喜記蟹將軍 (iSQUARE國際廣場) (已搬遷) 新店位置

好耐冇食過蟹啦，自己整又太難，係尖沙咀行街見呢間出名食蟹，就坐底叫幾味，滿足下口癮先！來呢度緊係要叫個喜記正宗炒辣蟹，個蟹鉗大大隻，一打開啖啖肉，好鮮甜，加埋勁多乾辣椒乾蒜落去炒，香辣惹味，真係必食！食蟹最麻煩就係整到成手都係，特別係出街食，就更呢hea,但餐廳提供左好得意既手套濕紙巾，方便食蟹時用，相當細心😃油鹽水浸大蜆睇落去好似比較清淡，但可能因為冇用咩重口味配料，食落d蜆零舍鮮甜，d蜆仲隻隻都幾大隻幾多肉，唔錯！食左咁多海鮮當然要叫返碟菜平衡下，蒜蓉炒菜心雖然睇落都係簡簡單單一味家常菜，但佢地d菜好似零舍甜同翠綠，熟度炒到恰到好處，都唔係咁易。椒鹽鮮魷食落好爽口，加埋d乾蒜吊味，鹹鹹地咁好惹味，一流！八味豆漿炸到外脆內軟，外面有好多乾蒜提香，鹹鹹地咁，又係好開胃。呢間d海鮮唔錯，會再來食！

喜記出名食蟹就係人都知，不過大家亦知道佢價位唔算平，但最近就發現喜記出左個非常超值嘅四人龍蟹宴套餐，七餸一飯/麵，有龍蝦有蟹有鵝有蜆包晒茶芥小食加一都係$998，即係除返開都係每人$250，去茶樓食都唔得，所以之前就同屋企人黎食當提早做冬。鮮淮山酸薑酸酸地幾開胃。秘製豉椒炒蜆炒蜆用左比較大隻嘅花甲，食落夠厚肉又唔會黏牙，不過空口食就鹹左少少，用黎餸飯就正！椒鹽波士頓龍蝦波士頓龍蝦都幾大隻同厚肉，肉質結實彈牙，椒鹽味夠惹味。喜記正宗炒辣蟹套餐裡面的炒蟹可以揀炒辣蟹或薑蔥炒蟹，不過識食一定揀炒辣蟹。炒辣蟹可以揀辣度，我地揀左少辣，其實辣椒都係放喺烤蒜粒中間，所以蟹肉其實只係bb辣。蟹肉唔會太乾，鹹鹹辣辣好惹味，炸蒜粒夠乾身，小辣都已經幾夠辣，用黎餸飯真係一流。燒汁野菌牛柳粒牛柳夠腍份量都對版，用三色椒同洋蔥一齊炒，燒汁甜甜地味道都唔錯。金銀蛋菜心套餐原本係莧菜，因為冇貨所以轉左做菜心，菜心莖唔會太硬，清清地都唔錯。鹵水鵝鹵水鵝係例牌，但份量都唔算少，鵝皮下仲連住少少肥膏，鵝肉鹵得入味之餘又唔會太鹹。懷舊鴛鴦飯鴛鴦飯唔會太大碟，食完七個餸再食埋個飯啱啱好，紅汁有肉絲，白汁有蝦仁。番薯糖水雖然

香港人愛吃海鮮，龍蝦和蟹向來是叮噹馬頭的熱門之選，今次就來到喜記蟹將軍品嚐這對海中孖寶。店內裝潢走中菜館的傳統格局，面積寬敞，座位之間留有空間感，坐得頗舒服。二人龍蟹宴原價為 $1128，現在減至 $598，確實抵食，不過這個優惠價需要提前預訂。茶錢每位 $10。陳醋木耳涼拌木耳口感爽脆，拌以帶酸的開胃陳醋，喚醒沉睡中的味蕾。波士頓龍蝦可選椒鹽焗或蒜茸蒸，這次就選了椒鹽焗。龍蝦焗至色澤金黃，內裡肉質彈牙爽口不過韌。龍蝦鉗當然是啖啖肉，表面撒滿蒜頭、香蔥、辣椒，讓龍蝦變得份外香口。喜記正宗炒辣蟹招牌菜避風塘炒辣蟹出場了！這道也是不少遊客慕名而來的地道菜式，份量澎湃壯觀的蒜蓉覆蓋蟹面，肉蟹被藏在蒜粒山中，一上枱已是蒜香撲鼻。蒜蓉炒得甘口焦香，十分脆口，讓蒜香徹底穿透蟹肉。這次選了小辣，對於不能吃辣的我也不會覺得過辣，鹹辣惹味，奇香無比，不過這隻蟹的size偏小，所以蟹肉量亦不多。欖角骨面層的糖衣緊緊裹著肉排，當筷子挾起時可以拉出長長的糖絲，甜甜的略為黏牙。排骨亦不會太多骨位，肉質鬆軟，鹹甜之間互相調和。野菌泡田園蔬菜吃完重口味的辣蟹，這道清淡的田園蔬菜就可中和一下。櫻花蝦炒飯表面撒滿了許多

