餃掂手工餃子雲吞專門店

這陣子都沒怎麼去吃好西，這天難得去銅鑼灣，決定試試新開的餃子店『餃掂』！「至尊松茸豬肉餃(灼)」可說是必點之選，大大隻餃子皮薄餡多，豬肉選用靚瘦肉加上松茸，香氣四溢，沒有加入很多調味，反而更能突出食材本身的鮮味！灼餃還會跟一碗「狀元九鼎湯」，是以蘿蔔、魚排骨等九種食材經秘製古方餚製，粉葛味濃得來清甜，配著灼餃吃很夾，而且不加味精和鹽，十分健康養生～「龍鳳松茸雙煎餃」包括黑松露和白松露兩款味道，外皮厚薄適中，煎得金黃香口，餡料很足料，松露味香濃，肉餡亦很juicy，真是超好味～$86有8隻好像有點貴，但餃子大大隻，味道也是坊間少有的美味，絕對值回這個價！「四川涼麵」是在涼麵上加上青瓜絲、花生碎、蔥粒等配料，再淋上芝麻醬和秘製辣醬（可自選辣度），香辣惹味又開胃，麵條有微彈口感，且份量多價錢平，配著煎餃來吃簡直是最完美配搭啊～「回味手拍青瓜」的青瓜新鮮爽脆，辣汁味道剛好，不會過油或過咸，香辣得來不會搭了青瓜本身的鮮味，如此簡單的小食也弄得如此出色，抵讚！「山楂雪梨水」既清甜又解渴解膩，甜度適中，飲得出是新鮮雪梨的甜味，吃完煎餃再飲一杯，感覺下火又養生～--------------------

相約舊同事一齊去睇戲，睇戲之前要先去食啲嘢，見到雜誌檔前嘅指示牌，原來附近有間手工餃子店。呢個品牌响太子食過，記得好食又有靚湯飲，好耐無食，就食佢啦。店內光猛明亮，乾淨企理。 坐低見到枱面嘅醃蘿蔔，即時心心眼，好鍾意食架。叫兩個涼拌小食，再叫咗幾款唔同餡嘅餃子。拍青瓜爽脆，味道清新，雲耳酸辣開胃，兩種都好味。狀元九鼎湯，揀灼餃(湯餃)就會送湯，叫湯另上，剛剛好一人一碗，真材實料，原味不加鹽已經好飲。芫茜豬肉餃$57 (10隻)芫茜豬肉餃清新好味，芫茜香加埋豬肉嘅鮮，真係絕配。餡料主要係松茸、小棠菜、雲耳....又香又爽脆，健康好味。餃子皮煎到金黃香脆，韮菜青綠味香，肉汁豐腴，要趁熱食。至尊松茸豬肉餃$72 (8隻)肉香鮮濃，汁液豐盈，好味。龍鳳係指分別配黑松露醬和白松露醬嘅松茸豬肉餃子，黑松露比較香，兩種都有肉鮮味，又有松茸特有嘅香氣。見客人流轉不斷，幾個人一齊，兩個人嚟，仲有唔少一個人嚟食嘅，餃子好食又有靚湯飲，最重要係價錢好抵食！

如果唔知食咩既時候，通常我腦海第一樣浮現既都係餃子！所以我經常周圍搵有咩好食既餃子，今次就比我發現到係銅鑼灣既「餃掂」身為餃子控既我緊係要黎食啦～呢到既設計同擺設都幾得意～呢間「餃掂」主打健康食材：松茸，咁我地緊係要試下啦，仲有呢個狀元九鼎湯，用鯪魚、粉葛、鰂魚等等材料煲成，一定要試下！咁我地一行4人就叫左好多野黎食🤣至尊松茸豬肉餃（灼）中碗8隻 $72。一咬開好香松茸味就知好足料，仲配左松露醬可以點～松茸好處多多，出街食都要健康d!狀元九鼎湯，朋友話唔飲鯪魚湯，佢都覺得好正，無魚既腥味但就有哂果種鮮味！一睇碗湯既色水就知超足料啦，餐廳一早已經隔哂湯渣，所以直接成碗飲都無問題🤣粟米豬肉餃（湯）中碗7隻$42。餃子浸在狀元九鼎湯內，個湯幾好飲唔洗再多講，每粒餃子在粟米同豬肉比例好岩，所以每啖咬落都有粟米既清甜，其實唔洗點任何汁都已經好好味！四川涼麵（小辣）$30 有花生、蔥花，麵底下亦加了一些類似香油的東西再拌上芝麻醬，實在岩哂呢個天氣食！好清爽上海淨麵$20 麵底好彈牙，煮得剛剛好，湯底亦剛好不太咸麻辣松花皮蛋$25 個麻辣汁偏淡，可以再麻d～回味手拍青瓜$25 拍青瓜見到都幾乎會叫，

