沐浴咖啡 (已結業)

沐浴鴨仔Cafe🐤 進店就見到一大個浴缸桌子放滿波波同鴨仔，好可愛啊🤩 店內空間感大，又有窗台位置，日照時間過嚟好舒服，隔離就喺濕地公園，行到攰時過嚟休息吓～🍲咸蛋黄鮮蝦意大利燴飯 $108Salted Egg Prawn Risotto 咸蛋黃滿滿但又唔會太過咸，有咸蛋黃香氣～有大大隻彈牙嘅鮮蝦，燴飯粒粒分明，燴飯製作得幾高質🍗柚子雞翼（單骨）$78Grapefruit chicken wing甜甜柚子醬配上雞翼好惹味，單骨雞翼都好多隻啊！大約有8隻，2人share每人都有4隻😆🍰自家制意式酒心芝士餅 $48Tiramisu 以浴缸造型呈上，味道香甜咖啡味都有，表面放上酸酸哋嘅草莓🐤另外我加埋鴨仔落去sweet好多🤣🍸Shakerato $52高杯盛裝嘅shakerato味道偏nutty ☕️Baileys Chocolate $50有個靚靚拉花！Baileys味道突出又唔會好甜！飲完個人暖暖哋～

今晚媽媽唔煮飯，同爸爸去咗間Cafe食嘢😳入面用bath做主題，有張枱好得意係個浴缸，入面仲有波波、鴨仔，好得意。座位之間都幾闊，燈光暗暗地幾有格調，咖啡拉花好靚好精緻✨晚餐仲有dinner set，有沙律/湯、主菜同野飲。❁ 咸蛋黄鮮蝦意大利燴飯好有驚喜🤤咸蛋黃醬夠多夠惹味，醬汁平均佈滿在每粒飯上面，蛋黃嘅鹹香食到停唔到。入面仲有6隻蝦，爽口大隻，意大利飯軟硬適中，入面仲有啲菇可以減輕罪惡感🤭❁ 慢煮烤美國豬肋骨 豬肋骨好大件肉厚，一條條切開可以有六大件，真心呢個抵食，因為份量好多🤓煮嘅時間足夠，都算淋身易切開，入口啖啖肉配上bbq醬，非常唔錯。佢哋嘅薯條都非常出色，真係熱辣辣啱啱炸好。❁ 飲品分別飲latte同Hojicha latte，佢哋嘅拉花都係非常之高難度😳係馬同海馬，好靚。推介Hojicha latte 味道濃郁，唔太甜所以焙茶味突出。