餃掂手工餃子雲吞專門店

經過見到天下第一，即刻要試一下兩個人竟然嗌咗三款餃😛壽喜燒牛肉餃、至尊松茸餃、芫茜豬肉餃仲加咗個菜同涼皮樓面姐姐可能見我哋嗌得多，俾碟酸蘿蔔我哋醒吓個胃，陣間可以食多啲最最最鍾意係涼皮，面頭啲花生碎香脆可口，少辣已經好過癮🤩🤭希望下次再挑戰中辣松茸餃 （配湯）配咗個紅色松茸醬，原來唔辣嘅，滿滿嘅菇味壽喜牛肉餃（配湯）有驚喜，壽喜味剛好，餃子亦充滿肉汁湯係由幾款豆、魚、排骨煲成真係屋企飲果啲湯味，唔係茶餐廳嘅例水芫茜豬肉餃（煎）係誠實嘅，食落有芫茜味不過可再多啲茜，少啲肉會再滿足啲有好多調味料，本來諗住食餃時點，點知無用過，隻餃本身已經好夠味但係都有試吓味😋菜脯豆豉醬重豆豉味，有辣椒係入面不過唔辣四川辣椒醬同粉麵舖果啲好似差唔多🤔🤔

重慶鮮肉雲吞(52hkd@18隻)雲吞皮未去到超薄，入面嘅豬肉餡都幾飽滿扎實，入面仲包埋雲耳，上面有層薄薄嘅辣油，帶起個麻味，叫中辣都幾過癮😝壽喜燒牛肉餃(58hkd@7隻)餃子🥟勁多汁，一咬落去真係爆汁，仲彈到我個frd😂皮幾薄，食到壽喜燒獨有嘅甜醬油😍居然有日式餃子嘅感覺，肉都幾飽滿😎龍鳳松茸煎餃(98hkd@8隻)有白松露同黑松露，第一啖咬已經勁香，完全唔會有豬肉腥味，餃子都一樣做到焦邊，咬落好香脆，一如既往咁爆汁，推薦😍四川涼皮(32hkd)同我之前食過嘅涼皮唔同，佢唔係用花生醬，而係用花生粒本人🥜增加唔少口感，叫中辣都幾辣其實🥵#foodiblum中式

喺西環做完嘢順便食啲嘢先走，見到有餃掂好開心！因為想食餃子同埋之前都食過知道唔會中伏連鎖店嘅好處係水凖多數都穩定～試下個松茸素餃，入面有菜，松茸同雲耳灼餃無湯，不過都唔會太乾，入面都好足料，唔會好多油，好快就比我食哂入面好足料㗎～另一個餃就叫有肉嘅，之前都食過好食，呢日想食所以再叫～入面啲豬肉瘦多過肥，食落唔油膩，啱哂我口味而且都好足料，又唔會太大舊～個湯係狀元九鼎湯，有豬肉同其他材料煲，真材實料唔覺得有味精，又健康又好飲好多肉同粟米🤣我好鍾意食青瓜，嚟到呢種舖頭一定會叫 呢個唔會太辣，青瓜好多好新鮮～雲耳好大碟好好食，好彈牙新鮮，有蒜同辣汁撈，唔會太辣，好香口碟菜好大碟好抵食😂冇乜油咁煮，新鮮好食個涼皮好大份，估唔到呢個價錢會比咁多個涼皮好煙韌，有啲辣，不過都頂得順🤣

