湘蜀人家

營業中

休息中

我同M佬食嘢口味好夾，除咗辣呢家嘢！我係辣妹一名，無辣不歡；而M佬就好怕辣，少少辣已經we嘩鬼叫！但今日佢話要挑戰自己舌尖上嘅味蕾，所以我哋去到灣仔湘蜀人家。難得俾我食辣，所以餸菜由我發版，叫嘅都係川菜嘅代表菜式！我開動了哦！餐具全部都印有四川嘅變臉面具，好有feel架。（因為M佬唔係太食得辣，所以今次因應佢嘅指標，推出M佬噴火指數俾大家參考，5為最辣）辣豆芽（M佬噴火指數：1）作為茶芥系嘅前菜，當然唔係好辣，俾大家開開胃，醒醒神，迎接之後嘅挑戰！紅油抄手（M佬噴火指數：1）大大粒又漲卜卜，皮薄餡多，抄手沾滿醬汁同蒜蓉，好好味呀！四川涼粉（M佬噴火指數：4）涼粉好滑，又爽呀！初初食都唔夠得好辣，但越食越辣，越辣越麻。M佬就嚟頂唔順喇！四川口水雞（M佬噴火指數：3）雞件份量多，而且夠滑又厚肉，面頭嘅雞件唔算辣，但底層浸住嘅，全部都好辣呀。水煮魚（M佬噴火指數：5）超大盤，真係4個人都食唔晒！魚肉夠滑，骨少，份量好多。仲有索晒辣嘅薯份同荳芽，配料上一啲都唔失色。食完呢個之後，我個M佬已經變成孖潤腸喇！川椒回窩肉（M佬噴火指數：2）川菜系列中，我最愛嘅就係回窩肉！呢度嘅回窩肉，味道唔錯，但決

在網上睇到哩間新開既川菜餐廳，見到佢既小炒好吸引，今晚就黎左試下喇！黎到門口見到店內既裝修充滿中國色彩，有特色，而且仲坐滿食客，新開都已經咁受歡迎，看來一定有吸引人之處。哩度既餐具好靚呀，藍白色和中國面具圖案！等左一會兒就上菜喇！第一碟係炒黃牛肉，用上芫茜、大蔥、辣椒等配料炒得好香，微辣得黎好惹味，牛肉好林，好食呀！再黎既係口水雞，見到好多枱都有食，應該都係人氣菜式呀。嫩滑的雞肉沾上辣油和辣椒醬，香麻得黎其實又唔係勁辣，正！另外，仲點左一碟糖醋小排骨，炸得香脆，酸甜醬好開胃，份量都幾多。我最中意哩個酸菜魚片！魚片新鮮少骨，酸菜都好食，個湯好好飲。食完各款小炒後覺得要食d甜品先滿足，就點左一碟豆沙窩餅食。一上枱熱辣辣，豆沙多唔會太甜，想不到連甜品都有驚喜！

灣仔新開餐廳，咁愛酸辣o既我，點會唔試？除左裝修好中國特色之外，d餐具都好中國風～3個人坐卡位夠闊落油燜小竹筍 $58醬油味香，好入味，筍嫩～涼拌豆腐乾絲 $48睇餐牌以為係五香豆干，原來係紅油的，都ok蔥爆牛肉 $82必食！ 好夠鑊氣！一擺上台已經聞到好香！京蔥爆都剛剛好，唔會太熟或太生；牛肉香口又嫩，正，好適合配白飯！糖醋小排骨 $88酸酸甜甜好開胃！ 排骨唔會太肥，啖啖肉，另一個送飯一流菜式～四川口水雞 $72望落去好似好辣咁，但食落香料好足，無想像中辣，仲甜甜地，即使唔太食得辣o既朋友可以試試。土家酸菜魚片 $98另一個必食推薦！ 酸菜湯好開胃，好好飲。 唔會話酸到好寡，味道層次豐富，魚湯鮮甜。魚肉剛剛好熟，好嫩有唔腥。d湯飲晒一滴都無剩～～～雜糧窩窩頭 $48特別嘢～ 唔係度度有得食～ 類似饅頭中間有個窿，俾你放d餡料入去一齊食，好得意。餡料有鹹菜，肉碎等，好鹹香～ 炸醬麵 $62麵滑彈呀，炸醬肉醬撈埋一齊食，好味～