華姐清湯腩

營業中

休息中

超難得早上有得放，下晝先番工。於是就硬拉阿媽去天后食食食。首先去華姐度食清湯腩。去到時兩點半，人不算多。要咗坑腩同崩砂腩 + 腩汁蘿蔔。兩種腩都好正，又夠淋，絕不黐牙。崩砂腩就帶點肥，也有些筋膜位，肥位好甘香；坑腩就較瘦，比崩砂腩更淋，牛肉味濃。蘿蔔清甜，但就唔多覺有腩汁味。華姐都座陣店裡，不過就顧住睇真情。

眾多有名氣的清湯腩中, 以九記名氣最大, 但名氣所累而令店舖水準不穩, 服務亦頗差, 所以華姐係我首選, 起碼水準穩定之餘服務亦不錯, 是日見隔離的大利有位, 但華姐卻要等位我自己喜歡坑腩, 所以叫左一碗坑腩伊麵($28, 如配普通粉麵$25, 伊麵則加$3), 其實坑腩即近腰肋骨的牛肉, 因為除去肋骨後會出現一條條的坑，所以稱為坑腩, 雖然看似肥膩, 但食落去滑溜, 就算煮得過火, 也無韌的感覺, 所以華姐的坑腩能滿足我的口胃, 配上已吸上淡淡牛骨湯的伊麵同食實在不錯...另點了腩汁蘿蔔($10), 又腍又清甜的白葡萄用上牛腩汁煮熟, 真係唔明白點解佢地一年四季的蘿蔔都整得咁清甜好味, 究竟係煮的技術定係蘿蔔的質量??!!

朋友v係附近讀左2年書，雖然早就想黎呢度朝拜，可惜一直苦無機會。剛好我又心血來潮想黎食，於是搵埋朋友c，3個人黎開餐。由於食晏時間，人太多，即使我地只係3個人，都要分開2張檯坐。不過阿叔好好人，講到明坐住先，有人走就會俾我地一齊返。最後，有2檯人走，本來阿叔想俾個靚位我地，但剛好又有3個大男人黎到，阿叔就叫我地坐去另一個比較逼既角落。雖然位置唔太好，但佢猛咁講唔好意思。服務咁周到，我地都無所謂。橫掂都係食一陣，有好野食就得啦。既然一心係想黎食好野，最後我地叫左淨坑腩、淨爽腩、腩汁蘿蔔，同埋淨麵/粉/河各一。淨坑腩d肥膏真係無得敵，好濃郁既咸香味。即使on diet既我都忍唔住一啖一啖咁將白茫茫既肥膏放入口。淨爽腩相對於坑腩，個人覺得呢個較失色。若以口感黎講，當然是爽腩嬴。但就無左濃濃既牛腩味。腩汁蘿蔔雖然仲未當造，但食落無渣，相信冬天既時候會好味得多。河粉索曬d味，而且煮既時間剛剛好，最怕食煮得太淋既河粉。上次就咁叫一碗其實都覺得幾好味，但如果真係想食好野既，最好都係叫淨腩+淨麵。呢一餐，真係回味無窮。