次人流比起上次已經少左好多至少唔洗等位先!咖喱蛋包飯 ($35)雖然價錢好似貴左$1-2,但質素冇變差,仍然keep到蛋依然嫩滑多汁,而咖喱唔辣但香口而啲飯加左鼓油,炒到粒粒都有味,雖然咸左少少入面仲有超多雞肉,咁既價錢仲包埋杯野飲抵到爛啦!

叫左好快就有得食賣相好 味道更好茶餐廳的高質素d蛋夠滑 做到入口即溶的感覺多飯多咖喱汁 唔會唔夠飽入面有雞肉有驚喜日式咖喱唔辣唯一缺點係d飯唔夠熱奉送橙汁特飲/咖啡/奶茶/檸茶/檸水 冷熱同價橙汁特飲除左本身的橙汁味仲有d酸酸地的味道 幾開胃奶茶好滑有茶味又唔會好澀