渝酸辣粉

營業中

休息中

係渝酸辣粉唔食辣好似幾浪費。順理成章一口氣點咗口水雞、四川擔擔麵、大蒜鱔魚麵。本來想叫招牌套餐（口水雞加擔擔麵套餐），奈何星期六日無做呢。呢度既四川擔擔麵同其他地方既分別係喺湯度：沒有花生香的辣湯，取而代之係麻香辣湯淺淺的在麵底，蛋麵算係有筋性彈牙，灑上蔥花同花生碎，簡單得嚟味道都帶出來，正所謂less is more 😍口水雞（少辣）亦唔錯，雞本身夠嫩滑無筋，亦都用了花椒、辣油蔥花調味。如非叫了麵，呢個花椒汁下飯是一流的。老闆好好，叫大蒜鱔魚麵既時候溫馨提示湯同餸係預先煮好的，辣度無得減少。個麵辣得香麻味濃，湯底有好多花椒同辣椒，而鱔魚同茄子份量各佔一半，麵條亦是蛋麵。由於有較辣既湯底，麵都掛了湯，個麵比四川擔擔麵味道更辣更麻，不過蒜味唔係好重，或者辣味已蓋過咗。食得太過癮，我哋亦唔想個肚仔受罪，叫咗杯青瓜豆奶。原來青瓜同豆奶都幾夾，味道好似曾經係四川餐廳飲過既青豆豆腐花，都係味道清淡，而豆類製品都可以中和辣度保護胃壁。完滿地享用了這一餐😊最後想講，食四川野嚟講，呢間算最乾淨嗰幾間（空氣、枱凳同舖頭四周）。而當間舖主打辣野時，店員都老闆都關心你食唔食得咁辣去提示你唔食得太辣唔好叫呢樣

想食好耐既酸辣粉，今日終於有機會食到啦！！！四川擔擔麵 –陽春麵上放上小量肉碎、花生碎仲有蔥花，一定要襯熱先可將麵同醬汁撈暈，記住，凍左就好難撈開啦！以往食開既擔擔麵都好重花生醬味，佢lee間眼見只有花生碎冇花生醬，食落花生味都唔太出，反而覺得比較清新食多多都唔覺膩，加上麻辣既醬汁愈食愈出，愈食就愈開胃，仲要一邊食一邊抺汗，不過又唔會麻辣到食唔到其他野。四川燃燒麵 -第一次食燃燒麵，其實係等於擔擔麵加左大量指天椒碎，如果將所有指天椒碎撈暈，LEE個堅係辣，辣到噴火個隻TIM，但整體係好味既。四川牛肉麵 – 湯底牛肉味濃郁，有小小藥材味，碗麵雖然細，但材料好足，牛肉有好多舊，牛肉味好重，每舊牛肉都有筋同肉，所以好有嚼口，咬多幾下仲感受到牛肉既本身鮮甜肉味。 陽春麵煮得岩岩好，唔會太腍又唔會太硬，配上牛肉味湯底，簡直好食到不得了，不過如果可以再辣D就更加好啦！四川豬肚絲酸菜麵 – 眼見一遍紅海，友人食到標晒汗之外，仲狂落醋先食得落去。一開始食第一口冇咩感覺，但當食左落左肚5秒之後，你就會感覺到D辣既香味湧番出黎，在你喉嚨附近徘迴，辣就的確很辣，但就是要追求這種辣得黎帶麻既感覺，爽！豬肚絲幾