港原味 (已搬遷) 新店位置

兩個人去到大角咀都唔知食啲乜嘢好，見到依間港原味個環境幾靚，咁啱又有位所以就入咗去。睇完個Menu見到有二人餐就決定試吓。佢有兩個小菜兩個湯兩杯嘢飲仲可以要甜品或者蟹蓋，真係幾抵玩。先黎既係兩個湯，好足料好入味，係一個好好飲嘅老火湯。就咁依個湯都覺得佢好有誠意，聽講話個湯日日唔同唔知下次嚟到會係咩呢。咖喱雞肉農夫包，個咖喱味幾濃，入邊啲料都好豐富，有青椒有紅椒有洋蔥，雞肉都好多好嫩好入味，個農夫包本身都好大個好脆，點埋啲咖喱一齊食真係好正。本身個農夫包好大個所以都好飽，所以呢個冇跟飯。黃金鮮魷，鹹蛋味好強，好大碟份量好多，每一啖咬落去都有好勁嘅鹹蛋味，魷魚嘅鮮味都仍然保留到，仲要好好咬口，成件事好正好夾。芝士蟹蓋，芝士味好濃，有蟹肉之餘仲要有啲通粉喺上邊，食落都唔錯，幾特別。冇諗過芝士蟹蓋可以咁樣整，幾出色。

想食農夫包好耐，同朋友去大角咀，於是嚟咗呢間餐廳食。牆身充滿懷舊港式風情，初時以為係牆紙貼上去，睇真d至發現原來係噴畫！我地點咗咖喱農夫包同是咁的三色蛋，跟餐特飲係紅豆冰同龍鳳檸。咖喱農夫包可以揀牛、雞或者豬扒，我地點左豬扒。咖喱香濃，辣度適中又有椰香，而豬扒就好入味，肉質唔會好韌。個包滲入曬左咖喱汁，口感軟硬適中。配菜有沙律，中和返，唔怕食到太漏。三色蛋蒸得又香又嫩滑，有3隻口味，分別係豆腐蝦仁、肉碎粉絲同金銀蛋，一次過滿足3個願望~近排天氣開始乾燥，又想飲得潤啲，所以加配左龍鳯檸，即係雪碧加鹹檸檬、新鮮檸檬，貪佢咸咸甜甜又夠fresh。雪碧竟然係原枝上，驚喜！至於紅豆冰既紅豆好軟稔，上面仲有cream，正！

收工約左屋企人黎呢到食飯，大角咀其實真係好多餐廳，七點黎到吾算太多人。睇睇menu見個二人餐都幾抵食，$198包任選小菜兩款（呢個抵讚！好多餐廳都會有限制去選擇菜式），仲包兩個湯同甜品。而且每個小菜都會包個飯，所以最後我地就叫左個二人餐再散叫多個小菜。散叫左個雜菜煲，清清地入面其實都好多料！有芥蘭，西蘭花，瓜，娃娃菜，芋絲同粉絲等等雪山紅豆冰好正！紅豆好棉密，mix埋忌廉都吾會太甜，啱啱好！原本仲擔心咕嚕京都骨啲豬肉會好鞋，點知一啲都吾會，仲勁厚肉，酸酸甜甜好開胃，吾好睇佢細細碟咁，其實都有成十舊肉左右，啱哂食肉獸。重點嘅咖喱農夫包，我地叫左雞肉嘅，都算滑身。咖喱好香好濃，帶少少辣，好惹味，食下食下成個包清哂最後個甜品係洛神花燉蘋果， 入面釀咗黑糯米，口感煙煙韌韌，味道亦都吾會過酸，refresh下作為一個好好嘅收尾。

難得有二人世界時間，出去搵個地方食飯傾偈，嚟到呢間「港原味」，裝修充滿懷舊香港味道。雖然係下午茶時間，不過都仲有好多唔同食物可以選擇。見到佢個咖喱農夫包（$99），好似好吸引，一於叫一個嚟試吓，新鮮焗出嚟熱烘烘嘅麵包，外皮夠脆，裏面裝滿咖喱，好彩可以揀豬牛雞，我哋揀咗牛肉，都整得幾唔錯，一啲都唔對un。同時附上沙律菜伴碟，幾好。唔食咖喱嘅朋友，仲可以轉芝士黑松露醬，不過我覺得咖喱又唔辣而且好惹味，都值得推薦。下午茶選擇都有N款(真係A至N架😆)，好多都好想食，最後揀咗炸雞脾配薯條（$39），雞脾炸得脆但唔會好乾，保持到肉汁，所以幾好食，薯條數量稍微少咗d。由於我哋兩個都未食午餐，所以決定加多個「撈得起常餐 」（$49）， 選了芝士黑松露醬豬扒撈意粉，d汁比較稀，同想像中嘅撈麵有點不同，不過豬扒都係好食嘅。三個餐都可配飲品，加$10可轉特飲，我哋就轉左雪山紅豆冰，雖然只係忌廉不是雪糕，但係都好好味，透心涼啊！第三杯要咗熱奶茶，質素都唔錯呀！

