泗益

營業中

休息中

友人兒時已光顧此店...長大了就要等假期有時間才可以重拾回兒時回憶...印象中我是第二次來...雖然坐位很少又只有幾把風扇....如果夏季來就像蒸籠一樣....但都照樣吸引不少客人遠道而來...今次星期日大概三點半來...要等位...好彩大概等左五至八分鐘就有位了...店門口姐姐四點時話西多已售罄...心想好彩我地仲有得食...唔係友人實會好失望... 咖央西多士$30...個人覺得貴...但是其他地方實在食不到此西多....因為個人不太喜歡咖央，此店放在中間的咖央實在不多啱晒我口味😜

有些店，一早想吃，只​​礙於地方偏遠，才沒法到訪；位於赤柱的泗益，就是這樣的小店。泗益，於赤柱聳立五十多年；鐵皮屋的格局，脫落的牆紙，格格作響的舊式老風扇，正正就是年紀老邁的最佳證明。老舖門面不大，只有三四張桌子，要是假日造訪，管你是達官貴人，一樣要等它一兩小時才有位子。到訪當天剛好是平日，人流不算多，實在幸運；一行兩人，沒吃早飯，加上之後有體力活動，當然要大吃一頓。不論茶記或大牌檔，一杯奶茶，特別是凍奶茶，已經可見其實力。泗益的奶茶以絲襪泡製，香滑非常；加上花奶：奶香茶滑，這杯凍奶茶可是當之無愧。先來份咸牛肉蛋菠羅包；菠羅包切成兩半塗上牛油，再放進焗爐中翻熱；咸牛肉蛋則是即叫即炒，嫩滑非常，夾進熱辣辣的菠羅包中，酥香的菠羅包外皮加上陣陣牛油香，又鹹又甜，卻配合得天衣無縫；原來，此變種菠羅包可如斯好吃。再來份魚柳包；包身用上長型熱狗包；魚柳雖是雪藏貨，卻是沾上蛋漿即叫即炸的誠意之作；加上沙拉醬和芝士，這魚柳包實是一點也不失霸氣。老店，終究有其過人之處；像這香菇餐肉米，用上圓型的一大塊餐肉，已是一大賣點；香菇，其實就是切粒的冬菇。為湯米添加了不少香氣；米粉不會煮得過碎，也沒出現過硬現象；

平日幫儭下，並無出現其他食評既問題，西多士5分鐘内就做好，服務態度屬於非常好，對全部顧客都係有禮非常，所以好多所謂問題，都應該係出現在周六日人多排隊下，做吾切所做成，我覺得周六日既顧客應該以體諒既態度睇事物。奶茶其實吾錯，味道好濃。餐廳貼有雜誌推介，話這裡既西多士好脆，我覺得係D職業食評家既寫法，因爲我睇咗前後左右台既西多士，都係屬於軟綿綿既效果，絕對吾屬於脆既狀態。這裡既西多士既特別應該吾係脆吾脆，都吾係用咗咖央，而係這裡用既咖央估計係自己做或加咗D香料，所以味道吾係超市賣既罐頭咖央味道，我估計係加咗班蘭葉。不過24蚊屬於過高，應該係出咗名既結果。蛋牛治屬於正常味道，不過師傅切成四塊，有誠意。

朋友爸爸媽媽o係外國返黎, 一入赤柱就撞左入去泗益.豬扒蛋麵幾好食, 我鍾意個蛋黃半生熟.一試個咖央西多, 第一次明白咩叫做"好食到講唔到野". 推介俾所有人!!!跟手聽到隔離枱熟客叫魚柳包, 都即刻叫黎試試. 我黏左個fd個包一啖. 再食多左啖. 我係一個唔食魚o既人都覺好食!係落雨間鋪有d濕, 減返分

o黎到赤柱, 好懷念d茶檔, 更愛我嘅茶走. 見到呢檔排晒隊, 應該ok卦. 咖央西多 - 雖然係要等, 但係眼見佢先將d蛋白打到起晒泡, 然後先再混埋蛋黃再打到好creamy, 而且唔係炸, 係一件件用pan o黎煎, "等"係值得既. 咖央唔太甜, 食落軟棉棉. 正!!!- 花生醬西多 - 呢個係佢哋介紹既, 不過甜咗d, 麻麻地.- 茶走 - 滑就夠滑, 但係茶味濃咗d.