影片
更多
2013-07-26
911 瀏覽
想食好耐既酸辣粉，今日終於有機會食到啦！！！四川擔擔麵 –陽春麵上放上小量肉碎、花生碎仲有蔥花，一定要襯熱先可將麵同醬汁撈暈，記住，凍左就好難撈開啦！以往食開既擔擔麵都好重花生醬味，佢lee間眼見只有花生碎冇花生醬，食落花生味都唔太出，反而覺得比較清新食多多都唔覺膩，加上麻辣既醬汁愈食愈出，愈食就愈開胃，仲要一邊食一邊抺汗，不過又唔會麻辣到食唔到其他野。四川燃燒麵 -第一次食燃燒麵，其實係等於擔擔麵加左大量指天椒碎，如果將所有指天椒碎撈暈，LEE個堅係辣，辣到噴火個隻TIM，但整體係好味既。四川牛肉麵 – 湯底牛肉味濃郁，有小小藥材味，碗麵雖然細，但材料好足，牛肉有好多舊，牛肉味好重，每舊牛肉都有筋同肉，所以好有嚼口，咬多幾下仲感受到牛肉既本身鮮甜肉味。 陽春麵煮得岩岩好，唔會太腍又唔會太硬，配上牛肉味湯底，簡直好食到不得了，不過如果可以再辣D就更加好啦！四川豬肚絲酸菜麵 – 眼見一遍紅海，友人食到標晒汗之外，仲狂落醋先食得落去。一開始食第一口冇咩感覺，但當食左落左肚5秒之後，你就會感覺到D辣既香味湧番出黎，在你喉嚨附近徘迴，辣就的確很辣，但就是要追求這種辣得黎帶麻既感覺，爽！豬肚絲幾
四川擔擔麵 –陽春麵上放上小量肉碎、花生碎仲有蔥花，一定要襯熱先可將麵同醬汁撈暈，記住，凍左就好難撈開啦！以往食開既擔擔麵都好重花生醬味，佢lee間眼見只有花生碎冇花生醬，食落花生味都唔太出，反而覺得比較清新食多多都唔覺膩，加上麻辣既醬汁愈食愈出，愈食就愈開胃，仲要一邊食一邊抺汗，不過又唔會麻辣到食唔到其他野。
四川燃燒麵 -第一次食燃燒麵，其實係等於擔擔麵加左大量指天椒碎，如果將所有指天椒碎撈暈，LEE個堅係辣，辣到噴火個隻TIM，但整體係好味既。
四川牛肉麵 – 湯底牛肉味濃郁，有小小藥材味，碗麵雖然細，但材料好足，牛肉有好多舊，牛肉味好重，每舊牛肉都有筋同肉，所以好有嚼口，咬多幾下仲感受到牛肉既本身鮮甜肉味。 陽春麵煮得岩岩好，唔會太腍又唔會太硬，配上牛肉味湯底，簡直好食到不得了，不過如果可以再辣D就更加好啦！
四川豬肚絲酸菜麵 – 眼見一遍紅海，友人食到標晒汗之外，仲狂落醋先食得落去。一開始食第一口冇咩感覺，但當食左落左肚5秒之後，你就會感覺到D辣既香味湧番出黎，在你喉嚨附近徘迴，辣就的確很辣，但就是要追求這種辣得黎帶麻既感覺，爽！豬肚絲幾爽口，薯粉質感煙煙韌韌，不過當碗麵咁辣既時候，你都唔會點咬D薯粉架啦，哈哈！
口水雞例牌 – 雞肉係雞脾肉，所以特別嫩滑, 但味道就差D，唔夠辣兼冇乜雞味。
蒜泥白肉 – 清甜爽口既青瓜夾住唔肥膩既白肉，加上佢既特製醬汁，有小小麵豉醬味加辣醬，又甜又辣，令整碟蒜泥白肉加分不少。
青瓜豆漿 – 第一次飲，覺得非常清新既飲品，夏天好岩飲，特別食辣野時可以解辣。友人形容佢既味道有D似青草味，的確本人就覺得青瓜味係蓋過豆味既，反而覺得幾清甜，飲完都唔覺有負擔，健康飲品。
題外話/補充資料：
良心建議：碗麵可以大碗番少少就更好。
(以上食評乃用戶個人意見 , 並不代表OpenRice之觀點。)
張貼