《咖喱農夫包》$99農夫包可以揀芝士黑松露，但我就揀左咖喱雞，面頭都有啲芝士，個農夫包外面好脆，裡面吸晒咖喱汁，份量都好大。《京蔥爆安格斯牛肉飯》$70平時食開京蔥爆羊肉，今次轉左係牛肉，個味都幾夾。《雪山紅豆冰》$10好邪惡，但又幾好飲喎，加左忌廉，口感都厚啲。《雜果賓治》 $10雜果賓治已經好耐無飲，雖然叫就叫雜果，但好似得菠蘿😂值得一提，餐廳環境好多打卡位，主題圍繞香港舊時的文化👍👍👍

同朋友去奧海城shopping行到夜晚諗住搵地方食晚飯點知成個商場既餐廳都好多人等位甘唯有行遠小小 見到呢間望入去好懷舊 似以前既香港所以入去食下同打下卡果然無失望🤩-1.冬瓜豬骨清寶兩 +$8無味精既足料靚湯👍🏻啱哂宜家甘熱辣辣既天氣 清熱牙-2.螞蟻搬家🐜👍🏻 $58聽個名都夠特別 呢個菜超好食🤤粉絲爽口 有落肉碎炒味道又有小小辣 好正牙！-3.咖哩農夫包 配雞肉🐔$99個包好軟熟 但咖喱偏淡濃返小小再辣返小小會更加正😋而d雞肉係炸雞球好脆 好香口再點咖喱連包一齊食👍🏻-食完主菜當然要食返個甜品先滿足到我🤣-4.甜心蘋果 $$39像真度達100% 切開 裏面原來有黑糯米😍超驚喜有洛神花汁伴碟唔算甜 但無乜蘋果味食落口感好軟冧 似食桃-想食住家菜又多款式揀 價錢又合理又可以打卡既 呢間大推介👍🏻👍🏻👍🏻

咖喱農夫包揀左咖喱配豬扒，咖喱香味濃郁，豬扒入味，如果包可以更鬆軟就perfect，下次會試埋芝士黑鬆露汁黃金鮮魷入口溫度適中，係即叫即煮既。咸蛋均勻包住鮮魷，香味可口，一個人食半碟都唔膩，值得推介是咁的三色蛋燉蛋香濃幼滑，三種味分別係鮮蝦丶皮蛋丶火腿，份量適中，可以一次過滿足晒三個願望蒜蓉時菜$58: 要均衡飲食，點少得叫碟菜，是日時菜係芥蘭，剛好好想食芥蘭，啱曬港式茶餐廳又點少得紅豆冰，雪山紅豆冰花奶丶紅豆都份量十足，飲完滿心滿足有別於傳統茶餐廳，港原味結合視覺藝術，有多幅充滿懷舊香港風味既壁畫，店主話壁畫花左三個月完成，細心一睇，畫工十分精細用心，絕對可媲美香港歷史博物館，啱晒藝文青係到食新派港式菜之餘影相打卡超鍾意既一幅壁畫，雀籠係3D既，映襯雀鳥之下幾可亂真，特別係隻鸚鵡，無論正面丶側面睇都好立體呢度係一班白衣天使有份開既，係呢個艱難既時期，我哋都一齊支持下小企業，希望抗疫後，大家有機會再同三五知己拋開口罩，係香港美景壁畫下打卡留影

當日同女朋友途經呢間餐廳見到新開張就膽粗粗入去試吓間餐廳裝修唔錯 非常有特色 牆身嘅油畫好精緻 好有舊香港嘅味道我哋分別試咗咖喱農夫包同埋拉絲海鮮焗飯 兩款都唔錯 值得推薦！餐廳夥計都好熱情 特別係姓余嗰位黑黑實實嘅夥計 服務態度值得一讚！