想食餃子好耐啦，今次約咗朋友睇演唱會前食呢間見到有唔同地方都有分店既餃子店。星期中三點左右嚟到，入面都幾乎坐滿晒，等咗一陣先有四人位，而店入面既裝飾都幾特別，有好多唔同關於餃子既畫。坐得咗店員同我地講有可以任食既醃蘿蔔可以食，用嚟開胃，不過我自己就唔太鐘意蘿蔔所以無食到。我地揀咗三種唔同既餃子試下，首先叫咗個灼既至尊松茸豬肉餃($72)，有配個狀元九鼎湯。個松茸味好香，皮幾厚，料幾多，好食！而個湯都好足料好湯，非常好飲！跟住再叫咗個粟米豬肉湯餃($42)，平時我唔太鐘意食粟米，但係呢個入面有啲粟米粒夾埋豬肉都好好味，而且仲有埋咁大碗湯，真係好抵食。最後一個係雲耳椰菜豬肉煎餃($46)，我地叫咗既三個餃都係有豬肉，但真係食到好明顯三個餃子味道既差別，而且都係好香濃，呢個都唔例外。除咗餃子之外，我地都有叫咗一啲小食。叫咗個四川涼麵($30)，點咗小辣，辣味真係唔太重，但加咗芝麻醬好香，麵都好爽口好好食。驚唔夠飽，再叫咗個上海淨麵($20)，呢個麵都好好食，個湯底都好香濃。再叫咗個麻辣松花皮蛋($25)，雖然份量唔係好多，但每件都好大隻，個皮蛋味好濃，好好食。再叫咗一個回味手拍青瓜($25)

今日自己一個人食晚餐！周圍亂逛發現銅鑼灣開了一間新的餃子舖（餃掂），於是就入左去la！餐廳裝修以木爲主，燈光開明，乾净企理已經令我的好感度提升唔少。餐廳的餃子款式都有好多款！選擇夠多，除左餃子仲有面類同小食。豬肉元貝湯餃：元貝湯餃係會配餐廳的狀元九鼎湯！呢個湯係飲得出完全無落味精，而且仲有滋潤腸道，養顏保健等功效！看返餐牌單叫一碗湯都要$20,而家配埋餃子都係$48。豬肉元貝湯餃：元貝湯餃很鮮味！一咬已經嘗到元貝的鮮甜味道，果然係真材實料。除了元貝和豬肉餐廳在内餡更加了玉米和芹菜，令到湯餃的口感更為豐富。食到一半我先知道原來餐廳每個台上的酸蘿蔔都可以任食！呢D蘿蔔同辣醬全部都係餐廳自制，果然係好有心的小店。酸蘿蔔爽脆，酸甜度適中而且很醒胃。回味手拍青瓜：青瓜係我的最愛！爽脆清新的青瓜配上辣椒油，簡直係令我停唔到口！涼涼的青瓜，咬開有清甜的汁水。到最後其實我已經好飽，不過我見到每台客都有叫餐廳的自家製山楂雪梨水！所以我都忍不住都叫左一杯。雪梨水酸酸甜甜又開胃之餘因爲有加入山楂，所以都可以幫助消化！喝完感覺好滋潤。我覺得附近的OL一定會很喜歡這間餐廳！食物沒有味精又健康。