90s Lazy (先施大廈) (已結業)

裝修屬小清新文青樓上cafe，員工都係年青人。為左意粉同啤酒薯條而回頭，幫襯過兩次。.帶定頭盔先！第二次幫襯食物質素輕微下降， 👎🏽：意大利飯了解後，原來小店有請手足煮食，希望小店往後能夠控制食物質素。.🔸黑松露野菌忌廉汁闊條麵($85).🔸龍蝦汁帶子野菌扁意粉($95).🔸明太子蟹肉忌廉汁扁意粉($128).每個意粉分數: (8/10)意粉醬汁都煮得好好，唔會太鹹，夠濃夠稠，醬汁能掛到每條意粉上。.🔸啤酒薯條配黑松露醬($55)分數: (8.2/10)超級正！薯條外皮炸到好鬆脆，本身有味，再點好香既黑松露醬，將啤酒薯條再昇華。.🔸青醬野菌意大利飯($95)分數: (5/10)係我話食物質素下降嘅原因。。。意大利飯味道非常淡而無味，飯汁煮得太稀。.🔸柚子蜜🔸熱檸茶飲品方面絕不馬虎，檸檬都比4塊，柚子蜜都落好多，味道剛好，不會太淡。

黎呢間餐廳真係食個環境🥰唔會好迫 空間感幾大 坐得好舒服❤️重點係weekend都有lunch set好平好抵食🤤不過橦大廈有啲雜 女仔都係唔好自己一個去 因為我嗰日自己一個晏晝去 都有兩個紋身嘅男人R水吹 少驚😖.美式BBQ汁豬肋骨🐷 $188呢個係全份😍有10-12條骨倒 都幾多肉 唔會淨係好似咬骨咁🦴肉質幾嫩滑好腍 唔會太乾唔會太肥 啱啱好👍🏻個汁甜甜地帶微辣 唔錯🤩佢仲配埋粗薯同黑醋沙律🥗我鍾意呢款多過啤酒薯條🍟雖然佢冇炸得咁脆口 似焗多啲 但係佢入面啲薯蓉口感好綿密🤤佢面頭加左啲辣粉 所以食落幾開胃😋.卡邦尼蝴蝶粉🦋 $58個汁比較少杰 同埋味道都幾淡 所以食落唔會漏😝不過蝴蝶粉嘅份量都幾少 好快就食晒😟啲煙肉碎都淨係得好少🥓所以整體食落幾dry~~~.鮮茄大蝦野菌扁意粉🦐 $62好鐘意呢到個茄汁😍好酸仲有茄蓉🤤👍🏻呢個意粉份量多啲 都幾煙韌有咬口 唔會好腍一patpat😝啲蝦有四隻 口感都夠爽口😚好搞笑 佢除左菇之外 仲有啲翠玉瓜粒喺入面🤣.日式鰻魚蛋包飯🍳 $72每次去食飯都一定會有人嗌饅魚飯 但係其實我自己唔係話太鐘意食🤣雖然係lunch set 不過份量十足😍個人覺得呢

喺「五一黃色週」，想盡量唔揀大黃店，而係揾樓上café或其他小食店 。大家都真係好支持，我哋1500左右到，full左，要等5張枱，所以留電話，有枱會打俾我哋。等左50分鐘左右有枱。價錢便宜，份量唔好期望過高，味道不過不失。首先上枱嘅係飲品：熱咖啡（右）☕️唔似係機沖，咖啡混濁，味道偏淡。。熱紅棗茶（左）🍵味道比較清淡，但有紅棗粉可以咬。I don’t care 我唔理$58🍳貌相上有齊晒menu 上寫嘅食物，只係香草豬肉腸就比較幼細，其他都ok；味度方面，除左炒蛋係暖暖哋，其他食物都係室温；味道不過不失。黑松露忌廉意大利粉$55🍝味道普普通通，份量係女仔size 偏細。以下分享係超個人嘅，因為我怕食生洋蔥，而佢嗰啲好大粒，所以覺得麻麻哋。啤酒薯條配黑松露醬$52🍟哩碟係3碟入面最新鮮熱辣嘅一石，條條都脆卜卜架，薯條上面加左spice，有好少好少嘅辣味。兩個人share 黎講，有啲大碟。個黑松露醬比較重mayonnaise味。

「90s Lazy」開業於旺角先施大廈四樓 (先達樓上)，地點隱秘。從店名估計，Cafe 由一群 90 後開辦，目標客戶群也是一班「後生仔」。餐廳裝潢清簡，空間寬敞，確實適合大家閒聊躲懶 lazy 一番。午膳時間餐廳有一系列午市套餐供應，價錢才不過五六十元，更不用加一。小編要了一客「煙三文魚蜆肉忌廉汁扁意粉」。煙三文魚的份量比預期少，出品略為零碎。蜆肉的數量則合理，食味普遍達標，只有一只含沙微微影響享受。扁意粉方面，口感對辦不過腍，掛上的忌廉汁比較薄身輕盈少膩意。「啤酒薯條配黑松露醬」即叫即炸，香脆感理想，蘸點黑松露醬帶來多一重吸引味道，錦上添花。「水牛城雞翼」醬汁酸辣搶味，不論作為開胃前菜或小吃也合適。整體而言，「90s Lazy」的用餐環境不俗，適合大家閒聊躲懶 lazy 一番。作為樓上 Cafe，各小食大盤也交出應有功課。計及人均消費，可考慮再來。