二號廚房

營業中

休息中

突然想食傳統中式小菜，搵到一間親民小廚，格局沒有很豪華，但所有小菜都即叫即整，上枱時熱辣辣出緊煙，亦都唔會加好多味精煮到好鹹，用心製作出品的中式小菜碟碟都夠鑊氣! 椒鹽鮮魷 : 鮮魷脆槳唔厚，炸到金黃脆卜卜，內裡的鮮魷嫩滑。黃金海蝦 : 海蝦超級大隻，而且仲有蝦膏，蝦肉鮮甜彈牙有口感，配上黃金蛋黃醬份外惹味。豉椒炒花甲 : 豉椒汁剛剛好掛在每隻花甲上，味道一流!啫啫芥蘭煲 : 用上幼嫩芥蘭苗，棵棵都爽甜香脆!最後食埋個甜品雷沙湯丸真係非常滿足! 真心推介這間中式小廚，晚飯小菜的確好食，小廚也有提供火辣川菜菜式，亦都適合喜歡食辣人士。

啫啫芥蘭煲$78拔絲咕嚕肉$88西湖牛肉羹$88樟茶鴨$88/半隻魚香茄子煲$68白飯$10好味指數：😋😋😋😋😋抵食指數：💲💲💲💲💲環境舒適：😌😌😌😌環境衛生：🧹🧹🧹🧹服務質素：💁🏼‍♀️💁🏼‍♀️💁🏼‍♀️💁🏼‍♀️推介原因：男朋友想吃小炒，但怕污穢，不想去大排檔或熟食中心。剛好去了寶靈街搜尋花仔花女衫，就去了附近這間餐廳。餐廳衛生不錯，地板不覺濕滑。檯與檯之間有足夠距離，不覺擠逼，而且更有數間VIP 房及幾張卡位檯。我們點了4款小菜及一鍋湯。2款煲類食物都好好鑊氣，即叫即造，上桌時冒着煙，香氣撲鼻。啫啫芥蘭煲加了蝦乾肉碎辣椒🌶️絲。魚香茄子煲有陣陣鹹魚香味。2款小菜好惹味，送飯送酒一流。拔絲咕嚕肉的做法令咕嚕肉的面更脆。喜歡味道不會太酸，甜度亦適中。樟茶鴨煙燻味重，鴨不會有層厚厚的脂肪。鴨肉色澤金紅，鴨皮酥脆，肉質夠嫩。西湖牛肉羹夠足料，有大量牛肉碎、芫荽、蛋花。欣賞侍應給我們牛肉羹後，會主動給我們2隻小碗分湯，又給我們胡椒粉調味👍🏻小炒店有這個服務質素，確是值得一讚。

呢排我食得太多西餐同🇯🇵日本菜啦，所以想食番d🥡中菜平衡吓😂有朋友話呢間位於佐敦上海街嘅中菜館好掂👅，所以今日我都唔執輸，要嚟試吓環境《二號廚房》嘅環境都幾大，佢有好多張大枱提供，所以一家人或者一大班朋友夜晚去食吓d小菜，飲吓啤酒🍻就啱啦😘食物餐廳有好多唔同種類嘅食物，唔少都係大排擋有嘅小炒，另外佢重有酸菜魚、乾鍋、火鍋同烤魚 🐟我哋今次就試咗佢d小菜先❤️豉椒炒花甲 $88去中菜館梗係要叫花甲啦🤭呢個花甲嘅豉椒味都幾重，而且個汁都幾厚身，送飯一流😋八味豆腐粒 $48個八味豆腐粒外脆內軟，入面d豆腐好滑溜，外面d八味粉又夠晒惹味👍🏾椒鹽溫室南瓜拼大腸 $118炸大腸就食得多啦，估唔到炸南瓜，拼埋大腸一齊又幾夾🤤食完d咁滯嘅大腸，食d甜甜地嘅南瓜🎃吸收返d油份，係幾唔錯啫啫芥蘭煲$78 + 地道小炒王 $88必叫呢2個菜真係好惹味，煮得夠晒鑊氣呀🤩個小炒王固然好食，但個啫啫芥蘭煲更正🐷個煲熱辣辣咁送上嚟，d芥蘭好爽口之餘，入面d蝦乾又好夠味，正🙊雖然佐敦有好多大排檔同中菜小館，但想轉下口味嘅朋友，可以去《二號廚房》試試💜