武士拉麵 (已結業)

晚飯決定唔到食咩好，兜兜轉轉都係去番食拉麵。武士拉麵唔係大街，店面又唔大，真係幾易忽略，不過味道好自然吸引到客啦店內大約十個位，排排座望住師傅整拉麵。拉麵款式唔少，唔知命名將軍同拉麵口味係咪真係有關聯呢🤔等麵個陣研究左d調味料，最特別係特製魚油，師傅話加入拉麵後湯底會更濃郁，真係要試試。先黎武士沾麵，份量好多！麵湯好濃郁，就咁飲會偏咸，但配埋麵食就剛剛好，魚鮮味突出，到尾會感覺到柚子的香氣；麵比較粗口，做沾麵掛湯一流；叉燒燒得香口，仲有豬肉甜味，成碗食完真係好飽坂上將軍即係蕃茄豬骨湯，入口已經食到濃濃蕃茄味，調味好好，濃郁之餘唔會過甜或過酸；麵質比沾麵軟滑，亦較幼身；糖心蛋火喉同入味程度剛剛好，好味！所以話，拉麵真係唔會食厭，因為每間拉麵口味都各有特色。武士拉麵的確充滿日式風格，湯夠濃郁，麵質都有用心選擇搭，滿足嘅晚餐

自己同fd去左日本成個星期，留低寶寶一個人喺香港。一返來就決定帶佢食拉麵補返數，又睇下香港拉麵水準比唔比得上日本。武士拉麵嘅味道無令我地失望。見之前d 食評都有話鋪頭細，但我又覺得還好，可能因為佢d 位一排過，唔會撞到人，無壓迫感，枱下面又有勾俾我掛背包。店員都好關心照顧d 客。我叫左九洲地獄：辛辣口味湯底頗濃郁，不過對於我lee d 食慣辣嘅人來講，其實只係微辣，但相信對大部人來講都已經夠刺激。佢嘅麵可以自選粗中幼/硬中軟，話就話好多間都有，但武士值得一讚係我叫軟佢真係會俾到軟我。武士嘅配料都唔係cheap 野紫菜我個人都好欣賞，係有紫菜味嘅，唔係一片霉菜，叉燒好鬆化，唔會咬都咬唔入。我地追加左半熟玉子同蟹棒，玉子確係做到個半熟程度，但味道如果再濃d 就更好。蟹棒真係棒，唔係頹蟹柳。寶寶就叫左坂上將軍拉麵：蕃茄豬骨湯底Lee 個湯底仲正，好清晰咁食到濃香嘅蕃茄味，但又唔會搶到好似食緊一大pat 蕃茄醬嘅感覺，睇佢飲晒成個湯底就知。P.S. 佢枝魚油都幾有趣，好有魚香，大家可以試下滴幾滴一碗麵$118，喺而家香港拉麵愈來愈貴嘅情況下，都交得出水準啦。

金巴利道附近大多數以韓式餐廳為主，不過因不太餓的關係，就找點輕吃的食物醫醫肚。途中經過一間拉麵小店，門外站著一群群人，視線正好被吸引著，於是前來看看。畢竟平時吃的拉麵店，總是離不開連鎖式或大品牌店，偶然支持一下小店也好，間中或會發捱到美食吧。餐廳略細，座位不多，入座後留意到旁邊的櫃，擺放了多隻武士公仔。形式彷似日本拉麵店，用以開放式廚房，食客一字排排坐，方便師傅弄好拉麵後，立即遞給客人，可拉麵的溫度保持最佳狀態。以將軍命名拉麵，提供8款不同湯底選擇，而湯底、麵條及軟硬度亦可按個人喜好選擇。我們分別點選了豐臣將軍拉麵/$98及坂上將軍拉麵/$98，枱上亦有特製魚油，可供調味呢。從師傅手上接過坂上將軍拉麵/$98，香噴噴的蕃茄味即飄過。拉麵內有溏心蛋、香蔥、蟹柳、叉燒、紫菜。而湯底就像拉麵的靈魂，這湯底入口有濃烈的蕃茄味，要讚的是酸度調得不錯，沒太酸及澀味，非常惹味。叉燒有咬感，油脂分佈尚算平均，而小妹較喜歡蟹柳，吸收了蕃茄湯後，變得非常軟腍及味道濃。拉麵選了硬身，帶有韌度，食落彈牙挺身，最重要的是一點鹼水味也沒有，不錯呢。還試了男友點的豐臣將軍拉麵，用上四國香蔥油湯底，入口微濃帶點香蔥及

放工一個人係尖沙咀遊蕩⋯行下行下 見到武士拉麵店有人排隊唔怕衰 最緊要一大堆 唔好蝕排埋一份等左大約10分鐘左右 好細少嘅一間店款式唔算多 但夠食嘅簡簡單單叫左蕃茄湯底嘅坂上將軍拉麵香濃嘅蕃茄湯底 杰杰的帶有微微的酸叉燒半肥瘦+溫泉蛋 配配軟硬適中嘅拉麵完全令人大快朵頤 難怪咁多人排隊

平時都會經開尖沙咀 講開食一定吾少得韓國街 今次係附近同fd諗住求其搵間食下 醫下肚 又吾想食韓國燒肉啊部隊鍋個啲 就一路由柯士甸路行 發現到依間與眾不同既日本拉麵店估吾到韓國街原來都有一間日本拉麵店 一入到去一列吧台 十個位左右吧 拉開張凳坐走廊就無乜位 但老闆幾nice 所以食既期間都吾會吾自在老闆一開始推介我地 一碗香蔥拉麵(豐臣將軍拉麵$98)一碗蕃茄豬骨(坂上將軍拉麵$98) 我地又無泥食過所以就想試試麵係用將軍泥命名 都幾得意 吾知有咩意思既呢 拉麵價格88蚊又有98蚊都有 仲有一款沾麵 枱上有不同調味同埋凍既綠茶供應 凍既都幾好 食拉麵時候熱就可以飲下我食既係香蔥拉麵 湯頭比較重口 但我喜歡 上面鋪有大量蔥 有青蔥同蔥白 好香 伴麵食就good! 而佢既叉燒同溏心蛋不俗 叉燒經過炙燒 肥瘦分佈合我口味 溏心蛋流心程度ok 食落嫩口 麵條幼身 但吾會好淋 所以整體不錯 唯麵量較小 對女仔泥講依個份量就較適合開放廚房夠晒透明度 如果突然想食拉麵 去到韓國街 可以一試 屬誠意小店

收工前即興約朋友食飯, 朋友話柯士甸一帶都好多有水準既特色餐廳, 有人介紹好野梗係聽晒佢話, 最後經過武士拉麵, 望望餐牌都覺得唔錯, 我地2個即刻決定食呢間相信呢間店特店係,落ORDER時可以揀麵既粗幼, 湯既濃度, 大家可以按自己喜好選揀豐臣將軍拉麵, $98香葱油湯底, 一黎到就好香葱味, 內有溫泉蛋半隻, 义燒, 紫菜, 份量女仔食岩岩好, 值得一提係义燒, 肥瘦適中, 又入味, 我揀既係幼麵. 好彈牙坂上將軍拉麵, $98呢款係蕃茄湯底, 朋友食既, 我試左一啖湯, 都幾濃蕃茄味調味區, 我加左拉麵胡椒, 加左後真係好香,同好味好多