今日公司Christmas party，所以同事仔去攞個靚位先，真係唔好意思，要同事仔坐咗半個鐘等我😅最衰我交換禮物咗啲垃圾返嚟，如果唔係就送咗俾同事仔作補償……好啦，講返依家蟹將軍先，因為同事仔話好耐冇食蟹，所以就book咗依間有名嘅蟹將軍當請佢食個生日飯，我都算係咁啦🤓可能係星期四，所以人唔算太多，不過有半間俾人包場做Christmas party，裏面唱歌個男人有幾好聽喎😂講返我食乜先，佢哋而家有個餐都幾抵食， $600左右，有龍蝦、有避風塘炒蟹、仲有菜有飯，仲想點喎😝唔使$600有龍蝦、有炒辣蟹，已經值回票價啦😲波士頓龍蝦，一隻嘅份量兩個人食啱啱好，龍蝦非常鮮味😋龍蝦鉗仲非常多肉添👍🏻正宗炒辣蟹，蟹肉鮮味，應該係最正宗嘅炒法🦀個蟹鉗真係好大呀😂唔怕熱氣嘅話，連啲蒜蓉都可以食埋😋滷水豬手一定要趁熱食，補充骨膠原🥰食咗咁多肉，食返個田園蔬菜啱啱好清楚油膩嘅感覺❤️坦白講，戰鬥到最後，依個櫻花蝦炒飯已經要打包拎走，如果前面啲嘢全部都冇食，我諗我先可以食得晒依個櫻花蝦炒飯，最尾都忍唔住食咗一碗仔，好味道😍

喜記蟹將軍的喜記正宗炒辣蟹一直受食客青睞，它的海鮮菜式水準穩定，故不少親友會選擇來喜記聚餐。喜記龍蟹二人宴非常超值，598元便吃到六道菜，不過要提早預訂呢。我們廢話少說，立即開始享用是晚龍蟹二人宴大餐。這是冷盤小食陳醋木耳，木耳十分冰涼，口感爽彈，酸酸甜甜的，給人開胃解膩的作用。龍蟹二人宴主角之一波士頓龍蝦隆重登場，波士頓龍蝦採用經典的烹調方法，龍蝦用熱油，炸蒜快炒，龍蝦肉外脆內嫩，蒜香盈滿，超棒呢。喜記正宗炒辣蟹緊接波士頓龍蝦出場，炒蝦比香辣炸蒜包圍，再以青蔥點綴，盡顯炒蟹霸氣。蟹肉肥美極致，肉質鮮甜多汁，拌上香辣的炸蒜品嚐，炒蟹多一分惹味。野菌泡田園蔬菜對於愛喝湯和吃野菌的我來說，簡直是道蔬菜佳餚，碧綠鮮嫩的菜心與爽脆的芹菜，厚嫩的野菌吸飽上湯，將蔬菜的甘甜發揮得淋漓盡致，個人十分喜歡。櫻花蝦炒飯無敵好吃，有著海味尾韻，吃來非常唰嘴。炒飯粒粒分明不油膩，以櫻花蝦，瑤柱提味，還有翠玉瓜，肉粒鮮味，在咬嚼炒飯時一口盡享海陸滋味，口齒留香。最後壓軸的是滷水豬手，雖然是尾聲，但豬手份量給得豪邁，貨真價實。咬下豬手，豬手外皮蠻滑彈，且富含膠質，一吃讓人眼睛為之一亮，滿嘴滿足感。

話說，同事見到免費報紙有蟹將軍雙蟹宴的廣告，$988/4-6位用，仲有$50 coupon，那平均一位就大約百幾蚊，有蟹有蝦有蜆，梗係即刻BOOK啦。 蟹將軍尖沙嘴分店位於Isquare，我地呢日book得早（平日6點多），居然裏面都有不少顧客。 除了雙蟹宴，因爲我地有7個人，我地另外加多一客金菊豆花湯（$55)，而每位計的火焰富貴蝦我地就無多點。 室内環境舒服 朋友不是個個都會吃很多海鮮，所以我地都另外叫了幾樣$66的特價小菜。 餐牌 雙蟹宴Details： 可供4-6位用需另收加一與茶介（$10/位） 火焰富貴蝦 上枱時有點被嚇倒，因爲完全聯想唔到這個啫喱杯。說好的火焰呢？侍應說之前已用火焰揮發菜式的酒精（?)幾時？將道菜冷藏前的事？那火焰好像不太關事 這道菜其實有點似啫喱水晶餚肉個層啫喱加上瀨尿蝦肉。瀨尿蝦肉本身無問題，但sorry我不太會欣賞個層不知道怎麽形容的味道（海鮮高湯？）的啫喱，所以只刮了下面的瀨尿蝦吃。花甲汁火焰蜆 呢道菜的包裝都幾特別，是將蜆包在錫紙袋裏面，再在上桌後點火煮熟。但一打開，有陣超怪的香味，好似女人香水般的人工香味。雖然食落的味道唔覺得奇怪，但放