Pheromone Dessert (已結業)

啱啱為新一季優秀開飯熱店大賞投完兩輪票，小肥同契妹兩隻為食貓就襯週末得閒，專登走咗過去旺角條甜品街度食甜品。二人其實一早已鎖好幾間為目標，去到現場先憑其他因素再作篩選，結果當日o既勝出者就係街角有個好搶眼o既粉紅色易拉架o既「Pheromone Dessert」。行到去門口先醒覺甜品店門面並非粉紅，而係灰藍，可能相差得太大，一時竟然有啲難以適應。店內白色牆身o既設計，配上頭頂上o既水晶吊燈及粉紅色o既海報相架，好有公主feel。餐具仲要用上心形系列，好明顯食客大多為女生。我地每人先各自叫咗杯凍飲。士多啤梨奶昔（$39）：奶昔面有新鮮o既士多啤梨果肉，味道清香，但只屬微甜，雖然飲落好健康，不過如果可以甜返少少效果應更佳。不知道從那天起已漸漸愛上抹茶甜品，眼見餐牌上除咗有多款單點抹茶甜點之外，仲可以揀選包咗多項o既拼盤，咁唔洗多諗梗係叫個拼盤黎分啦！抹茶精選（$108）：個人覺得軟滑微甜o既果凍雖然最唔靚，但卻為最清香。厚厚o既兩件窩夫外脆內軟，不過由於本身冇乜味，食時要配合埋凍凍o既雪糕或心太軟內o既熔岩先最好味。心太軟雖屬拼盤中最甜o既一款，但甜度並不過火，最重要係個餡心的確軟滑流心，

食完飯就緊係要食埋個甜品啦。鋪頭係白布街，都算方便。店內裝飾簡潔，闊落，仲有上下兩層。設計主要以摩登及復古兩種元素組成，睇落去仲有d典雅既感覺tim~~因為食晚飯既時候都係得半成飽，一於食甜品食飽d。外形非常漂亮，上面一大層既蛋白質燒得均衡香脆，入口即溶。下面既係焦糖燉蛋。燉蛋有好香濃蛋味，絕無偷功減料。另外仲有一球雪糕，雪糕口味任君配搭，而我就選擇左曲奇。Pheromone呢間鋪頭入面既食品都真係唔少，如果想食曬都真係有難度，但見到d野食咁好味又點忍得口呢。好彩佢地有個精選，就係將佢地較受歡迎同特別既幾款食品變成一碟過，咁樣客人就可以一次過試到唔同既口味。呢個精選入面有：窩夫 ＋ 心太軟 ＋ 雪糕 ＋ 焦糖香蕉，單看外觀已經相當豐富同吸引。窩夫係小小既mini version，因為如果正常既話都幾大塊。話明精選就當然用一個標緻d既外形上台la~~~不過絕無搵笨，個窩夫外層整得脆到咬既時候卜卜聲，而內層又香又鬆軟，加上小小朱古力醬一齊食，岩曬。另外個心太軟絕對係澎湃既流心，隨著一切開d朱古力醬就湧曬出來之時，一陣陣濃烈既朱古力味亦都撲到去我既鼻內。到最後既係個焦糖香蕉，香脆的焦糖包圍住

與好姊妹K跟P好久不見, 於晚飯後想繼續聊天說地, 所以走到了這裡吃甜品。我們各自叫了飲品, K點的是士多啤梨奶昔, P的是芒果沙冰, 我則點了普通凍朱古力。甜品方面我們見慕絲棉花堡很有趣的樣子, 所以點了藍莓棉花糖跟brownie配朱古力雪糕。另外點了大家都喜歡的宇治金時 – 紅豆綠茶窩夫配綠茶雪糕。飲品先上, 給聊得口乾的我們解渴。第一眼看見已很喜歡這裡的玻璃杯碟套裝, 精緻的花紋碟有點可以high-tea的感覺。士多啤梨奶昔有點像士多啤梨牛奶, 偏重奶的一邊, 加上面的莓乾碎(看起來是吧因為K說吃不出), 有點像早餐的感覺。芒果沙冰就是把芒果打碎的一杯, 濃濃的芒果漿味很天然沒有放糖(P說不太甜感覺清新), 感覺滿健康的。我的凍朱古力則給她們的比下去了… 放了一會冰溶掉變得太淡, 但甜品上時大家的目光已被吸引了過去。藍莓棉花糖很搶眼(雖然藍莓味不明顯), 上面還黏著蝴蝶片(因為吃起來沒有味道所以我們沒有吃)。要吃到杯中物要先殲滅棉花糖, 我們三個有點難分, 所以大部分是我負責殲滅的,欠缺一點技巧所以即使用叉手都弄得黏黏的。杯內的是brownie, 杏仁片, 朱古力雪糕跟可可脆片類

來到很出名食棉花堡的Pheromone Dessert，這個甜品這麼受歡迎，若在晚飯後才到來惠顧，就大排長龍了，所以我選擇在晚上7點就去到，慢慢享受我的粉紅系列。店內以梳化座為主，靠窗位置亦有兩張二人枱，我和朋友想法一致，都決定坐二人枱。看到餐牌，種類蠻多，真的每款都想點。當然要試試出名的棉花堡系列啦﹗  棉花堡有藍莓味或士多啤梨味選擇，若點藍莓味，棉花堡上還會放上兩隻蝴蝶，像在天空中飛舞一樣，而慕絲方面，是指定配特濃朱古力慕絲的。不過始終想吃點大路的味道，最後點了朱古力慕絲棉花堡，女孩子見到一定歡喜若狂，嘩聲四起﹗棉花堡像雲一樣輕，就算放久了，亦沒有變形或化水，容易撕開又不黏手，微甜的士多啤梨味，入口清甜。朱古力慕絲加入大量配料，令整杯甜品更為豐富﹗為了與朱古力慕絲味道來得更夾，自選雪糕亦選了朱古力味；雪糕不易溶，冰凍程度是足夠讓客人狂拍照加消滅棉花堡的，加分! 濃滑慕絲尤其柔滑，與雪糕一起進食，滿是朱古力，味道升級，難以用筆墨形容，一定是朱古力狂迷那杯茶。濃郁過後，喝了杯士多啤梨奶昔，從顏色觀看，少了點士多啤梨的紅，無疑奶味甜度蓋過了士多啤梨，質地亦不是厚身膏狀的那款，較像士多啤梨