東歐餐廳

朋友即將離港，諗住她要吃中餐回味一番，誰不知她帶我去到另一個角落—東歐烏克蘭⋯⋯食評入圖睇‼️總括嚟講呢成間餐廳係好有特色，原來翻查資料之後先知道佢係全港唯一一間正宗烏克蘭菜，餐廳入邊一路播放住好輕鬆好親切嘅歌曲，令到你好融入佢哋嘅感覺，加上當地嘅特色佈置更加係冇得彈，餐廳嘅員工招呼好客有禮，呢幾但部份絕對加分！其實餐廳仲有更多經典嘅烏克蘭菜式，只係我仲未夠膽行出一步試吓，例如有兔肉、鹿肉等😅

果日係中環行完街, 唔知點解亂咁行就行左間餐廳附近. 之前聽朋友講佢地基本上日日都full booking. 咁我就同老婆2個人膽粗粗上去睇下有冇機會walk-in. 好好彩....又真係得wor. 餐廳既裝修真係好似置身於烏克蘭一樣, 無論佢地既燈飾, 餐桌椅, 小擺設等都別有一番風味.好鍾意佢地既店員, 無論係店主個女定係一般店員都好, 佢地會好仔細同耐心咁解釋每一道菜既味道同問題.推薦左兩款特色酒. 而moonshine 就真係好好飲. 細細部夠晒"近". 而且佢都係一個我想再去東歐餐廳既一個原因.食物就有網上介紹過既正宗烏克蘭羅宋湯,傳統豬肉餃子. 一碟4件, 大大隻. 建議share紅菜頭魚柳沙律. 味道酸酸甜甜, 好開胃.必食既基輔炸雞扒. . 薯片香脆, 雞肉炸過後外殼夠脆, 入面夠juicy. 有幾好食就唔多講, 上網睇返就夠.最後食返個蜂蜜蛋糕做結尾. 原個用餐過程好舒服. 雖然餐廳細, 座位比較迫. 但係反而有小酒館果種應有既熱鬧氣氛. 好想再食, 希望唔好咁難訂位..

開心，又食到on list餐廳☺️坐房仔嗰邊靜靜地唔錯，一入到去感覺好舒服💛·•三文魚肉冷盤。麵包牛油加三文魚又幾好食wor，唔似平時食開既煙三文魚，佢比較厚身肥美😋•招牌芝士焗牛脷盅。酥皮加汁夾埋牛脷👍🏼，牛脷好淋好香，如果酥皮可以脆d更正•正宗烏克蘭羅宋湯•基輔炸雞扒。外面好脆好香口，入面既雞肉夠嫩，好味😋•烏克蘭風味蜂蜜蛋糕。好岩我味甜，甜甜地夾埋上面d果仁食，好有口感好好味🤤d字可以即刻寫比職員佢哋到時就會寫上去，好靚💛·Happy Anniversary 💛

超誇張訂咗好耐位先有得食，千祈唔可以睇少yellow openRice威力💛今日終於有機會去會一會烏克蘭美女！地道香燒豬肋骨酒精係客面前倒再用火點着WOW有得睇有又有得食，成件事好吸睛好有節目效果 食落去唔係好重酒味，個皮有啲燒焦脆脆地又幾好食。豬肉唔肥膩多肉少骨，最後嗰舊就食到幾重酒味淡淡回味好香。食完個人潛意識覺得wing wing地好興奮#見到烏克蘭美女有啲high呢碟唔洗講基輔炸雞扒#係呀又係食G 烏克蘭嘅雞扒係一大舊，一切開啲牛油汁#噴射式咁噴晒出嚟正呀 食落去一啲都唔似雞胸仲超嫩口外層炸粉都唔厚！啲薯片先係精華即叫即炸勁好食配埋個雞一齊食係一流！#黃色經濟圈 #好愛港餐廳 #支持黃店 ———————————————⠀⠀⠀⠀⠀⠀⠀⠀⠀東歐餐廳 (中環)中環雲咸街63號巴力大廈1樓———————————————⠀⠀⠀⠀⠀⠀

第一次去這間餐廳。入到去感覺唔錯，服務好好，坐低左好快就有人serve你。我哋叫咗都好幾個dishes 嘅，原來出餸好快，會建議大家唔好一次過點晒你想食嘅嘢，續啲續啲嗌會好啲！我預訂咗一個月，好難至book到位！一定會再去嘅餐廳，今次會預早好多去book位。下次要試個豬肋骨，因為見到好多人都有叫。

經杜生一介紹，呢間以前無咩生意嘅東歐餐廳即時旺過旺角。正宗烏克蘭羅宋湯飲落真係同港式羅宋湯好唔同，非常之清。基輔炸雞扒 雖然無流心，但係都食得出牛油香。不過香燒豬肋骨同芝士焗牛脷盅 就麻麻哋。絕對唔質疑間係一間良心黃店，不過可能真係太多人幫襯，所以食物質素都有少少失望，不過試吓都無妨。⁣This is a very special restaurant in Hong Kong specializing in Ukrainian food. The Chicken Kiev was nice; however, other items and the service could be improved a bit! ⁣

生日當日男朋友仔神神祕祕咁話book咗餐廳喎～仲話包保我未食過咁話！即管睇吓食咩先～去到一棟大廈上一樓，嘩！真係估你唔到！專門食東歐菜，全港唯一一間正宗烏克蘭嘅餐廳😱😱😱一入到去已經見到有好濃厚嘅歐洲小餐館嘅裝修同風格老闆娘同女兒，仲有大廚都係烏克蘭美女，夠晒正宗啊！點嘢食喇，好多都係唔知咩東東嚟（笑）好彩男朋友做足功課，知道要點啲咩嘢食😊首先來個正宗烏克蘭羅宋湯，主要係紅菜頭同豬骨一齊煲嘅，好多菜好新鮮！馳名基輔炸雞扒：好脆嘅炸外殼包住好嫩唔嚡嘅雞胸肉，好新奇又好味道喎！地道香煎豬肋骨：一上菜會淋上vodka噴晒火咁，非常之igable，個火熄咗之後仲會聞到好香嘅豬肋條味～食落非常軟嫩，個醬汁又好味，正啊！最後因為難得來到不如叫多一味餸，就叫多份招牌芝士焗牛脷酥，正啊！！！牛脷好厚份量又多，個芝士忌廉汁點個酥餅好好味！最後再食咗個烏克蘭蜂蜜蛋糕，又係好特別，似鬆餅嘅口感，有少少核桃！最後飽到捧住個肚仔走，好味又好滿足！（PS 原來上過杜汶澤嘅喱騷！門口貼晒文宣！黃店！）