Star Kitchen (已結業)

《在葵芳默默閃爍的星廚》葵廣最近大翻新，進駐左唔同嘅手卷、小食、飲料店等等……令葵芳嘅「食力」提升唔少。連鎖店固然可以食到穩定嘅水準，但係始終欠缺小店可以給予嘅驚喜。今晚就係葵芳醫一醫肚，揀選左星廚呢一間西餐廳去一探虛實。店內位置唔多，雖然今日係星期日，好彩撞岩時間都唔係好洗等位，好快大概20分鐘左右就可以入坐。首先值得一讚嘅係店員會提住我地位置嘅情況，令我地等得安心同時，餐廳又可以留住食客。今日去試嘅係廚師推介嘅哥倫布豬鞍架配上薯菜，豬鞍係即叫即整的，落單後需要等10-15分鐘。其間可食住沙律，飲住餐湯慢慢等。一飲，餐湯係第一樣令我覺得唔可以錯過嘅，因為可以試得出忌廉湯中帶微酸嘅蕃茄味道，為上主菜前呢一後時間增添左一絲絲期待。到左主菜上場喇，果然不負所望，我揀嘅係蒜蓉汁，非常惹味。肉質咬落去非常厚實，但又不失鬆軟口感。牙齒同豬鞍交集嘅一刻，你仲會發現到中間夾雜左一陣陣咸香湧出黎，原來豬鞍中間細心地夾住一層芝士加火腿，令口感更上一層。除左主菜之外，另外依家set dinner仲可以加$38蚊另點一客鵝肝多士，味道不俗，上檯時鵝肝仲泛起亮麗嘅油光，令人垂涎欲滴。 

呢間小小既西餐廳，質素又唔差喎，仲要幾抵食！意式大蝦黑油醋沙律($48)大蝦係堅大，大過隻手，容易起肉唔痴殻，爽口鮮甜，沙律夠新鮮。欖油蒜片巴馬火腿意粉拼秘製帆立貝($88)意粉硬度岩岩好，醬汁夠Creamy，仲有兩大隻帆立貝，相當唔錯。哥倫布豬鞍架($108)超大份既豬鞍架，中間夾住芝士同火腿，好似三文治，豬鞍入味鮮嫩，吉埋一啖食哂芝士火腿同豬鞍，正！仲有半舊焗蒜，香甜。下面薯條可以點泰式辣醬泰式咖哩烤魚Pizza($68)呢個Pizza好特別，未食過烤魚Pizza，雖然係咖哩但食落只有香唔會辣，夠惹味。

呢間上年先開業既西餐廳 性價比十分高 原因係餐廳注重食物質素 希望客人能以較平民既價錢食到高水準既食物😳 意式大蝦黑油醋沙律 (HKD48)呢個沙律好意外 沙律上面有兩隻大蝦蝦肉好厚實 好多肉汁絕對係呢一餐晚飯既好開始呀!欖油蒜片巴馬火腿意粉拼秘制帆立貝 (HKD88)呢個意粉一人份量剛剛好意粉濕度剛好 唔會過膩 唔會過乾 加上加入左欖油蒜片 令意味好入味意粉上面仲有兩飯大大隻既秘制帆立貝 真係好抵!哥倫布豬鞍架 (HKD108)真心推介呢個剛剛新推出既豬鞍架呢個豬鞍架並不簡單 豬鞍好惹味豬鞍質素仍唔錯 肉汁好豐富!最重點係中間仲蘊藏著半溶芝士同火腿 令豬鞍味道更加突出 罪惡感十足泰式咖喱烤魚Pizza (HKD68)另一必食推介 平時食比薩來來去去都係芝士、菠蘿、火腿、海鮮等等 而呢間西餐廳創新地選用左「#泰式咖喱烤魚」味道意料之外既好味 咖喱味香噴噴 味道濃郁 而且呢個比薩亦都好適合D「唔食辣既朋友仔」因為近乎無辣味 但又有香濃咖喱烤魚既味道 性格比好高 regular size既比薩居然只係HKD68!!磨菇雞柳意大利飯拼脆炸軟殼蟹 (HKD 88)發現呢間餐廳好鐘意比客人驚喜食

葵芳除了有葵廣是美食天堂，從葵廣2樓離開往天橋走去，禮芳街附近亦有不同食店。雖不乏大型連鎖店，但小店亦有生存的空間及機會。這次朋友選了這間小店聚會，起初我擔心店舖細小，店員會催逼着我們還桌離開，不能與朋友盡興。幸好，我們當晚坐了兩小時都沒有受過仼何催促，只是聊天聊到口乾，要主動示意店員加水，但他們都樂意至極。坐下後，我們從牆壁上的黑板選擇食物，每一字都是店員親手畫寫，是小店別有的心思。首先來的，是當晚的餐湯，紅色的是紅菜頭，黃色的是蕃茄。起初見蕃茄湯呈黃色，有點驚訝，友人甚至不願相信，硬說它是南瓜湯！當然，喝下第一口，就能嚐出它的的確確是蕃茄湯，帶蕃茄的酸甜，又不失忌廉湯的厚重。相反，紅色的紅菜頭湯則不太有紅菜頭味，只是似紅色的忌廉湯。接着就是讓人驚喜的大蝦沙律！那大蝦實在很大隻，肉厚彈牙，調味恰當。但略嫌沙律的醬汁不太夠，未足以伴匀底層的蔬菜。我們當晚共點了五份主菜一起分享。其中是這白汁意粉，意粉質感煮得剛好，不會過軟過腍，而是有彈性的。帆立貝亦明顯地很大隻，彈牙又鮮甜！醬汁亦頗為creamy香濃，均勻掛在意粉上，不會太鹹。然後有意大利飯，這個其實飯是配角，餸才是主角！意大利飯只有幾