高先電影院睇戲前後響附近覓食，呢頭都幾多小店，入左呢間手工餃子專門店，原來都有幾間分店。試左招牌龍鳳松茸雙煎餃 $86/8隻，係黑白松露，望落分唔出，但咬落就聞到同食得出幾香既黑松露味，正！而白松露餃則比較似蘑菇味，唔夠黑松露突出。麻辣湯餃 $46/7隻 配麻辣湯，選小辣唔算好辣，但幾惹味。壽喜燒牛肉煎餃 $56/7隻 本身配搭已經新鮮，咬落去仲有湯汁吱出黎，有驚喜。.一共試左三款餃，隻隻都好足料，亦能夠食出不同口味的分別。煎餃煎到一邊金黃色，外脆內軟好香口；湯餃都結實，唔會一夾就散。仲有元貝餃同軟心芝士餃都幾特別，下次試下先！枱上除左有醃蘿蔔（開胃小食！正）仲有多款調味料，包括醋，豉油，四川辣椒醬，菜脯豆豉醬。我平時習慣煎餃點醋食，不過這邊餃子本身夠味，所以我淨係試左菜脯豆豉醬。辣菜脯惹味之外更豐富了口感，加少少又唔會太搶餃子原本的味道，正！四川涼皮 $32 口感煙韌幾有咬口，原本諗住配煎餃一齊食，但本身鋪滿花生碎，就咁食都好食。食左咁多煎餃有啲熱氣，最啱飲豆漿或者呢兩款下火清涼特飲 - 自家制山渣雪梨水同蜂蜜檸檬薏米水 $28/枝 好飲！店內環境幾舒適，唔會迫，而且有幾幅有關餃子畫

一直都好想試呢間嘅手工餃，終於有機會食到！店舖睇落都幾寬落，大部分都係4人位，坐落一啲都唔迫。今次食咗好多款餃子，最出色嘅竟然係四川涼皮！餐廳另外都會提供唔同嘅餃子醬汁，例如菜餔豆豉醬、豉油、四川麻辣醬同醋等等。龍鳳松茸雙煎餃($86) : 個人認為今次呢個松茸餃係必點之物，外皮煎得香口脆身，餃子非常足料，咬落啖啖都有松露嘅香味，一共有八隻，分別有白松露同黑松露，兩款都好好食！元貝豬肉湯餃拼芫荽豬肉湯餃配狀元九鼎湯($62+$9) : 兩款加埋有10隻，每款5隻，餃子皮薄但肉餡包到脹卜卜，每啖都食到一絲絲嘅元貝，個湯比較清淡，主要係由順德活鯪魚、香山活鰂魚、紅蘿蔔、粉葛、赤小豆、新會陳皮、鮮排骨等熬製而成，清甜又冇味精，更可以突出餃子嘅味道！四川涼皮($32) : 涼皮真係好出色，口感幼滑，皮薄有咬口，酸酸辣辣好開胃，辣度都可以自由選擇，面逗有大量花生碎同青瓜絲，撈埋一齊食真係有多重口感！惹味酸辣雲耳($25): 雲耳好爽口，酸辣啱啱好，食完好開胃！上湯松茸時菜($32): 菜心清甜翠綠，軟硬啱啱好，上面有幾片松茸同杞子！蜂蜜檸檬薏米水($20): 蜂蜜同檸檬嘅比例啱啱好，薏米煮得夠淋

堅離地既香港，有時十元百塊都唔知可以食到咩，見到平日喜歡餃掂開到堅尼地，就食過快靚正水餃，又好食，又多款式水餃餃子店黎講店都算係坐得舒服枱上有任食的自家醃製酸蘿蔔，酸甜甜的，爽脆開胃，作為餐前小吃最適合手拍青瓜 $25青瓜好清新加上惹味麻辣汁，好開胃至尊松茸豬肉餃 $73/ 8隻松茸能促進免疫力和改善身體機能保健功用，呢隻餃子好滋補。外層煎得幾香口，餃子隻隻都皮薄飽滿，另外仲有碟松茸醬點。食完餃子飲埋無味精狀元九鼎湯，好滿足！狀元九鼎相信專登無加鹽，迎合低鹽人士，個人認為味道少少清淡，自己加一點點鹽帶可帶出湯味道龍鳳松茸餃 $86/ 8隻龍鳳松茸餃食齊黑白松露味，咬落清香松露味適中，唔會過濃，仍然食到豬肉鮮味四川涼皮 $32涼皮咬落煙韌有口感，涼涼地酸酸辣辣好啱夏天食山楂雪梨水 $28自家製山楂雪梨水，清潤又不會太甜，酸酸甜甜好解渴，叫一支仲比兩隻杯可以share飲Menu